II Франсуа

	ІІ Франсуа; François II
Лауазымы
Ту	Франция патшасы
10 шілде 1559 — 5 желтоқсан 1560
Тәж кигізу жорасы	21 қыркүйек 1559
Ізашары	ІІ Анри
Ізбасары	ІХ Шарль
Ту	Франция дофины
31 наурыз 1547 — 10 шілде 1559
Ізашары	ІІ Анри
Ізбасары	ХІІІ Луи
Ту	Шотландияның патша-консорты
24 сәуір 1558 — 5 желтоқсан 1560
Ізашары	Мария де Гиз
Ізбасары	Генри Стюарт
Өмірбаяны
Діні	Католицизм
Дүниеге келуі	19 қаңтар 1544 ; Фортенбло сарайы, Франция патшалығы
Қайтыс болуы	5 желтоқсан 1560 (16 жас); Орлеан, Франция
Жерленді	Сен-Дени аббаттығы, Париж, Франция
Династия	Валуа
Әкесі	ІІ Анри
Анасы	Екатерина Медичи
Жұбайы	Мария Стюарт
ІІ Франсуа Ортаққорда
	өңдеу

II Франсуа (фр. François II; 19 қаңтар 1544 жыл, Фонтенбло сарайы, Франция — 5 желтоқсан 1560 жыл, Орлеан) — 1559 жылғы 10 шілдеден бастап 1560 жылғы 5 желтоқсанға дейін Франция королі. 1558 жылғы 24 сәуірден бастап Шотландияның патша-консорты. Валуа әулетінен шыққан.

Бала кезі

Франсуа — ІІ Анридің үлкен ұлы, атасының құрметіне аталған. 1558 жылғы 24 сәуірде Шотландияның жас патшайымы Мария Стюартқа үйленген. Некелескеннен кейін Шотландияның патша-консорты атанды. Франсуа мен Мария төрт және алты жаста болғанда (24 қаңтар 1548 жыл) олардың одағы жайлы шешім қабылданған болатын. Кейінгі он жылды Мария Францияда өткізді.

Таққа отыру

1559 жылғы 10 шілдеде жазатайым оқиғадан кейін, ІІ Анри қайтыс болған. Одан кейін таққа отырған Франсуа өте аурушаң, қыңыр және психикалық жағынан төзімсіз он бес жасар жасөспірім болған еді. 21 қыркүйекте Реймста оның тәж кию жорасы өтті. Елдің заңы бойынша Франсуа кәмелетке толды, бірақ біреудің көмегінсіз ол елді басқара алмайтыны анық болды.

Шынымен де, Франсуа мемлекеттік істерді әйелі Мария Стюарттың ағаларына тапсырды. Оның анасы Екатерина Медичи ұлына үлкен ықпал еткен. Мария Стюарттың отбасысы үлкен байлыққа кенелді. Ал жас патша ештеме жасамай, уақытын басқа сарайларға жүріп-тұруға, аңшылыққа жұмсады.

Елдегі діни саясаты

Гиздар әулеті таза католиктер болғандықтан бұл Францияның діни саясатына әсер етті. Олар Франсуаға әкесінің жолын қууға демеуші болды. 1559 жылы ІІ Анри жылы дінбұзарлықты жасаған адамдарды өлтіруі туралы заң қабылдаған еді. Оның үстіне Франсуа бұл заңдарды қаталдандырды.

Өлімі

1560 жылы Франсуаның құлағын құрт жеп, гангрена басталды. Екі апта ауырып, патша Орлеанда көз жұмды. Оның балалары болмағандықтан, таққа оның он жасар інісі ІХ Шарль отырды.

Дереккөздер