Munster ( lmanga )

Munster ( lmanga )
Laṣel
Ameskar	Naoki Urasawa (fr)
Azwel aẓaran	MONSTER
Tamurt taẓarant	Japun
Asneɣlan	Naoki Urasawa (fr)
Maison d'édition (fr)	Big Comics (en)
Characteristics
Tawsit	manga et animé de genre drama (fr) , animé et manga d'horreur (fr) , anime et manga à mystère (fr) , anime et manga psychologique (fr) d thriller anime and manga (en)
Tutlayt	Tajapunit
Parts	18 volume (fr)
Screening
Start date	1994 (1994-Duǧember 1994-Duǧember 1994)
End date	2001 (2001-Duǧember 2001-Duǧember 2001)
Tasugna
Ẓer Wolfgang Grimmer (en) , Johan Liebert (en) d Kenzô Tenma (fr)

Munster ( Monster anamek-is waɣzen ) d amanga i d yekkan si tmurt n Japun, yettwaru deg useggas n 1994

tamacahut

Tbeddu tmacahut di turuft di taggara n tasut tis snat n tmerwin , di Lalman n usammer armi d taggara n tasut tis snat n tmerwin mi mlalent tid n usammer d umalu . Tbeddu tmacahut s umejjay meqqren Kinzu Tinma id-yusan si Japun akken ad yexdem deg usegnaf yettwasnen di Dusldrub , yexdem amahil-ines akken ilaq maca ur yesteɛfa ara wul-is imi yeẓra belli yemmut yiwen n urgaz igellil imi ur t-isejja ara , kksen-as nnuba-s fkan-tt i yiwen d ameṛkanti. Seg wassen yegmen ad isejji imuḍan-is s win id-yusan d amezzwaru mebla ma iwala anwa i d igellil anwa i d anesbaɣur . Yiwet n tikelt wwin-d ɣer usegnaf yiwen n uqcic tewet-it terṣaṣt deg uqerru-ines iheyya-d Kinzu akken ad t-isejji maca ḥebsen-t-id yimejjayen-nniḍen nnan-as ad yerr ɣer tzeqqa nniḍen akken ad isejji win iḥekmen tamdint umi yeḥbes-as wul-is yernu wagi d anaḍ seg unemhal s timmad-is . Maca Kinzu ur tɛedda ara fella-s , yugi ikemmel asejji n uqcic-nni . Akka cwiya wwin-d ɣer usegnaf weltma-s takniwt n yilemẓi-nni teṭṭef-itt lxelɛa qrib teslib teqqar kan : "Neɣ!" , ǧǧan-tt di texxamt weḥd-s . Ardekal yeẓra belli win iḥekmen tamdint yesselqef rran-d a&kk yimejjayen-nni ur n-lḥiq ara ad t-sejjin llum fella-s . Ma d anemhal yerfa armi d ayen yekkes-as amkan-is i Tinma yekkes-it si tmehla n usqamu n yicellaḥen ( chirurgiens ) , yekkes-as adrim i yefka ɣef unadi-ines di tujjya teǧǧa-t ula d tnexḍabt-ines ( yelli-s n unemhal-agi ) . Tinma qrib yeslib yerra ɣer texxamt n uqcic-nni ( isem-is Yuhan ) yettru ɣer taa-s yeqqar-as ulac d acu yexdem s leɣlaḍ  d tinefsitin akk yernu d azref n Yuhan yerfa akter yeqqar-as d imejjayen-agi akked unemhal i ylaqen ad yemmten , yesla-as-d Yuhan yebɣa as-yerr ttaṛ ihi yenɣa imejjayen d unemhal-nni yerwel akked weltma-s imiren Tinma yella di ttbarna yesker yettru .

Mi tekfa twaɣit-a rran-as-d amkan-is i Tinma imi d netta i d amejjay uḥric gar-asen icukk deg-s umaswaḍ Runj maca imi ulac ttbut ladɣa imi yella deg uxxam-is yeskeṛ imiren . Mi ɛeddan yiseggasen ufan-d  yimsulta imyercalen yettwanɣan , dinna mlan-d belli uqbel ṭẓa n yiseggasen mmuten yimawlan n Yuhan it-id yuwin seg uxxam n yigujilen , ttwanɣan ḥala netta d takniwt-is i yeddren . Tadyant tettabaɛ tayeḍ armi id-yufa Tinma belli d Yuhan i yenɣan imyercalen-agi , as d-ismekti Yuhan belli d netta i yenɣan anemhal-nni . Yuɣal tinma ixeddem axeddim n umaswaḍ kter n win n umejjay , yerwl seg usegnaf imi cukken deg-s ardekal lmut n yiwen n ufellaḥ . Yettidir s trewla seg lqanun irezzu si temdint ɣer tayeḍ armi id-yufa di taggara  belli Yuhan yuḍen aṭṭan di tnefsit-is di yiwet n tfekka ( tin n Yuhan ) ttidirent snat n tnefsitin tinna-ines d tnefsit nniḍen d tin n weltma-s Anna i sin yid-sen eddren tudert qessiḥen deg Čikuslubakya deg uxxam n yigujilen Kinderheim 511 imi tteɛraḍen ad d-ssuffɣen imdanen ur n-ttḥulfu ur n-ttamen s talwit ad uɣalen akk akka am Hitler . D ayen id-ixelqen Monster .

Iwudam

Iwudam igejdanen

• Kinzu Tinma : (天馬 賢三, Tenma Kenzō) d anelmad deg tseddawit yusa-d seg Yapan akken ad yelmed tujjya n yisaren di Lalman n umalu , tawacult-is d talemmast ula d baba-s d amejjay ,mi yfukk ulmud-ines yexdem deg usegnaf n Aysler n Dusldrub yella d amezzwaru gar yimejjayen yeɛǧeb-as i unemhal Haynman it-yerran d aselway ɣef usqamu n yimejjayen ula d yelli texḍeb yid-s . D uḥric , iban-d wannecta mi yettnadi ɣef Yuhan . D amedyaz n wawal yessen amek ara yemmeslay ɣef way-a i yelha wassaɣ-is d yimeddukal-is d yimuḍan-ines . .

• Yuhan liyebert  (ヨハン・リーベルト, Yohan Rīberuto) : d netta i d waɣzen i ɣef-d-ttmeslay tmacahut ssawalen-as Hitler wis sin , cciṭan d yismawen nniḍen . Yerra-t-id Tinma ɣer tudert imi yettwet s terṣaṣt deg uqerru . Iwala amejjay am baba-s . Yesɛa weltma-s takniwt . Yedder d waṭas n yimekwan aṭas n waculin it-id-yessekren , gar-asen tawacult ideg itewwet yid-sen s terṣast s aqerru . Targit-is d ad yili d argaz aneggaru ara yidiren dagi . Di taggara yeɛreḍ ad-ineɣ iman-is maca isellek-it-id Tinma wwint yimsulta s asegnaf-nsen tekfa tmacahut mi nwala usu-ines d ilem ṭṭaq n texxamt-is yeldi ; akken ad nefhem belli yerwel .

• Nina Fortner (ニナ・フォルトナー, Nina Forutonā) / Anna liyebert  (アンナ・リーベルト, Anna Rīberuto) : d takniwt n Yuhan . Ḥal nettat i yselken seg txeṣṣart i yuɣen imawlan-is . Di tazzwara tban-d d taqcict yummreen d twacult-is maca tfaq belli tesɛa iḥricen seg umezruy-is i tettu . Mi terwel akked gma-s , terfed-itt twacult n "Fortner" yettidiren di Heidelberg ur neẓri ara timmad-is Anna Liyebert . Nettat d yiwet seg tnelmadin iḥercen nezzeh deg tseddawit n Heidelberg , texdem deg umsečči turar "Aykidu" . Tedder s tumert armi temlal d Yuhan deg umuliɣ-is wis 20 . Mi yenɣa imawlan itt-id irefden tegmen ad tetbeɛ . Temlal d Tinma i as-d-yemmeslayen fella-s , temmekta-d belli isem-is mačči d Nina maca tugi ad t-id-ini temmekta-d belli d nettat i yuwten Yuhan s rṣas imi yenɣa imawlan-nsen akken yexdem tura , ihi ilaq ad-err ttaṛ , tbeddel tnefsit-is tuɣal tewɛeṛ . Tfaq daɣen belli baba-s yella d aserdas i udabu n tmurt n Čikuslubakya , yemmut send talalit-is .Ma d yemma-s txeddem irmad deg tsertit . teched asmurḍes n Ruhenheim . Di taggara teffeɣ-d seg tseddawit tebɣa ad tuɣal d tamzerfut .

• Heynrich Rungi "Lungi" (ハインリッヒ・ルンゲ, Hainrikku Runge) : amaswaḍ Rungi d amnadi di BKA d netta yettnadin ɣef wid yenɣan anemhal d sin n yimejjayen . Icukk di Tinma . Di tazzwara iɣil belli Yuhan d asnulfu sɣur Tinma icukk daɣen belli Tinma d amuḍin bu snat n tnefsitin seg-s id-yennulfa Yuhan ; iceɣb-it Tinma yettabaɛ-it kan akken armi yeǧǧa tawacult-is ( tameṭṭut-is d yelli-s yellan s tadist ) . Leqdic-ines yerra yiwen seg wid i ycukk ad ineɣ-iman , d ayen yerran win yellan ɣef uqerru-ines ad yestixeṛ . Ardekal urɣu n tseddawit n Myunix yumen  Tinma ifaq belli yella Yuhan-agi , yemlal-d Grimmer d Tinma yeḍleb-asen-d smaḥ.Di taggara yerza akked Jan Suk d Fritz Bardemann ɣer temḍelt n Grimmer . Yuweḍ-d lexbaṛ belli yeǧǧa leqdic n yiɣil n laman yiɣal d aselmad deg uɣerbaz n yimsulta . Yuɣal wassaɣ-is yelha akken tmeṭṭut-is d yelli-s.

• Diter (ディーター, Dītā) : d  aqcic amecṭuḥ i yḥebsen abrid n Tenma . Deg temlilit-nsen tamezzwarut , yella Diter yettidir akked Hartmann . Ifaq Tenma diɣ Hartmann yekkat Diter armi qrib yettmettat akken ad yiǧhid ad yuɣal d aserdas . Yella yebɣa ad yessufeɣ Yuhan wis sin ɣef way-a i s-yexdem tudert akka am tin yellan di Kinderheim 511 . Ihi yuwi-t yid-s akken ad as-ibeddel tamuɣli-ines ɣer tudert . Yettargu ad yeffeɣ d amyurar n ddabex n uḍar , yeḍfer Tenma deg undi-ines ɣef Yuhan akken ur d-iteffeɣ ara d aceffar . Yemlal-d Nina iɛawen-itt akken ad mmekti amezruy-is , deg tdafut tis 33 yemlal-d aqcic yebɣan ad t-yesselzen akken ad ineɣ iman maca yugi yenna-s belli yebɣa ad yelmed riktiyin timaynutin .

• Iba Heinemann (エヴァ・ハイネマン, Eva Haineman?) : iba Heinemann d teanexḍabt n Tenma di tazzwara d yelli-s n unemhal Heinemann . Teǧǧa Tinma mi yugi ad isejji lmir , teɛreḍ ad tuɣal ɣur-s maca yugi , d ayen i tt-yesserfan . Tezweǧ aṭas n yiberdan maca leɛmer i thenna . Tḥuss i leḥzen, dɣa teɛreḍ zzehr-is d Tenma i ubrid nniḍen , maca yugi-tt i ubrid wis sin . Tuɣal d tasekranit si reffu tger-d ɣef Tinma timenɣiwt n baba-s ; tessen yiwen qqaren-as Martin , tḥemmel-it . Petr Capek d Baby bɣan ad s-kellxen i Martin wwin-t ɣer Frankfurt , yemmut mi ɛerḍen ad tt-nɣen , tegmen ad s-d-err ttaṛ , tsejja-d tanefsit-is ɣer Dr Reichwein , tufa-d axeddim ; yekkes-as reffu si Tenma

Iwudam nniḍen

• Anemhal Udu Heinemann (ウド・ハイネマン, Udo Haineman)

D anemhal n usegnaf Eisler Memorial Hospital , yeɛǧeb-as Tenma , yessexdem tiḥerci n Tinma akken ad d-yawi imuḍan yefka-as yelli-s . Mi yugi Tenma ad isejji lmir akken liǧal n Yuhan yefka adeg-ines i Dr Boyer , yekkes-as yal asirem akken ad yimɣur ccan-is , yeɛreḍ ad s-ihudd tudert-is . Ufant-id yemmut s ssem iyellan s daxel n teḥlawatt i yečča daxel n texxamt n Yuhan Libert .

• Uttu Hekel

D amakar yemlal-it-id Tenma . Leɛmer iɛawen Tenma deg unadi-ines ɣef Yuhan . Yeɛreḍ ad isellez Tenma akken ad yettu Yuhan yernu ad d-awin annect zemren seg yidrimen . Yuɣal d aḥbib n Diter .

• Ruber

d yiwen seg warrac n Kinderheim 511. ulac da cu yezra seg umezruy-is , yettak-as Yuhan annaḍen n tmenɣiwt netta leɛmer i d-yenni ala .

• Franz Bonabarta

Franz d amejjay n tnefsit , d amejjay n yiderwicen , itekka deg leqdic n "ugrud aneblal" . Yeɛreḍ ad ineɣ Yuhan maca yenɣa-t Ruber.

Arazen

WWin xilla n warazen di Yapan deg yiseggasen n 1997 d 2001 d 2007.