Sung-Ha Jung

Sung-Ha Jung
Sungha Jung nalika konsèr ing Taiwan taun 2012
Lair	정성하 (1996-09-02) Sèptèmber 2, 1996 Koréa Kidul
Pakaryan	Gitaris fingerstyle akustik solo
Taun aktif	2006-saiki
Sana jaringan	sunghajung.com

Sung-Ha Jung ya iku salah sawijining wong sing dadi kondhang amarga ngunggah vidéo ana ing YouTube. Nganggo akun jwcfree, dhèwèké wis ngunggah punjul 500 vidio ana ing YouTube. Sung-Ha Jung miwiti ngunggah vidio nèng YouTube saka 8 September 2006. Awit saka iku tekan saiki channel jwcfree wis ditonton kaping 500.000.000 luwih. Amarga kapinterané dolanan gitar, wis akèh musisi-musisi internasional sing gumun karo dhèwèké. Ora mung digumuni, Sung-Ha Jung uga bisa duèt karo musisi-musisi mau, kaya ta Ulli Bögershausen, Thomas Leeb, Trace Bundy, Tommy Emmanuel lan liya-liyané.

Wiwitan Makarya

Sung-Ha Jung miwiti dolanan gitar saka umur 9 taun. Dhèwèké kepéngin dolanan gitar amarga nyawang bapaké dolanan gitar. Awit iku, dhèwèké tangi ésuk umun-umun supaya bisa dolanan gitar dhisik sadurungé mangkat sekolah. Wiwitan Sung-Ha Jung dolanan gitar, dhèwèké isih diwulang bapaké. Nanging,bapaké mung mulang dhèwèké sedhéla amarga olèhé Sung-Ha Jung sinau dolanan gitar rikat banget. Miturut bapaké, Sung-Ha wis bisa dolanan luwih apik saka bapaké sawisé 6 sasi sinau gitar. Sabanjuré, dhèwèké sinau dolanan gitar dhéwé.
Gitaran cara fingerstyle iku diwiwiti Sung-Ha sawisé bapaké nduduhi vidio-vidio babagan fingerstyle. Saka vidio-vidio iku dhèwèké dadi seneng gitaran cara fingerstyle.
Pas wiwitan Sung-Ha Jung ngunggah vidioné ana ing You Tube, dhèwèké lagi umur 10 taun. Sanadyan lagi umur 10 taun, olèhé dolanan gitar wis apik banget lan wis ditonton karo yutanan wong nèng donya. Anggoné Sung-Ha Jung nggarap satembang adaté mung rong nganti telung dina. Nanging, yèn tembang sing digarap iku rada angèl bisa nganti seminggu.
Adaté sing pisanan dilakokaké Sung-Ha Jung pas nggarap tembang ya iku nonton vidio. Sawisé nonton,dhèwèké banjur nemtokaké nada-nada apa waé sing dienggo. Olèhé Sung-Ha Jung nemtokaké nada racaké mung sajam lan lumrahé ora nganggo tab gitar utawa partitur musik.

Kauripan Pribadi

Sung-Ha Jung saiki ngomah nèng Chungju, Korea Kidul. Bapaké Sung-Ha Jung asmané Woo-chang Jung. Panjenengané ngasta nèng salah sawijining perusahaan ana ing Koréa. Panjenengané iku sing marakaké Sung-Ha Jung "kecemplung" dadi gitaris saka hobi dolanan gitaré. Sung-Ha duwé adhi wadon jenengé Soo-Ha Jung.

Piranti Musik

Gitare Sung-Ha Jung sing disponsori karo Lakewood

Gitar

Sung-Ha Jung éntuk sponsor gitar saka Lakewood Archived 2012-08-28 at the Wayback Machine.. Lakewood Archived 2012-08-28 at the Wayback Machine. iku jeneng produsèn gitar sing kondhang nèng Éropah. Ulli Bögershausen, gitaris kondhang sing dadi mèntoré Sung-Ha Jung, uga nganggo gitar saka Lakewood. Gitar iku digawé kusus kanggo Sung-Ha Jung dhéwé. Olèhé Lakewood Archived 2012-08-28 at the Wayback Machine. nggawé gitar iku nganti 4 sasi. Sung-Ha nganggo gitar iku saka taun 2009. Saiki, Sung-Ha duwé gitar lakewood cacahé 6. Sadurungé dhèwèké nganggo gitar iku, dhèwèké wis tau nganggo gitar saka Selma, salah sawijining produsèn gitar kondhang nèng Koréa.

Piranti Musik Liyané

Sung-Ha Jung ora mung bisa dolanan gitar waé. Sadurungé bisa dolanan gitar, dhèwéké wis bisa dolanan piano dhisik. Saliyané piano, dhèwéké uga bisa dolanan piranti musik liyané, kaya ta ukulélé, lan drum. Dhèwéké lagi waé sinau jazz piano wiwit taun 2010. Dhèwèké uga lagi sinau teknik vokal.

Konsèr

Dhèwèké wis tau konsèr nèng ngendi-ngendi, embuh iku konsèr solo apa dudu. Konsèr ing Koréa wis tau, konsèr ing manca uga wis tau.

Taun	Tanggal	Nagara	Panggon	Jeneng Konsèr
2010	18 Novèmber	Amérika	Johnny D's, Somerville, Massachusetts	2nd US Tour with Trace Bundy 'Tur Amerika Kaping Pindho karo Trace Bundy'
	19 Novèmber		Canal Room, New York
	21 Novèmber		World Cafe Live Archived 2012-09-21 at the Wayback Machine., Philadelphia
	23 Novèmber		Jammin' Java, Vienna, Virginia
	26 Novèmber		Boulder Theater, Boulder, Colorado
	18-19 Dhésèmber	Koréa	V-Hall, Hongdae, Seoul	Winter Special Concerts in Seoul 'Konser Spesial Mangsa Adhem ing Seoul'
2011	30 April	Koréa	Seongnam Art Center Concert Hall, Seongnam	Jung Sung Ha Concert Tour 'Sung Ha Jung: Konser Tur'
	16 Mèi	Jepang	Osaka	Spring Japan Tour 2011 'Tur Mangsa Semi Jepang 2011'
	17 Mèi		Sea Garage,Tokyo
	18 Mèi		Back in Town, Tokyo
	21 Mèi		Mojo West, Kyoto
	22 Mèi		Miki Music Saloon Shinsaibashi, Osaka
	30 Oktober	Thailand	ICS Performing Arts Auditorium, Bangkok	Sungha Jung Live in Bangkok 2011 'Sungha Jung ing Bangkok 2011'
	3 Dhésèmber	Singapura	DBS Auditorium	Sungha Jung Live in Singapore 'Sungha Jung ing Singapura'

Diskografi

Taun	Album		Pratélan Tembang
2010	Perfect Blue		01. Hazy Sunshine 02. Billie Jean 03. One Of Us 04. California Dreaming 05. Love Of My Life 06. Fields Of Gold 07. Superstition 08. Perfect Blue 09. More Than Words 10. Livin' On A Prayer 11. A Whiter Shade Of Pale 12. Wake Me Up When September Ends 13. Twist In My Sobriety 14. I Believe I Can Fly
2011	Irony		01. For You 02. Irony 03. Been Already a Year 04. Fly Like the Wind 05. Waterfall 06. They Don't Care About Us 07. Fragile 08. The Winner Takes It All 09. Songbird 10. Farewell 11. Tree in the Water 12. Beat It 13. River Flows in You 14. Lonely

Pranala njaba

• http://www.sunghajung.com/about
• http://www.last.fm/music/Sung-Ha Jung/ wiki
• http://www.youtube.com/jwcfree
• http://wiki.answers.com

Foto-foto:

• http://userserve-ak.last.fm/serve/500/69528920/Irony _.jpg
• http://allaboutmusic.kr/upload/PopAlbumImages300Black/Sungha Jung - 2010 Perfect Blue_case.jpg
• http://www.lakewood.de/images/modelle/new/2012/norm/sungha_sig_vo.jpg