Panlitèn

Panlitèn utawa riset yaiku karya kréatip lan sistèmatis kang ditindakaké kanggo amundhakaké kawruh.^[1] Iki anggubedaké pangumpulan, panyungsunan, lan analisis bukti kanggo amundhakaké panampa babagan rembug, kang ditengeri kanthi panggati kusus kanggo angendhalèkaké sumber bias lan kaluputan. Kamempengan iki ditengeri kanthi anyathet lan angendhalèkaké bias. Proyèk panlitèn bisa uga minangka pajembaring karya kapungkur ing papan jembar. Kanggo anglèlèr kaabsahan instrumèn, prosedur, utawa pacoban, panlitèn bisa uga angréplikasi unsur-unsur proyèk sadurungé utawa proyèk kanthi sakabèhé.

Ancas utama panlitèn dhasar (beda karo panlitèn trapan) yaiku dhokumèntasi, panemon, panapsiran, lan panlitèn lan pangembangan (R&D) methodé lan sistèm kanggo ajuning kawruh manungsa. Panyedhakan panlitèn gumantung ing épistèmologi, kang beda-beda banget sanadyana ing jeroné éwadéné ing antarané humaniora lan èlmu. Ana sawatara wujud panlitèn: èlmiah, humaniora, kagunan, ékonomi, sosial, bisnis, pamasaran, panlitèn praktisi, kauripan, tèknologi, lsp. Pasinaon èlmiah babagan praktèk panlitèn diweruhi minangka panlitèn méta.

Panliti yaiku wong kang kagubed ing anindakaké panlitèn, bisa uga diweruhi minangka pagawéan kanthi jabatan formal. Supaya bisa dadi panliti sosial utawa èlmuwan sosial, wong kudu duwé kawruh kang jembar babagan jejer kang gagayutan karo èlmu sosial kang dadi kamligené. Samana uga, supaya bisa dadi panliti èlmu alam, wong kasebut kudu duwé kawruh babagan bendheng-bendheng kang gagayutan karo èlmu alam (fisika, kimia, biologi, astronomi, zoologi, lan liya-liyané). Paimpunan profésional anyadhiyakaké siji galer kanggo mateng ing profési panliti.^[2]

Rujukan

↑ OECD (2015). Frascati Manual. The Measurement of Scientific, Technological and Innovation Activities. doi:10.1787/9789264239012-en. hdl:20.500.12749/13290. ISBN 978-9264238800. Diarsip saka asliné ing 5 Juni 2020. Dibukak ing 4 April 2020.
↑ Sha, Mandy (14-5-2019). "Professional Association and Pathways to Leadership in Our Profession". Survey Practice (ing basa Inggris). 12 (1): 1–6. doi:10.29115/SP-2018-0039. {{cite journal}}: Check date values in: |date= (pitulung)

Wacan saterusé

Groh, Arnold (2018). Research Methods in Indigenous Contexts. New York: Springer. ISBN 978-3-319-72774-5.
Cohen, N.; Arieli, T. (2011). "Field research in conflict environments: Methodological challenges and snowball sampling". Journal of Peace Research. 48 (4): 423–436. doi:10.1177/0022343311405698. S2CID 145328311.
Soeters, Joseph; Shields, Patricia and Rietjens, Sebastiaan. 2014. Handbook of Research Methods in Military Studies New York: Routledge.
Talja, Sanna and Pamela J. Mckenzie (2007). Editor's Introduction: Special Issue on Discursive Approaches to Information Seeking in Context, The University of Chicago Press.