მიჰრან არუთუნიანი
| პირადი ინფორმაცია | |
|---|---|
| დაბ. თარიღი | 25 მარტი, 1989 (35 წლის) |
| დაბ. ადგილი | ვაღარშაპატი |
| სიმაღლე | 1,66 |
| წონა | 67 |
| ქვეყანა | რუსეთი |
მიჰრან ედიკის ძე არუთუნიანი (სომხ. Միհրան Էդիկի Հարությունյան; დ. 25 მარტი, 1989, ვაღარშაპატი, სომხეთის სსრ) — სომეხი-რუსი ბერძნულ-რომალი სახეობის მოჭიდავე. ასპარეზობდა 66 კგ წონით კატეგორიაში, შერეული საბრძოლო ხელოვნების მებრძოლი, 2016 წლის ზაფხულის ოლიმპიური თამაშების ვერცხლის მედალოსანი, რუსეთის ჩემპიონი 2012 წელს, სომხეთის ჩემპიონი 2013 წელს, ევროპული თამაშების ვერცხლის მედლის პრიზიორი 2015 წელს, რუსეთის სპორტის საერთაშორისო კლასის ოსტატი (2011)[1].
ბიოგრაფია
[რედაქტირება | წყაროს რედაქტირება]მიჰრან არუთუნიანი დაიბადა 1989 წლის 25 მარტს ეჩმიაძინში (ვაღარშაპატი). 4 წლის ასაკში გადავიდა მოსკოვში, სადაც დაიწყო ბერძნულ-რომაულ ჭიდაობაში ჩართვა სსრკ დამსახურებული მწვრთნელის არამ სარქისიანის ხელმძღვანელობით. 2006 წელს იყო ევროპის ახალგაზრდული ჩემპიონატის მედლის პრიზიორი. 2008 და 2009 წლებში მოიპოვა მედალი მსოფლიოს ახალგაზრდულ ჩემპიონატზე.
2011 წელს გახდა რუსეთის ჩემპიონატის ვერცხლის მედალოსანი და საერთაშორისო ტურნირების გამარჯვებული ესპანეთსა და შვედეთში. 2012 წელს მიიღო რუსეთის ჩემპიონის ტიტული. გაურკვეველი მიზეზების გამო, მიჰრან არუთუნიანს არ მიეცა მონაწილეობის მიღების შესაძელბლობა 2012 წლის ზაფხულის ოლიმპიური თამაშების 4 სალიცენზიო ტურნირზე.
ამის შემდეგ მიჰრანმა კარიერა სომხეთის დროშის ქვეშ გააგრძელა. 2013 წელს გახდა სომხეთის ჩემპიონი, მაგრამ 2014 წლის შუა პერიოდამდე არ მონაწილეობდა მნიშვნელოვან საერთაშორისო შეჯიბრებებში, ორწლიანი „კარანტინის“ გამო, რომელიც დაკავშირებულია სპორტული მოქალაქეობის შეცვლასთან. 2014 წლის შემოდგომაზე მან მონაწილეობა მიიღო ტაშკენტში გამართულ მსოფლიო ჩემპიონატში, სადაც ორი ბრძოლა მოიგო შვედეთისა და თურქეთის წარმომადგენლებს, მაგრამ მეოთხედფინალში წააგო უნგრელ ტამაშ ლორინცთან და მედლის მოპოვება ვერ მოახერხა.
მსოფლიო ჩემპიონატზე წარუმატებელი გამოსვლის შემდეგ, ბარნაულში საერთაშორისო ტურნირზე გამოვიდა,[2] სადაც მან პირველი ადგილის დაკავება მოახერხა. აგრეთვე ოქროს მედალი მოიპოვა რიგით 22-ედ გამართულ სერგეი ტარასკინის სახელობის ტურნირზე[3], მაგრამ მუხლის ტრავმა მიიღო, რის გამოც სომხეთის ჩემპიონატზე გასმოვლა ვერ შეძლო. ტურნირის დაწყებამდე, ჯნმრთელობის მკვეთრი გაუარესების გამო, ის სასწრაფო დახმარების მანქანით წაიყვანეს და შეჯიბრის დატოვება მოუწია.
ამას მოჰყვა მისი სანაკრებო კარიერის გაუარესება[4], რადგან მთავარმა მწვრთნელმა 66 კგ-მდე წონით კატეგორიაში მიჰრანი ნაკრების ძირითად წევრად ვერ დაინახა და ბაქოში ევროპულ თამაშებზე ნაჩვენები შედეგით შესაძლებელი იყო ვითარების გამოსწორება.[5] და სამწვრთნელო შტაბმა, სომხეთის ბერძნულ-რომაული სტილით მოჭიდავეთა ნაკრებმა მონაწილეობა მიიღო ბაქოში გამართულ პირველ ევროპულ თამაშებში. მიჰრან არუთუნიანმა მეორე ადგილი დაიკავა, ფინალში რუს მოჭიდავესთან დამარცხდა, მაგრამ მაინც ეს შედეგი[6] მაინც შესანიშვნა აღმოჩნდა, რადგან ეს იყო სომხეთის დელეგაციის ერთადერთი მედალი 2015 წლის ბაქოს პირველ ევროპულ თამაშებზე[7].
მიჰრან ჰარუტიუნიანი ოლიმპიურ თამაშებზე ფავორიტთა შორის არ იყო. თუმცა, ზედიზედ დაამარცხა ეგვიპტელი აჰმედ კახკი (9:0) და მსოფლიოს ორი ჩემპიონი: კორეელი რიუ ჰან სუ (2:1) და აზერბაიჯანელი რასულ ჩუნაევი (3:1).[8][9], ფინალში გავიდა, სადაც მას კიდევ ერთი მსოფლიო ჩემპიონი, დავორ სტეფანეკი ელოდა. ფინალური ორთაბრძოლის დასაწყისში სომეხმა სპორტსმენმა აიძულა სერბი ხალიჩაზე გადასულიყო და ერთი ქულის ართმევა მოახერხა. ანგარიში 1:0 მიჰრანის სასარგებლოდ, მსაჯებმა სომეხი მოჭიდავე მეორედ დააყენეს პატერში და ამით ქულის აღება მოახერხა სერბმა, რომელიც ჩემპიონი გახდა, რადგან მან შეხვედრის უკანასკნელი ქულა მიითვალა. შედეგად მიჰრან არუთუნიანი ფინალში სერბ დავორ სტეფანეკთან ანგარიშით 1:1 დამარცხდა.[9][10].
რიოს ოლიმპიადაზე ბერძნულ-რომაული სტილით მოჭიდავეთა (66 კგ წონით კატეგორიაში) დაჯილდოების ცერემონიალზე ცრემლები ვერ შეიკავა ოლიმპიური თამაშების ვერცხლის მიჰრან ჰარუტიუნიანმა. დარბაზში მყოფმა გულშემატკივრებმა სომეხ მოჭიდავეს ტაში დაუკრა. შეჯიბრის შემდეგ ინტერვიუში მიჰრანმა თქვა: „არ მინდა მოკრძალებულად გამოვიყურებოდე, ეს ყველაფერი სიბინძურეა. არ მინდა აქ დარჩენა, ამ ყველაფერში. მინდა წავიდე და წავიდე, სპორტი აღარ არის ჩემთვის საინტერესო. ვხელმძღვანელობდი 1:0 ანგარიშით, ვიმუშავე აქტიურად, ნომერ პირველი, მთელი ბრძოლა და გამუდმებით მიწაზე მაყენებდნენ, რაღაც კომენტარს აძლევდნენ. არ ვიცი... სხვა რამეზე კომენტარის გაკეთება არ მინდა, ბოდიში. ”
ვებგვერდზე Change.org გაიხსნა პეტიცია სომეხი მოჭიდავის მხარდასაჭერად. პირველივე დღეს პეტიციას 9 ათასზე მეტმა ადამიანმა მოაწერა ხელი.
სომეხი ბერძნულ-რომაული სტილით მოჭიდავე ართურ ალექსანიანი, რომელიც 31-ე ზაფხულის ოლიმპიური თამაშების ჩემპიონი გახდა, ფეისბუქის საკუთარ გვერდზე მიჰრან არუთუნიანს წერს:
„შენ ხარ ნამდვილიჩემპიონი“.
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ Приказ Минспорттуризма РФ от 24 февраля 2011 года № 26-нг О присвоении спортивного звания «Мастер спорта России международного класса». დაარქივებულია ორიგინალიდან — 2016-12-05. ციტირების თარიღი: 2021-10-26.
- ↑ Noev Kovcheg Media. Борец Мигран Арутюнян стал лучшим на международном турнире в Барнауле. sportnk.ru. ციტირების თარიღი: 2018-10-02.
- ↑ Super User. ТУРНИР ПАМЯТИ СЕРГЕЯ ТАРАСКИНА 22 – 23 декабря 2012 года. xn--64-jlc4bkdb0duc.xn--p1ai. დაარქივებულია ორიგინალიდან — 2018-10-02. ციტირების თარიღი: 2018-10-02.
- ↑ Мигран Арутюнян: После Ташкента от меня отвернулись практически все (фоторепортаж).
- ↑ „Кто из армянских спортсменов поедет на Европейские игры в Баку?“. PanARMENIAN.Net. ციტირების თარიღი: 2018-10-02.
- ↑ Migran Arutyunyan. (2015-06-16) Migran Arutyunyan | 1-st European Games | Highlight. ციტირების თარიღი: 2018-10-02.
- ↑ Встретили как героев. www.golosarmenii.am. ციტირების თარიღი: 2018-10-02.
- ↑ Rio 2016 / Elimination Round. Rio 2016. დაარქივებულია ორიგინალიდან — 2016-09-22. ციტირების თარიღი: 2016-08-17.
- ↑ 9.0 9.1 Google. www.google.com. ციტირების თარიღი: 2016-08-17.
- ↑ Rio 2016 / Repechages. Rio 2016. დაარქივებულია ორიგინალიდან — 2016-09-22. ციტირების თარიღი: 2016-08-17.