ღია ოპერაციული სისტემის წყალობით (GNU/Linux, ბირთვი 2.6.24), მოწყობილობა საშუალებას აძლევდა მომხმარებლებს შეექმნათ მასზე საკუთარი პროგრამები. გარდა ამისა, მას გააჩნდა სხვადასხვა ფოტო, ვიდეო და აუდიო ფორმატების და ფელშთამაშების მხარდაჭერა.[3]
სისტემისთვის შექმნილია დიდი რაოდენობით ემულატორები სხვადასხვა კომერციული სათამაშო კონსოლებისთვის, მათ შორის არკადული აპარატებისთვისაც.[4] კომერციული თამაშების რაოდენობა მეტად მწირია, თუქმცა Wiz-ზე ხელმისაწვდომია ენთუზიასტების მიერ წარმოებული 240-მდე თამაში.[5] მასზე, აგრეთვე თავსებადია მისი წინამორბედი კონსოლის თამაშები და პროგრამები. 2010 წელს GamePark Holdings-მა გამოსცა მორიგი სათამაშო სისტემა — Caanoo.
