ჭაოცინგი
| საოლქო დონის ქალაქი | |
|---|---|
|
ჭაოცინგი 肇庆市 | |
 | |
| ქვეყანა |
 ჩინეთი |
| პროვინცია | გუანდუნი |
| შიდა დაყოფა | Duanzhou District, Dinghu District, Guangning County, Huaiji County, Fengkai County, Deqing County, Gaoyao District და Sihui |
| კოორდინატები | 23°03′00″ ჩ. გ. 112°28′00″ ა. გ. / 23.05000° ჩ. გ. 112.46667° ა. გ. |
| ფართობი | 14,891.23 კმ² |
| ცენტრის სიმაღლე | 12 მეტრი |
| მოსახლეობა | 4,113,863 კაცი (2020[1]) |
| სიმჭიდროვე | 280 კაცი/კმ² |
| სასაათო სარტყელი | UTC 8 |
| სატელეფონო კოდი | 0758 |
| საფოსტო ინდექსი | 526040 |
| საავტომობილო კოდი | 粤H |
| ოფიციალური საიტი | zhaoqing.gov.cn |
  | |
ჭაოცინგი (ჩინ.: 肇庆, ფინინი: Zhàoqìng) — საოლქო დონის ქალაქი გუანდუნის პროვინციაში, ჩინეთი. 2020 წლის მოსახლეობის აღწერის შედეგების მიხედვით, ქალაქის მოსახლეობა 4 113 863 ადამიანს შეადგენს, რომელთაგან 1 553 109 ადამიანი ქალაქის ურბანულ ნაწილში (მეტრო არიალი) არის დასახლებული. ქალაქის ურბანული ნაწილი მოიცავს: ტუანჭოუს, ტინგხუსა და კაოიაოს რაიონებს.[1] ზოგადად საოქლო დონის ქალაქის ტერიტორია ძირითადად დაბლობებს უჭირავს (გამონაკლისია შვიდი ვარსკვლავის კლდე). ტყეებით დაფარული მთები ქალაქის საზღვრებს მიღმა იწყება. ჭაოცინგის გარეუბნებში განვითარებულია ბრინჯის მრეწველობა. სიხუეი და საოლქო დონის ქალაქის სამხრეთი რაიონები მარგალიტის მდინარის დელტის შემადგენლობაშია შესული.
წარსულში ჭაოცინგი ერთ-ერთი ყველაზე მნიშვნელოვანი ქალაქი იყო სამხრეთ ჩინეთის ტერიტორიაზე, თუმცა ცინის დინასტიის პერიოდში ქალაქმა მნიშვნელობა დაკარგა. ამჟამად ჭაოცინგი ტურიზმითაა ცნობილი და ხშირად მოიხსენიება, როგორც პროვინციული „კოლეჯის მცირე ქალაქი“. შაბათ-კვირას ქალაქს ხშირად სტუმრობს გუანჯოუსა და შენჯენის მკვიდრი მოსახლეობა. ის ასევე არის მზარდი სამრეწველო ცენტრი.
ეტიმოლოგია
[რედაქტირება | წყაროს რედაქტირება]ჭაოცინგი ცინისა და ხანის დინასტიების პერიოდში ცნობილი იყო, როგორც კაოიაო (高要). მას სახელი გადაერქვა და ტუანჭოუ (端州) ეწოდა ტუანის პრეფექტურის არსებობის პერიოდში, სუის დინასტიის მმართველობისას. თანამედროვე სახელი, ჭაოცინგი, ითარგმნება როგორც „შესაძლებლობის დასაწყისი“. ეს სახელწოდება ამ ტერიტორიას იმპერატორმა ხუეიწონგმა მიანიჭა 1118 წელს, რომელიც სუნის დინასტიის წარმომადგენელი იყო. ჩინეთის საფოსტო რუკაზე ჭაოცინგი დატანილია როგორც შიუხინგი (Shiuhing), რაც თანამედროვე სახელოს კანტონურ დიალექტზე წარმოთქმის სტილითაა განპირობებული.
გეოგრაფია
[რედაქტირება | წყაროს რედაქტირება]
ჭაოცინგი გუანჯოუდან 110 კილომეტრით დასავლეთით მდებარეობს, მარგალიტის მდინარის დელტის დასავლეთ ნაწილში. საოლქო დონის ქალაქი მდინარე ის (სიძიანგი) ჩრდილოეთ ნაწილში მდებარეობს, რომელიც ქალაქის დასავლეთ ნაწილიდან აღმოსავლეთისაკენ, კაოიაოს რაიონის მოპირდაპირედ გაედინება. დაბლობები, ძირითადად ჭაოცინგის სამხრეთ და დასავლეთ ნაწილშია, მთები კი აღმოსავლეთ და ჩრდილოეთ ნაწილებში.
კლიმატი
[რედაქტირება | წყაროს რედაქტირება]საოლქო დონის ქალაქისათვის დამახასიათებელია მუსონების გავლენით წარმოქმნილი ნოტიო სუბტროპიკული კლიმატი (კიოპენის კლიმატის კლასიფიკაცია: Cfa). საშუალო წლიური ტემპერატურა 22.69 C-ს შეადგენს, ატმოსფერული ნალექების საშუალო წლიური ნაჩვენებელი კი 1 633 მილიმეტრს წარმოადგენს.
| ჰავის მონაცემები — ჭაოცინგი (1981–2010) | |||||||||||||
|---|---|---|---|---|---|---|---|---|---|---|---|---|---|
| თვე | იან | თებ | მარ | აპრ | მაი | ივნ | ივლ | აგვ | სექ | ოქტ | ნოე | დეკ | წლიური |
| რეკორდულად მაღალი °C | 28.3 | 31.4 | 32.4 | 34.4 | 34.9 | 37.9 | 38.5 | 38.1 | 36.9 | 35.8 | 33.1 | 30.0 | 38.5 |
| საშუალო მაღალი °C | 18.2 | 20.4 | 22.3 | 26.3 | 30.0 | 31.9 | 33.4 | 33.3 | 31.7 | 29.2 | 24.6 | 20.2 | 26.8 |
| საშუალო დღიური °C | 14.2 | 16.4 | 18.6 | 22.6 | 26.0 | 27.8 | 29.0 | 28.9 | 27.7 | 25.1 | 20.2 | 15.8 | 22.7 |
| საშუალო დაბალი °C | 11.3 | 13.6 | 15.9 | 20.0 | 23.2 | 25.0 | 25.8 | 25.8 | 24.6 | 21.8 | 16.7 | 12.5 | 19.7 |
| რეკორდულად დაბალი °C | 3.1 | 3.9 | 6.1 | 10.7 | 16.8 | 20.4 | 22.9 | 22.6 | 18.8 | 13.4 | 5.3 | 1.7 | 1.7 |
| საშუალო ნალექი (მმ) | 44.8 | 63.6 | 88.5 | 181.9 | 258.8 | 274.7 | 229.1 | 209.2 | 153.6 | 61.0 | 38.9 | 28.9 | 1 633 |
| ნალექიანი დღეები საშუალოდ (≥ 0.1 mm) | 8.2 | 12.3 | 15.9 | 17.4 | 19.9 | 18.9 | 17.2 | 17.4 | 12.4 | 6.7 | 5.5 | 5.3 | 157.1 |
| საშუალო ფარდობითი ტენიანობა (%) | 71 | 76 | 80 | 82 | 79 | 82 | 79 | 79 | 75 | 69 | 67 | 66 | 75 |
| წყარო 1: China Meteorological Data Service Center | |||||||||||||
| წყარო 2: Weather China (precipitation days 1971–2000) | |||||||||||||
ტრანსპორტირება
[რედაქტირება | წყაროს რედაქტირება]ჭაოცინგში არსებობს როგორც ავტომაგისტრალები, ასევე რკინიგზა. მმატარებლებისა და ავტობუსების პირდაპირი მარშრუტებით საოლქო დონის ქალაქი უკავშირდება: გუანჯოუს, კონგ-კონგსა და გუანდუნის პროვინციის სხვა მნიშვნელოვან ქალაქებს. მნიშვნელოვანი მაგისტრალებია: N321 და N324 მაგისტალებია, ასევე ჯუანგ-ჭაოსა და კუანგ-უს ჩქაროსნული გზები. სანმაოს რიკინგზა ასევე გადის ჭაოცინგის ტერიტორიაზე. ეს გზა კონგ-კონგს აკავშირებს კუანგტონგთან ჭაოცინგის რკინიგზის გავლით.
მთლიანად საოლქო დონის ქალაქის ტერიტორიაზე ფუნქციონირებს საზოგადოებრივი ტრანსპორტი. არსებობს საჯარო ავტობუსების 32 და ღირსშესანიშნაობების დასათვალიერებელი 2 მარშრუტი.
სპორტი
[რედაქტირება | წყაროს რედაქტირება]გუანდონის პროვინციის მე-15 თამაშები
[რედაქტირება | წყაროს რედაქტირება]ჭაოცინგი გუანდონის პროვინციის მე-15 თამაშების მასპინძელი ქალაქი იყო,[2] სადაც ღონისძებები 2018 წლის 8 აგვისტოს გაიმართა.
მარათონი
[რედაქტირება | წყაროს რედაქტირება]2016 წლინდან მოყოლებული ჭაოცინგში ოთხი მარათონი მოეწყო. პირველი ორი წელი მარათონი ნახევარ დისტანციაზე იმართებოდა. 2018 წლის ღონისძიება პირველად მოიცავდა მარათონის მთლიან დისტანციას (42 კილომეტრი და 195 მეტრი) და დამატებით ნახევარი დისტანციის ღონისძიებაში მონაწილეობაც იყო შესაძლებელი. 2019 წელს მოეწყო ბოლო, მე-4 ჭაოცინგის საერთაშორისო მარათონი.[3]
ყვინთვა
[რედაქტირება | წყაროს რედაქტირება]2018 წელს, ჭაოცინგის ინგსიონგის ყვინთვის გადამზადების ცენტრი,[4] გაიხსნა ჭაოცინგის სპორტის ცენტრში. ამ ადგილმა FINA მსოფლიო თასს უმასპინძლა ყვინთვაში 2019 წელს.[5]
ლიტერატურა
[რედაქტირება | წყაროს რედაქტირება]- Bolton, Kingsley; Hutton, Christopher (1941), Mervyn Llwewlyn Wynne, რედ., Triad Societies, Vol. 5, Abingdon: Routledge, ISBN 9780415243971, https://books.google.com/books?id=6irEoGgDrm4C, reprinted 2000.
რესურსები ინტერნეტში
[რედაქტირება | წყაროს რედაქტირება]
Zhaoqing, ტურისტული მეგზური ვიკივოიაჟზე- ჭაოცინგის სამთავრობო ვებ-გვერდი
- ჭაოცინგის უნივერსიტეტის ვებ-გვერდი (ჩინურად და ინგლისურად)
- ჭაოცინგის უცხოური ენების კოლეჯის ვებ-გვერდი დაარქივებული 2012-04-20 საიტზე Wayback Machine.
- გუანდუნის ფინანსების უნივერსიტეტის ვებ-გვერდი (ჩინურად და ინგლისურად)
- ჭაოცინგის სიახლეების გვერდი
- ქალაქის ცენტრის რუკა დაარქივებული 2021-11-27 საიტზე Wayback Machine.
სქოლიო
[რედაქტირება | წყაროს რედაქტირება]- ↑ 1.0 1.1 Guăngdōng: Prefectures, Cities, Districts and Counties
- ↑ 15th Games of Guangdong Province. დაარქივებულია ორიგინალიდან — 2019-01-11. ციტირების თარიღი: 2021-11-27.
- ↑ 4th Zhaoqing International Marathon. დაარქივებულია ორიგინალიდან — 2019-01-28. ციტირების თარიღი: 2021-11-27.
- ↑ VIDEO: Zhao Qing High Diving Stadium Opens In China en-US (2018-12-08). ციტირების თარიღი: 2019-05-26
- ↑ Zhaoqing ready for the FINA High Diving World Cup 2019 – Xinhua | English.news.cn. დაარქივებულია ორიგინალიდან — 2019-05-26. ციტირების თარიღი: 2019-05-26