Wilhelm Hamacher
Dr. Wilhelm Hamacher (* 11. Oktoober 1883 en Trooßdoorf; † 21. Juuli 1951 en Bonn) wor ene doitsche Politiker vun de Zentrumspartei.
Nohdem hä Jeschichte, Äädkund un klassische Sprooche studeert hat, wudd dä Hamacher 1920 Jeneralsekretär vun dä Zentrumspartei. Vun 1926 bes 1933 hätt hä et Rhingland em Reichsrat vertrodde.
Av 1945 hätt hä sesch an dä Widdervereinijung vum Zentrum beteilicht un wudd 1946 sojar zom Bundesfürsetzende jewählt. Jenauesu wor hä, wenn och nur kuurt, Kultosmenister vun Nord-Rhing-Weßfahle en dä Landesrejierung vun Rudolf Amelunxen. Vun dä iirzten Bundesdaachswahl em Joohr 1949 aan, bes zo singem Duud em Joohr 1951 däät dä Hamacher dem Bundesdaach aanjehüre. Mer woo sesh doomohlß lang nit ëijnß, ob_mer jäds_en _en ëijene Pattëij fö_jeede krißlishe Konfäßjohn hann wullt, oddor_ob_mer leever_en jemäjnsaame Unnijohnß_Pattëij maache sullt. Dä Hammaacher woh jääje de Unnijohn, wëijl_e daach, dat_e Kattolikke sönß en däm jannze pollitische Explėzier ungerjonn mööte, wo_t su fill mieh Protteßtante wi Kattolikke joof. Ävver hä wulld_och jään_hann, dat_i zwëij Krißßlijje Pattëije äng zosamme jingke. Met dä Ideeje kunnt_e sesch ävver am Eng jääje dä Konrad Adenauer net dorrəshsäzze.
Hamacher wor sünst noch Rektor vum Jymnasium en Sieshburch un hätt sesch stark dofür enjesetzt, dat die Bürjermeesterei Trooßdoorf Stadträächte erhält. Dat Trooßdoorf Stadt wudd hätt hä ni_mieh miterlevv.
För Nohzelässe
[Ändere · der Quälltäx ändere]- Wilhelm Hamacher: Warum Zentrum?, Bastion-Verlag, Düsseldorf, 1946. (op döütsch)
- Wilhelm Hamacher (Hrsg): Troisdorf im Spiegel der Zeit : Beiträge zur Heimatkunde. Jubiläumsschrift zum 50jährigen Bestehen der selbständigen Gemeinde Troisdorf, Verlag F. Schmitt, Siegburg, 1950. (op döütsch)
Websigge
[Ändere · der Quälltäx ändere]Söök „Wilhelm Hamacher“ im Kattalooch bëij de → Deutsche Bibliothek