Satrap
Satrap iku lurahing wewengkon ing Kamaharajan Mādai, Kamaharajan Achaiménēs, lan sawenèh kamaharajan turuné, kaya ta Kamaharajan Ērānshahr saha kamaharajan-kamaharajan Yunani.
Tembung satrap uga sok kanggo ing saloka ing sastra Pèrsi anyar sing werdiné lurahing utawa panguluning nagara sing kadayan hégemoni nagara-nagara adikuwasa lan tumindak kaya déné wakilé nagara-nagara adikuwasa mau.[1]
Ètimologi
[besut | besut sumber]Tembung satrap iku turun lumantar tembung Latin satrapes saka tembung Yunani satrápēs (σατράπης). Asliné tembung iki dijupuk saka tembung Iran Kuna *xšaθra-pā/ă-.[2] Ing basa Pèrsi Kuna, ya iku basané asli wong-wong Achaiménēs, kacathet tembung xšaçapāvan (𐎧𐏁𐏂𐎱𐎠𐎺𐎠, mawa werdi literal "baureksaning wewengkon"). Ing basa Mādai, tembungé kasil dirékonstruksi dadi *xšaθrapāwan-.[3] Tembung iki kognat karo tembung Sangsekerta kshatrapam (क्षत्रपम्) utawa kshtrapa (saka tembung xšaça ("buwana" utawa "wewengkon") lan pāvan ("baureksa")), sing dadi asalé tembung "kshatriya".
Ing basa Parthia (basa sing kanggo ing Kamaharajan Parthia) kacathet tembung šahrab lan basa Pèrsi Tengahan (basa sing kanggo ing Kamaharajan Ērānshahr) kacathet tembung šasab.[4]
Ing basa Pèrsi anyar, turuning tembung xšaθrapāvan iku shahrbān (شهربان), nanging anasir-anasiré wis ngalami owah-owahan sémantik, mula tembungé saiki ateges "sing jaga kutha" (shahr [شهر] tegesé "kutha" bān [بان] tegesé "sing jaga").
Réferènsi
[besut | besut sumber]- ↑ "Satrap – Definition and More from the Free Merriam-Webster Dictionary". Merriam-webster.com. Dibukak ing 2012-01-26.
- ↑ electricpulp.com. "Persian Loanwords and Names in Greek – Encyclopaedia Iranica". www.iranicaonline.org (ing basa Inggris). Dibukak ing 2017-11-10.
- ↑ Bukharin, Mikhail (2013). "К дискуссии о языке скифов: переход др.ир. *xš- > *s- и его отражение в древнегреческом". Проблемы истории, филологии, культуры: 263–285.
- ↑ MacKenzie, N. D. Farhang-i kūchak-i zabān-i Pahlavī. Tihrān. ISBN 9644260767. OCLC 967939141.
Pranala njaba
[besut | besut sumber]- Livius.org: Satraps lan satrapies Archived 2016-04-07 at the Wayback Machine.