Perth Amboy
Perth Amboy est parva urbs historica in orientali reipublicae Novae Caesareae in Civitatibus Foederatis Americae ora. Urbs inmigrantes recentissimos attrahere solet. Secundum censum anni 2000, plurimi (69.83%) suorum hominum erant Hispanici.
Geographia
[recensere | fontem recensere]Urbs iacet in 40° 31′ 10″ Sept., 74° 16′ 31″ Occas. (40.519455°, –74.275326°). Superficies est 15.5 km² totale,? 12.4 km² terrae et 3.1 km² aquae. Territorium suum constat in paeninsula inter flumen Raritanum et fretum Insulae Statenis. Fines habet septentrionales cum oppido Woodbridge. Flumen Raritanus Perth-Amboyem ab urbe Meridionali Amboye separat. Pons Victoria, super flumen Raritanum, duas urbes Amboyes committet. Fretum Arthurianum oriente urbem ab Insula Statene, territorio Novi Eboraci, separat. Pons Outerbridge, super fretum, urbem et Insulam Statenem committit. Linea ferrivia "North Coast" per multas urbes secundum oram it, insulam Manhatam in urbe Novo Eboraco inclusam, et multi burgenses Perthamboyenses, qui in Manhatam laborant, per ferriviam commeant.
Historia
[recensere | fontem recensere]
Ante colonias Europaeas, regio Perthamboyensis "Ompoge" appellabatur a Lenni Lenape, indigenis Americanis, qui erant ramus gentis Algonquinae. Nomen postmodo "Emboyle" commutatur, tum "Amboyle." Coloni anno 1683, cum colonia publice accorparata est, terram saepe appellabant "Ambo" aut "Punctum Amboy," et demum simplice "Amboy." Anno 1686, cum coloniaa caput Caesereae Orientis facta est, coloni "Perth" ad nomen adduxerunt in honore Proprietarii Coloniae Realis, Comitis Perthiae. Post triginta duos annos, Perth Amboy cartam urbem accorporantem publicam a rege Britanniarum Georgio I concipit.
Usque ad annum 1702, Perth Amboy erat caput Caesareae Orientis. Tunc, post annum 1702, erat caput Novae Caesariae quando ipsa creata fuisset ex colonias Caesariae Orientis et Caesariae Occidentis. Anno 1774, Gubernator Guilielmus Franklin, filius Beniamini Franklin, domicilium magnum, ab proprietariis fabricatum, accepit, sed gubernator, Britanniae fidelis, domicilium proprietarii breve tempore habitabat ob Bellum Libertatis Americanae anni 1776. Bello confecto, aedificium in domicilium privatum factum est. Postmodum conversus est anno 1809 in deversorium conventiculum "The Brighton House" et anno 1883 in deversorium anachoresem "Westminister." Domicilium Proprietarii, quod unica regia gubernatoriae est ab antiquitate coloniali in Civitatibus Foederatis Americae, hodie possessio est rei publicae Novae Caeseareae, a Consortione Domicilii Proprietarii administrata.
Perth Amboy etiam Curiam Urbanam habet antiquissimam inter eas quae in usu perpetuo in America esset. Anno 1685, prima curia statuta est. Ob incendia, varias curias novas eodem situ in annis 1713, 1745, et 1767 statuere necesse erat. Curia Urbana praesens anno 1767 statuta est, cum spatio pro Aula Iuridica, Assemblea? Provincialis, Consilio Gubernatoris, et Administratione Urbana. Fuit in eis aulis ubi Nova Caeseara, ante caeteras civitates, Rogationem Iurum Foederalem (Anglice: "Bill of Rights") imprimis ratificavit. Quamquam curia annis 1826 et 1872 renovata est, nonnullae structurae significantes eius anni 1767 hodie manent.
Notanda
[recensere | fontem recensere]
- Anno 1760, Perthamboyensis Samuel Nevill periodicum The American Magazine secundum in America divulgatum edidit, nomine "Sylvanus Americanus." Hoc periodicum impressum et venditum est ab Iacobo Parker in oppido vicino Woodbridge.[1]
- Perth Amboy super stratum cretosum complura millia pedium crassum sedet. Quampropter, multa metalla et fabricae cretorum Perth-Amboye sitae sunt annis 1800 sicut A. Hall and Sons Terra Cotta. Ob cretam et consequentem defectum percolationis, Perth Amboy est unicus locus Novae Caesereae qui gasi Radonico caret.
- Annis 1848-1849, Perthamboyensis Laurentius Kearny activo Navarchorum Praefecto fungebatur dum Perthamboyensis Urbis Magister erat, quod primum in historia umquam occurrit.
- Perthamboyensis Thomas Mundy Peterson fit primus suffragator nigri coloris sub quindecima constitutionis enmendatione, die 31 Martii 1870. Populus hoc concelebraverunt, cum schola primaria via Statu sita nominaverunt Scholam Thomam Mundy Peterson.
- Anno 1898 prima moderna navis subaquanea Americana, nomine Holland VI', ab Ioanne Holland Patersoniensi descripta, perfecta est in fabrica Perthamboyensi nomine Industrial Iron Works and Machine Shop. Probatio in Freto Arthuriano tensiones inter Hispaniam et CFA auxit ante bellum Hispano-Americanum.[2]
- Sero mense Augusto anno 1923 ordo publicus fractus est, cum turba sex plus milium plebis urbis percusserunt, verberaverunt, pepuleruntque fautores odii phyletici, qui conventum societatis Ku Klux Klan in urbe instituere coeperint. Secundum diarium New York Times, urbis biocolytis et siphonariis violentiam desinere nequentibus, tumultus totum diem permansit, usque cum omnem fautorum turba percussit.[3]
- Urbs Perth Amboy inter multas pelliculas figurat,? The Secret Life of Walter Mitty (1947), A Connecticut Yankee in King Arthur's Court (1949), Rabbit of Seville (pellicula) (1949), An American in Paris (1951), To Hell and Back (1955), What's Opera, Doc? (1957), Birds Anonymous (pellicula, 1957) (1957), Trannsylania 6-5000 (1963), The Lady Vanishes (1978), et alias.
- In quodam embolio seriei Looney Tunes, Bugs Bunny Perth-Amboyem Novae Caesereae patriam suam nominat.
Nexus externi
[recensere | fontem recensere]Notae
[recensere | fontem recensere]- ↑ De Sylvano Americano in "Collections of the New Jersey Historical Society", By New Jersey Historical Society (Google Books)
- ↑ John P. Holland, 1841-1914, By Richard Knowles Morris (Google Books)
- ↑ NYT:PERTH AMBOY MOB IN ANTI-KLAN RIOT; SCORES ARE BEATEN; Crowd of 6,000 Drive Ku Kluxers From Hall, Pummeling and Stoning Them. POLICE TEAR GAS FUTILE Fire Department Attempts to Halt Assault, but Rioters Cut Every Line of Hose.