Mali

Ri̱pobi̱lik Mali République du Mali (Fi̱ransa) ߡߊߟߌ ߞߊ ߝߊߛߏߖߊߡߊߣߊ Mali ka Fasojamana (Ba̱mba̱ra) 𞤈𞤫𞤲𞥆𞤣𞤢𞥄𞤲𞤣𞤭 𞤃𞤢𞥄𞤤𞤭 Renndaandi Maali (Fa̱taa) جمهورية مالي‎ Jumhuriat Mali (La̱ra̱ba)
A̱keangtung	Bamako
Shi kyai	1 240 192 km²
Shi á̱niet	20 250 833 ab. (2020)

A̱bwom a̱byin: "Le Mali" ("Mali")

A̱byin Mali (yei Fi̱ransa: ​/mali/; yei Shong /ˈmɑːli/), á̱ lyen ma̱ng a̱lyoot a̱gwomna̱ti ka nang Ri̱pobi̱lik Mali wu (Fi̱ransa: République du Mali; Ba̱mba̱ra: ߡߊߟߌ ߞߊ ߝߊߛߏߖߊߡߊߣߊ, Mali ka Fasojamana, Fa̱taa: 𞤈𞤫𞤲𞥆𞤣𞤢𞥄𞤲𞤣𞤭 𞤃𞤢𞥄𞤤𞤭, Renndaandi Maali; La̱ra̱ba: جمهورية مالي‎, Jumhuriat Mali; Shong: Republic of Mali), yet a̱byin kya di̱ fam a̱byin Jenshyung Afrika nang bibyin ghyáng keang di̱ tityak a̱ni. A̱byin Mali kya byia̱ shi kyai a̱byin a̱ni̱nai mi̱ Afrika, ma̱ng shi kyai a̱byin ku swak kilomita a̱ma̱ntaa̱naai 1,240,000 ma̱ a̱da̱dei (met a̱ma̱ntaa̱naai 480,000). Shi á̱niet a̱byin Mali yet miliyon 19.1 hwa. A̱wot á̱ ku tyan g á̱niet nka ba̱ ka̱n ntat ndyia̱ 25 bah mi̱ da̱ a̱lyia̱ 2017. A̱keangtung nka ma̱ng a̱gba̱ndang a̱keang a̱ swak ma̱ng shi wa yet Bamako. A̱byin Mali ka̱ shyia̱ ma̱sa̱t a̱ni byia̱ nfam-a̱byin a̱ni̱nai a̱wot a̱gi̱gak nggu ba di̱ fam a̱za hu si̱ tat a̱ka̱wa̱tyia̱ Tswa A̱ji̱jak Sa̱hara ka. Kap fam a̱tak a̱byin hu shyia̱ mi̱ Sa̱vana Sudan ji, a̱vwuo ka nang ma̱ a̱di̱di̱t á̱niet a̱byin ba shyia̱ ma̱ng swat hu, a̱wot a̱ka̱ghyui Nija ma̱ng Senegal na si̱ kai mami nka. Tung nzwa a̱byin hu ngyong di̱n khap hwa ma̱ng lung a̱tsatsak nfang a̱byin. A̱nyiung mami a̱tsatsak nfang á̱na nang a̱byin ka byia̱ a̱ni wa yet zi̱nariya, a̱wot a̱byin kikya si̱ yet a̱tat mi̱ bibyin Afrika ku ghwut ma̱ng zi̱nariya ma̱ a̱byin ma̱ng shi a̱ni. Ka̱ bu ghwut lyiai nfak mi̱ bibyin nta.