Trogenter

	Restren:Ŝraŭbo m6.jpg, Black wood screw with flat Phillips head.jpg
Ensampel a	sort a elven jynn, encyclopedia article
Klass	jynn sempel, threaded fastener
Synsys ynno/i	neusen trogenter, ebil
	Restrennow kelmys war Gemmyn Wikimedia

Trogenter yw darn lymm a alkan neusennys haval dhe genter. Dihaval dhe genter, trogenter a'n jeves treghow troyllyek yn-nans y spik. Gwaskys yw trogenter erbynn prenn ha treylyes gans trogentrell. Treylya an trogenter dhe'n dyghow a'n herdh a-ji dhe'n prenn. An treghow a'n lett rag kodha yn mes, fatel alsa kenter y wul. Treylya an kenter dhe'n kledh a'n denn dhyworth an prenn. Sort a jynn sempel yw trogenter.

Trogentrow yw gwrys a dhur. horn, brest, brons, plastek, h.e.. Trogentrow jynn yw ebilyow a's teves neus trogenter. An neus a wra parya know gans neus benow. Musurys yw neus trogentrow yn milimetrow po niveryow. Usys yns i yn mebel, darasow, daffar h.e..

Trogentra ha trogentrow

Trogentra yw an moyha kempen fordh a synsi dau stoff warbarth. Mar nyns yw glus omviskys, ena y hyllir digelmi an trogentra.

Yma tri sort dyffrans a drogenter.

Gorthsedhi: yn kynsa y tellir toll lewya y'n prenn. Ena y hyllir ledanhe a topp dre usya tarder gorthsedhi. Platt yw penn an trogenter.
Penn drehevys: a'n jeves penn kromm, drehevys a-ugh an enep.
Penn rond: penn kromm a-ugh an enep, ledanna ages yn-danno.

Y kodh dhywgh sevel orth settya trogentrow yn linen drefen hemma dhe wannhe an prenn. Y kodh dhywgh hwi ynwedh surhe bos trogentrell a'n myns ewn usys herwydh myns penn an trogenter. Trogentrell yth yw re danow a yll kisya an trogh, re ledan a yll kisya an stoffow. Neus trogentrow yn po prenn po alkan a yll dos ha bos stryppys, tra a wra spedya fowt a nerth treylya. Kales yw aga remova mar hwarvo hemma.