Леонид Иович Гайдай

Леонид Иович Гайдай
1941 жылғы сурет
Жалпы мағлұмат
Туған күні	30 қаңтар 1923 (1923-01-30)
Туған жері	Свободный, Амурск губерниясы, РКФСР, КСРО
Қайтыс болған күні	19 қараша 1993 (1993-11-19) (70 жас)
Қайтыс болған жері	Мәскеу, Ресей
Мамандығы	режиссёр, сценарийші, актер
Белсенді жылдары	1955—1992
Бағыты	комедия
Марапаттары	||||||||||| Алтын тоқты (1993)
IMDb	ID 0301145
http://leonid-gaidai.ru/

Леонид Иович Гайдай (1923—1993) – кеңестік кинорежиссёр және сценарийші, КСРО халық әртісі (1989).

Оның көптеген туындылары культті фильм болып танылды.

Өмірбаяны

Әкесі Иов теміржолшы болған. 1906 жылы ол саяси баппен тұтқындалып, екі жылдан кейін Қиыр Шығысқа айдалады. Шешесі Мария Рязань облысынан болады. Олар құрған жанұяда үш бала туады, Леонид кенжесі болады.

1941 жылы мектеп бітірісімен ол Ұлы Отан соғысына аттанады. Бастапқыда Моңғолияда қызмет етіп, кейін Тверь жаққа жөнелтіледі. 1943 жылы барлау кезінде минаның жарылысынан жараланып, жарты жылдай эвакогоспитальда емделіп жатады. Бірнеше соғыс медалімен марапатталады.

1949—1955 жылдары ВГИК-те режиссёрлік факультетте оқиды. Одан кейін «Мосфильмде» жұмыс істей бастайды.

Өзі түсірген фильмдердің көбісіне сценариін өзі жазған, кейде кішігірім рөлдерді де ойнаған.

Әйелі Нина Павловна Гребешковамен 40 жыл бірге өмір сүрген. Ол жұбайының 9 фильмінде түскен екен. Олардың қыз баласы — Оксана.

Есімінің ұлықталуы

«Мосфильмдегі» алаңдардың бірі кинорежиссёрдің есімімен аталады.

2000 жылы 23 жыл бұрын ашылған астероидке Гайдай есімі берілді.

2013 жылы Мәскеуде Гайдай тұрған үйдің қабырғасына мемориалды тақтай орнатылды.

2016 жылы Курган қаласында жаңа көшелердің біріне режиссёрдің есімі берілді.