Alexander Neckam

Alexander Neckam vel Nequam, die 8 Septembris anno 1157 in Villa Sancti Albani natus et 31 Martii 1217 Kemeseiae^(en) mortuus, fuit monachus et abbas Augustinianus Anglicus, poeta Latinus didacticus.

Vita

Hodierna Alexandri mater Ricardi Cordis Leonis regis nutrix fuit, qui eodem die natus est. Alexander Lutetiae educatus et anno 1180 ibi magister schole ad Pontem Minorem (école du Petit-Pont) factus est; Angliam anno 1186 revertit. Anno 1203 vota monastica accepit, anno 1213 abbas in Ciricestria factus est.

Opera

Etiam Lutetiae Alexander carmen didacticum De nominibus utensilium scripsit, ubi pyxidem nauticam primus Europae memorat (v. 1180-1187), ad Martianum Capellam commentaria adhuc inedita composuit et fabulas Aviani et Romuli^(it) dicti hexametris vertit. In Anglia Quaestiones et Sermones scripsit. Permulta opera in Ciricestria composuit:

Laus beatissimae virginis
Solatium fidelis animae
Corrogationes Promethei
notas ad Psalterium
De naturis rerum et in Ecclesiasten, versibus 1200, opus suum notissiumum encyclopaedicum
Sacerdos at altare
Commentarios in librum Proverbiorum et in Canticum Canticorum
Speculum speculationum (editum nuper a R. M. Thompson, Oxoniae, 1990)
Laus sapientiae divinae
Corrogationes novi Promethei
Super mulierem fortem
Suppletio defectuum (supplementum ad 'Laudem sapientiae divinae', nuper editum a C.J. McDonough, Florentiae, 1999)

Nexus externi

Lexica biographica: • Deutsche Biographie • Treccani • Большая российская энциклопедия •

Encyclopaedia Catholica
De naturis rerum et in Ecclesiasten, in Gallica: 1 et 2 (editio T. Wright, Londinii, 1863).