Ioannes Radvanus
Ioannes Radvanus (Albaruthenice Ян Радван, Lituanice Jonas Radvanas), post annum 1591 mortuus, poeta Latinus Magni Ducatus Lituaniae fuit.
Ioannes RadvanusObitus: 1592, unknown value;
Patria: Magnus Ducatus Lituaniae
Vita et opera
recensereVita Radvani paene ignota est. Vilnae et in Universitate Studii Paduani educatus est. Scripsit Epitalamium in nuptis… Christophori Monvidi Dorohostajski, anno 1590 Vilnae editum, carmen epicum Radiviliadem et nonnulla alia, variis libris inserta.
Radivilias
recensereRadivilias, poema in quattuor libris et circa 3000 versibus, vitam et opera Nicolai Radivilli Rubri(lt), imprimis Bello Livonico(en) gesta, describit. Libri eius haec sunt:
- I — de origine Nicolai Radivilli et de indole eius; de Starodubo expugnato;
- II — de initio belli Livonici;
- III — de proeliis magnis, imprimis de proelio Ulensi(en) et de gestis Radivilli gloriosis;
- IV — de fine belli et de morte Radivilli.
Inimicorum in bello Livonico Russorum (quos Radvanus Moschos, i.e. Moscuenses, nominat) rex est Ioannes Severus, coloribus tenebricosis pictus. Multa nomina locorum Latina Russiae et Europae Orientalis poema continet.
Editiones
recensere- Radivilias, sive, De vita, et rebus praeclarissime gestis, immortalis memoriae, illustrissimi principis Nicolai Radivili Georgii filii, ducis in Dubinki ac Bierze ... libri quatuor, Ioannis Radvani Lit[uani] ... ex officina Ioannis Kartzani, Vilnae, [1592].
- Jonas Radvanas, Radviliada, ed. Sigitas Narbutas, Vilnae, 1997 (cum versione Lituanica et commentariis doctis).
Bibliographia
recensere- Žanna Nekraševič-Karotkaja. Latin Epic Poetry and its Evolution as a Factor of Cultural Identity in Central and Eastern Europe in the Sixteenth and Seventeenth Centuries (Anglice)
- Некрашевич-Короткая Ж. В. Tibi surgit opus, Lituania praestans! // Senoji lietuvos literatūra. — 29 knyga, 2010. (Russice)