Синд мемлекеті

Синд мемлекеті, б.з.б. 5 ғасырда Қара теңіз жағалауында құрылған. Бұл мемлекетті Қара теңіздің жағалауын, Таман түбегін мекендеген меот тайпаларынан бөлініп шыққан топ құрды. Синд мемлекетінің тұрғындары негізінен егіншілікпен, балық аулаумен, қолөнермен және саудамен айналысты. Б.з.б. 4 ғасырдан бастап Синд мемлекеті өзінің саяси дербестігінен айырылып, Боспор патшалығының құрамына кірді. Синд мемлекетінің тұрғындары гректердің тілі мен жазуын, әдет-ғұрыптарын қабылдады. Синд мемлекетінің Семибратное (Кубань маңында), Раевск (Анапа маңында) қалалары археологиялық қазбалар арқылы белгілі.