Park Kenedhlek Namib-Naukluft

Park Kenedhlek Namib-Naukluft
Sort	park Kenedhlek
Fondys	1979
Doronieth
Tyller	Namibi
Gwlas	Namibi
Arenebedh	49,789 km²
Kesordnogyon	24.5464°S 15.3297°E
Studh ertach	Ertachva an Bys UNESCO kynnigys
Manylion
	Restrennow kelmys war Wikimedia Kemmyn
	[edit on Wikidata]

Park Kenedhlek Namib-Naukluft yw park kenedhlek yn Namibi west, ynter arvor an Keynvor Iwerydh hag amal an Kleger Meur. Ev a gomprehend rann a'n Difeythtir Namib (prederys dhe vos difeythtir kottha an Bys), an menydhyow Naukluft ha morlyn Porth Sandwich. Tylleryow moyha aswonys an park ha chif tennvosow tornysi yw Sossusvlei, poll holan kerghynnys gans tewynnow, ha Sesriem, kownans byghan an Dowr Tsauchab. Desedhys yw gorsav hwithrans difeythtir Gobabeb a-ji an park.

Tyller ha deskrifans

Arenebedh an park yw 49,768 kilometer pedrek, an park bestes moyha yn Afrika ha'n peswora moyha y'n Bys. Ev a gonsyst a gonna tir ryb an Keynvor Iwerydh (ow komprehendya 1,609 kilometer pedrek a vor) gans hys a 600 km yntra north (Dowr Swakop) ha soth (Fordh B4).

Godhvewnans

Revedh yw liester an bestes a yll durya y'n ranndir hyper-sygh ma. I a gomprehend serf, geckos, hwesker koynt, usviles, gavrewiges avel an gemsbok, lewpardes, kathes gwyls Afrika, lewern an Pennryn, baboons, karakales, lewern hirskovarnek hag owrgeun.

Doronieth

Tirwedh tipek an park yw enysmynydhyow (inselbergs) diberthys ha kopjes, an term Afrikaans rag karnow, gwrys a veyn growan rudh. An Menydhyow Naukluft yw yn est an park.

Moy a lybor a dheu avel niwl dhyworth an Keynvor Iwerydh ages avel glaw. Glawas kresek yw 106 millimeter an vledhen, an seson glawek yw ynter mis Hwevrer hag Ebrel.

An gwynsow a dhre an niwl a wra tewynnow kowrek an park keffrys. Aga liw rudhvelyn yw arwodh a'ga hothni drefen bos horn y'n tewes oksidysys, kepar hag alkan gossenek.

An tewynnow ma yw an re ughella y'n Bys, treweythyow moy ages 300 meter (ogas dhe 1000 tros-hys) a-ugh leur an difeythtir. Ryb an mor, morlynnyn, glybtiryow ha pollow holan a denn kansow a vilyow a ydhyn.

'Namib' a styr "tyller ygerys" y'n yeth Khoekhoegowab, ha'n Difeythtir Namib a dhre y hanow dhe'n pow Namibi ynwedh, "tir tylleryow ysgerys".

Istori

Fondys veu an park yn 1907 pan wrug an Governans Trevesigethek Almaynek apoyntya teyr bestva yn Afrika Soth-West Almaynek. Apoyntys an Park Namib-Naukluft a-lemmyn avel "Bestva Niver 3". An re erel o Omatako hag Etosha. Keworrys veu ranndir Porth Sandwich yn 1941 ha tamm moy war an amal soth yn 1962.

Yn 1966 disapoyntys veu "Bestva Niver 3" ha gwrys veu Park Difeythtir Namib yn hy le. Park Difeythtir Namib a gomprehendas ranndir byghan dhe'n north a Dhowr Swakop may tyv Welwitschia, keffrys ha Tirwedh an Loor dhe'n est a Swakopmund. Yn 1979 keworrys veu dew ranndir meur aral: hemm yw yn kynsa Park Zebra Menydh Naukluft mayth yw Menydhyow Naukluft a-lemmyn rann a'n ranndir gwithys (a-gynsow an park zebra a gomprehendas 14 bargen-tir kenwerthel prenys gan an governans dhe witha zebra an menydh) hag yn nessa darn hirgul 1,000km a'n Keynvor Iwerydh dell wrug Park Namib-Naukluft an kynsa gwithva vorek yn Namibi.

Apoyntys veu oryon an park a-lemmyn yn 1986 pan dhegemeras an governans maystri dres rannow a'n Sperrgebiet, ranndir synsys rag balyow adamantys. Ny yll an poblans ollgemmyn mos ena, mes rann yw a Bark Kenedhlek Namib-Naukluft a-lemmyn.

Mirva

Skeusen lorell a dhiskwedh oryon Park Kendehlek Nami-Naukluft ha Gwithva Natur Namib Rand
Hwilen Difeythtir Namib, Stenocara gracilipes
Teynnow ughel y'n Difeythtir Namib
Gwydh 550 bloodh yn Dead Vlei
Tewyn tipek y'n park
Tirwedh an Loor ogas dhe Swakopmund
Gwernyar Rüppell y'n gwerstiryow ryb an tewynnow
Gwydhen gonn sethow diberthys (Aloidendron dichotomum) y'n park
Enysmenydh (inselberg) y'n park
Kopje (karn trovannel)
Lewern hirskovarnek
Gavrewiges gemsbok
An plans Welwitschia
Kownans Sesriem
Porth Sandwich