პორტალი:ომი

ინდექსი · ძიება · კატეგორიები · რჩეული სტატიები და პორტალები · ყველა თემა

გეოგრაფია · ისტორია · კულტურა · მეცნიერება · რელიგია · საზოგადოება · საქართველო · სპორტი · ხელოვნება

ომის პორტალი

პორტალი

პროექტი

კატეგორიები

მონაწილენი

არქივი • რედაქტირება  რჩეული სტატია ფაილი:WWII-surati.jpg მეორე მსოფლიო ომი ყველაზე მასშტაბური და სისხლისმღვრელი კონფლიქტი იყო კაცობრიობის ისტორიაში. აზიაში ის დაიწყო მეორე იაპონია-ჩინეთის ომით 1937 წლის 7 ივლისს და ევროპაში გერმანიის თავდასხმით პოლონეთზე 1939 წლის 1 სექტემბერს. საომარი მდგომარეობა ევროპაში დასრულდა 1945 წლის 8 მაისის ვერმახტის კაპიტულაციით, ხოლო აზიაში -- 1945 წლის 2 სექტემბერს იაპონიის კაპიტულაციით. მეორე მსოფლიო ომის განმავლობაში გერმანია, იტალია და იაპონია აწარმოებდნენ დამპყრობლურ ომებს მსოფლიოს მრავალი ქვეყნის წინააღმდეგ. მათი მთავარი მოწინააღმდეგეები იყვნენ: საფრანგეთი, დიდი ბრიტანეთი და ჩინეთის რესპუბლიკა, რიბენტროპ-მოლოტოვის პაქტის დარღვევის შემდეგ საბჭოთა კავშირი და იაპონიის პერლ-ჰარბორზე თავდასხმის შემდეგ ამერიკის შეერთებული შტატები. მეორე მსოფლიო ომის ძირითადი ბრძოლის ადგილი იყო: აზია, წყნარი ოკეანის აუზი, ევროპა და ჩრდილოეთ აფრიკა. საომარი შეტაკებები მიმდინარეობდა აგრეთვე ჩრდილოეთ ამერიკაში (არქტიკა) ალასკასა და გრენლანდიაზე, ახლო აღმოსავლეთში - ერაყსა და ირანში, აღმოსავლეთ აფრიკაში - ეთიოპიასა და სომალიში, აგრეთვე სამხრეთ ამერიკაში ( სურინამის დაპყრობა ), ტიბეტში (ტოლსტოი-დოლანის მისია) და ანტარქტიდაზეც კი (ოპერაცია ტაბარინი). მეორე მსოფლიო ომმა იმსხვერპლა 60 მილიონამდე ადამიანის სიცოცხლე, მათ შორის 20 მილიონამდე მშვიდობიანი მოსახლის. ომის სულისკვეთება გაჟღენთილი იყო მძლავრი იდეოლოგიზმით, რამაც ურიცხვი სამხედრო დანაშაული და მშვიდობიან მოსახლეობაზე სისტემატიური ძალადობა გამოიწვია, რომელიც გენოციდშიც კი გადაიზარდა. (…სრულად) არქივი • რედაქტირება  რჩეული ციტატა ნაპოლეონი აუსტერლიცის ბრძოლის დროს „საომარი მოქმედებების ადგილი არის გენერალის ჭადრაკის დაფა, სწორედ მისი არჩევა ავლენს მხედართმთავრის ნიჭს ან უგუნურობას.“ (ნაპოლეონ I) არქივი • რედაქტირება  რჩეული მხედართმთავარი ლუი ნიკოლა დ’ავუ (ფრანგ.: Louis-Nicolas d'Avoût), იგივე დავუ (ფრანგ.: Davoût), აუერშტეტის ჰერცოგი, ეკმიულის და იმპერიის თავადი (ფრანგ.: duc d'Auerstedt, prince d'Eckmühl et de l'empire) (დ. 10 მაისი, 1770, ანუ, ბურგუნდია — გ. 1 ივნისი, 1823, პარიზი), ფრანგი სახელმწიფო და სამხედრო მოღვაწე, საფრანგეთის პერი, საფრანგეთის მარშალი. იგი ითვლება ნაპოლეონ I-ის ერთ-ერთ საუკეთესო გენერლად. მისი სიმკაცრისა და დისციპლინისადმი მეტსახელად „რკინის მარშალი“ შეარქვეს, ხოლო ჰამბურგის გუბერნატორობის დროს (1813-1814) გამოჩენილი სისასტიკისათვის — „ჰამბურგის რობესპიერი“. დავუ არისტოკრატული და მდიდარი ოჯახის წარმომადგენელი იყო და ნაპოლეონთან ერთად სწავლობდა ბრიენის კადეტთა სასწავლებელში. 1788 წელს მან სამხედრო სამსახური დაიწყო ლეიტენანტის წოდებით ერთ-ერთ კავალერისთა პოლკში. საფრანგეთის რევოლუციას დავუ აღფრთოვანებით შეხვდა და მიუხედავად არისტოკრატული წარმომავლობისა რევოლუციონერთა რიგებში ჩადგა. 1791 წელს იგი მოხალისეთა ბატალიონის მეთაური გახდა. იგი წარმატებით იბრძოდა ჟემაპთან და ნეერვინდენთან გენერალ დიუმურიეს ხელქვეით. 1793 წლის ივლისში მას ბრიგადის გენერლის სამხედრო წოდება მიენიჭა, თუმცა იძულებული გახდა არმია დაეტოვებინა, ვინაიდან ახალი რევოლუციური დეკრეტის მიხედვით ყოფილ არისტოკრატებს სამხედრო სამსახური ეკრძალებოდათ. (…სრულად) რედაქტირება  კატეგორიები ომი ანტისაომარი მოძრაობა ნამუშევრები ომების შესახებ ომთან დაკავშირებული ადამიანები ომი და პოლიტიკა ომი მასობრივ კულტურაში ომის საერთაშორისო ხელშეკრულებები ომის სამართალი ომის ქრონოლოგია სამხედრო დამნაშავე სამხედრო ისტორია სამხედრო ტაქტიკა საომარი მოქმედებები სტატიების ესკიზები სამხედრო ისტორიის შესახებ ომის ღვთაებები შუა საუკუნეების ომის წარმოება რედაქტირება  სხვა პროექტებში ვიკისაწყობი ვიქსიკონი ვიკიწყარო ვიკიციტატა არქივი • რედაქტირება  რჩეული სურათი 1991-1992 წლების სამხედრო გადატრიალება ოპოზიციის ბარიკადები მთავრობის სახლის აღებისას. (დეკემბერი, 1991) არქივი • რედაქტირება  იცოდით, რომ ...საბჭოთა და ბრიტანულმა ჯარებმა ირანის ოპერაცია დაიწყეს ბრიტანეთისთვის ნავთობის, ხოლო საბჭოთა კავშირისთვის ერთობ საჭირო ლენდ-ლიზის მოწოდების უზრუნველსაყოფად მეორე მსოფლიო ომის პერიოდში... ...ვერმახტის ერთადერთი არაგერმანული ლეგიონი, რომელსაც რკინის ჯვრის ტარების უფლება ჰქონდა, ქართული ლეგიონი (სურათზე) იყო... ...აკაკი წერეთელმა რუსეთ-იაპონიის ომში რუსეთის დამარცხებისთვის იაპონელ სარდალს, ოიამა ივაოს, ლექსი ,,ოი, ამას ვენაცვალე!" მიუძღვნა.... ...1796 წლის რუსეთ-სპარსეთის ომი რუსეთის მეფე პავლე I-მა ტახტზე ასვლიდან ერთ თვეში გააუქმა... ...აზერბაიჯანისა და სომხეთის თანამედროვე ტერიტორიები რუსმა მთავარსარდალმა ივანე პასკევიჩმა სპარსეთს წაართვა 1826-28 წლების რუსეთ-სპარსეთის ომში... ...გოთების ომის პერიოდში IV საუკუნეში, გოთებმა რომის იმპერატორი მოკლეს, რომის არმია გაანადგურეს და რომაელთა ბალკანეთის დიდი ნაწილი ააოხრეს... ...ყივჩაღთა კლანის რამდენიმე თურქული მომთაბარე ტომი საქართველოში დასახლდა 1118 წელს და ქართულ ჯარში მსახურობდა თითქმის ორი საუკუნე... რედაქტირება  28 ნოემბერი - დღეს რედაქტირება  დობილი პორტალები                                 უძველესი ისტორია კლასიკური ცივილიზაცია შუა საუკუნეების ისტორია ახალი ისტორია უახლესი ისტორია აღმოსავლეთის ისტორია ბიოგრაფიები ომი