The Future Is Wild
The Future Is Wild (kerep dicekak dadi F.I.W.) iku sawijining acara TV awujud sérial dokumentèr weton Britania Raya kang ditayangaké kanggo kapisan ing taun 2003. Sérial iki ya iku kasil koproduksi saka Animal Planet, ORF (Ostenrik) lan ZDF (Jerman). Program TV iki nganggo CGI (citra komputer) lan nudhuhaké kamungkinan kauripan ing Bumi ing mangsa ngarep. Miniseri iki dirilis mawa sawijining buku pangiring kang ditulis déning géologis Dougal Dixon, pangripta sawatara buku ngenani antroplogi/zoologi mangsa ngarep (kaya ta After Man: A Zoology of the Future), lan kerjasama karo prodhuser TV sajarah ngalam John Adams.
Miniséri iki dhedhasar riset lan wawancara karo sawatara ngèlmuwan lan nudhuhaké kepriyé kauripan bisa évolusi ing mangsa ngarep manawa manungsa iku sirna. Miniséri iki cukup populèr, ing taun 2005, ana taman téma (theme park) dhedhasar acara iki ing Jepang. Banjur acara TV ing Discovery Channel ngenani dolanan komputer Spore ing taun 2008, uga diiringi karo tayangan acara iki.
Ékosistém
[besut | besut sumber]Ing acara TV iki jaman dipérang dadi telung kala lan rolas ékosistèm.
Mangsa limang yuta taun ing ngarep
[besut | besut sumber]Épisode iki nggambaraké satunggaling cara ndheleng donya sawisé jaman ès. Ing jaman iki, manuk-manuk sagara raksesa urip ing tlatah pasisiran lan lawa-lawa karnivora nguwasani langit. Ing skénario iki, lapisan ès ambané ngidul nganti tekan Paris ing belahan bumi lor lan nganti tekan Buenos Aires ing belahan bumi kidul. Alas Amazon dadi garing lan saiki namung dadi ara-ara suket waé. Ara-ara suket ing Amérika Lor dadi ara-ara samun adhem. Afrika tabrakan karo Éropa lan nutup Sagara Tengah. Sagara Tengah dadi garing lan dadi ara-ara samun uyah mawa ing kono-kéné tlaga asin. Éropa sapérangan gedhé dadi tundra beku.
- Sawetara spésies hipotésis kang dibabar
- Babookari
- Ephydridae
- Carakiller
- Cryptile
- Deathgleaner
- Gannetwhale
- Rattleback
- Gryken
- Scrofa
- Shagrat
- Snowstalker
- Spink
Mangsa satus yuta taun ing ngarep
[besut | besut sumber]Ing jaman iki, ya iku 100 yuta taun ing ngarep, akèh lemah dharatan kang kabanjiran sagara cethèk. Lemah sakiwa-tengené sagara cethèk dadi tlatah rawa-rawa payo. Gurita padha urip ing dharat lan bulus dadi gedhé banget awaké. Bawana Antarktika dadi maju menyang tlatah tropis kaya 300 yuta taun sadurungé. Saiki Antarktika dituwuhi akèh wit-witan kaya jaman mbiyèn.
Mangsa rong atus yuta taun ing ngarep
[besut | besut sumber]Donya ing 200 yuta taun ing ngarep iku lagi waé pulih saka kasirnan massal, sawisé jebluging gunung massal.