Tumenum

Tumenum^[1] (Russice: Тюмень, tr. Tjumen’) est urbs Russiae, metropolis regionis Tumenensis. Circa 745 milia incolarum habet. Urbs sita est in Siberia occidentali ad flumen nomine Tura, quod est accola fluvii Tobol.

Tumen est valens transportationis (portum, stationem ferriviariam et duos aeroportus habens), industriae, scientiae, et culturae sedes.

Historia

Arx Tumenensis condita est anno 1586 prope priscum castellum Tartarorum, et facta est prima Russorum urbs in Siberia. De origine nominis Tumen, opiniones variae exsistunt: e.g., e legendis Tartaricis, urbs vocata est ex verbo tumen, quod in lingua Tartarica 'decies milia' significat.

A saeculo septindecimo Tumenum sedes valens mercaturae et fabricarum fuit. Postquam gubernium Siberiense anno 1708 creatum est, sedes administrativa eius districtus (ab anno 1724 in provinciam Toboliensem gubernii illius inclusi), ab anno 1782 unius e districtibus praefecturae et ab anno 1796 gubernii Toboliensis metropolis fuit, anno 1919 etiam caput gubernii illius factum est, ab anno sequente metropolis gubernii Tumenensis factum. Ab anno 1923 ut sedes administrativa circuli et dein districtus ad regionem Uralensem pertinebat, anno 1934 sedes administrativa regionis Obiensi-Irtisensis factum est, anno 1934 autem ut sedes administrativa districtus in regionem Omensem inclusum. Ab anno 1944 enim caput regionis Tumenensis est.

Notae

↑ Historia de Sibiria (in: А.Титов, Сибирь в XVII-м веке, Moscuae, 1890), p. 125

Nexus externi

Vicimedia Communia plura habent quae ad Tumenum spectant.

Situs geographici et historici: Locus: 57°9′0″N 65°32′0″E • OpenStreetMap • GeoNames • Store norske Lexikon • Большая российская энциклопедия

[1] Historia de Sibiria (in: А.Титов, Сибирь в XVII-м веке, Moscuae, 1890), p. 125

[1]