Etnoxoronim

Etnoxoronim (grekshe , «xalıq» grekshe , «jer/aymaq» grekshe , «atı») — belgili bir aymaqta turmıs keshiretuǵın yamasa sol aymaqtan kelip shıqqan xalıqtıń (adamnıń) toponim menen belgilengen ataması bolıp tabıladı. Mısalı, Nókis — nókisli(ler), Qazaqstan — qazaqstanlı(lar), Ispaniya — ispaniyalı(lar).

Qaraqalpaq tilinde etnoxoronimge baylanıslı arnawlı jazılǵan qaǵıyda joq, biraq qandayda bir aymaq turǵın(lar)ın sıpatlaw ushın sol aymaq atına -lı/-li qosımtaları qosıladı. Bunda qaraqalpaq tiliniń grammatikalıq qaǵıydaları boyınsha aymaq atı juwan buwınǵa pitse -lı qosımtası, al jińishke buwınǵa pitse -li qosımtası qollanıladı.

Awızeki qaraqalpaq tilinde jergilikli etnoxoronimlerdiń joqarıdaǵı qaǵıydaǵa boysınbaytuǵın formaları da ushırasadı: Kegeyli — kegeylishi(ler), Xalqabad — xalqabadshı(lar).