Хинондар

Хинондар — органикалық қосылыстар, циклді 1,4 және 1,2-дикетондар. Хинондар екі атомды фенолдарды, аминофенолдарды, анилиндерді, т.б. тотықтыру арқылы алынады. Олар өткір иісті, кристалды қосылыстар. 1,4-Хинондар алтын сары түске, ал 1,2-Хинондар қызыл түске боялған, тотықтырғыштық қасиеті бар. Кейбір хинондар туындылары әсіресе нафто- және антро-Хинондар (мысалы, ализарин) — табиғатта кеңінен таралып, бояғыш заттарды синтездеу кезінде алынады.