Naderles

Naderles
Naderles (Echium vulgare)
Klassans bewoniethek
Gwlaskor:	Plantae
(anrenkys):	Angiosperms
(anrenkys):	Eudicots
(anrenkys):	Asterids
Urdh:	Boraginales
Teylu:	Boraginaceae
Kinda:	Echium
Hanow dewhenwek
Echium vulgare Linneaus

Echium vulgare po naderles yn Kernewek yw plans bleujennek y'n teylu Boraginaceae. Y hanow yn Kembrek yw gwiberlys ha'n Sowsnek yw viper's bugloss. An hanow 'bugloss' a dheu dhyworth Frynkek buglosse, dre Latin buglossa, ha Grek βούγλωσσον (boúglōsson, hemm yw βοῦς (boûs, “oghen”) γλῶσσα (glôssa, “taves”)), ow tisplegya an hanow Kernewek aral, taves ojyon.

Deskrifans

Teythyek yw dhe'n brassa rann a Europa hag Asi west ha kres. Ev a hwer avel eghen gomendys yn north-est Amerika Ogledh, soth-west Amerika Dhyghow hag enys soth Aotearoa. Usys veu an gwreydh yn dedhyow koth avel dyghtyans rag brathansow nadres po serf. Mars yw dybrys, an plans yw gwenon dhe vergh ha bughes awos kreunans alkaloydow y'n avi.

Plans diwvledhynnyek po pubvledhynnyek monokarpik yw, ow tevi dhe ughelder a 30 - 80 cm (12 - 31 meusva), gans del garow blewek. An bleujyow a dhalleth rudhwynn ha treylya glas glew, 15-20mm yn kolgh. Glas yw an ponn mes an stamenow yw rudh, gorthwedh dhe'n bleujyow. Ev a vleujowa yntra mis Me ha Gwynngala. Kevys yw yn gwelstir segh kalghek ha rosow, tylleryow mool ha difeyth, a-hys hensi horn ha fordhow, ha war alsyow arvorel, tewynnow ha bili.

• 
  Naderles ow tevi war emlow fordh
• 
  Kolghow bleujow naderles
• 
  Delinyans naderles
• 
  Golok ogas a'n bleujen