Amazones

Vide etiam paginam discretivam: Amazones (discretiva).

"Amazon vulnerata." Musea Capitolina.

Amazon se ad pugnandum parat, a Petro Hébert anno 1860 sculpta.

Amazones (Graece Ἀμαζόνες) in mythologia Graeca sunt gens mulierum bellatricium.

Definitio a Forcellini Lexico Totius Latinitatis excerpta

Aegidius Forcellini Amazones sic describit:

fuere feminae bellicosissimae, quae Sarmatiam ad Tanaim fluvium primum incoluerunt, deinde in Cappadocia ad Thermodontem consederunt. Earum arma erant arcus cum sagittis, securis, hasta, et pelta lunata. Dictae sunt Amazones, quasi sine mamma, ab α (a) priv.^? et μαζός (mazos), mamma. Mos enim fuit Amazonibus, interfectis maribus, quos genuissent, servare feminas, earumque infantium mammas dextras inurere, ne impedimento essent ad pugnam conserendam, et ne sagittarum jactus impediretur. At in omnibus, quae adhuc exstant, antiquis anaglyphis videre est passim Amazones utraque mamma praeditas, quia fortasse sculptores, quod visu ingratum foedumque foret, repraesentare nolurint. . . . Origo, regnum, et res gestae Amazonum a Iustino disertissime descripta sunt. Curtius etiam ubi de Thalestri ultima earum regina verba facit, Amazonum cultus et mores breviter persequitur.

Nomina Amazonum

Inter Amazones enumerantur:

• Antiope
• Hippolyta
• Penthesilea, regina Amazonum
• Thalestria seu Thalestris, regina Amazonum (sicut a scriptoribus quibusdam asseveratur) tempore Alexandri Macedonis

Artes

Pugna Amazonum Bello Troiano multis a pictoribus demonstrata est, inter quos ab Anselmo Feuerbach, qui bis (1869 et 1873) Amazonomachiam pinxit, et a Petro Paulo Rubens, qui anno 1615 picturam ominis eiusdem fecit.

Fontes

• Aeschylus, Prometheus vinctus 724-8
• Ammianus Marcellinus XXII.8.17-19 et 27.
• Diodorus Siculus, libro secundo Bibliothecae Historicae cap.44-46
• Herodotus, Melpomene 110-117
• Isocrates, Panegyricus 68-70
• Lysias, Oratio funebris 4-6
• Pausanias libro primo Graeciae descriptionis 2.1 15.2 17.2 25.2 41.7
• Plutarchus, "Theseus" in Vitis Parallelis cap. 26-27
• Procopius, De bellis 8.3.5-11
• Strabo, Geographica XI.5.1-4.

Nexus interni

• 1042 Amazone
• Flumen Amazonum

Nexus externi

Vicimedia Communia plura habent quae ad Amazones spectant (Amazons, Amazons of Greek mythology).

• Imagines Amazonum in Musaeo Iconographico Warburgiano