Kuthilang
| Sooty-headed Bulbul | |
|---|---|
| |
| Burung Kutilang sedang memakan buah | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Aves |
| Ordho: | Passeriformes |
| Famili: | Pycnonotidae |
| Génus: | Pycnonotus |
| Spésies: | P. aurigaster |
| Jeneng binomial | |
| Pycnonotus aurigaster (Vieillot, 1818) | |
Kuthilang utawa thilang ya iku manuk saka suku Pycnonotidae.[2] Wong Sunda nyebuté kanthi jeneng Cangkurileung, mèloni suwarané kang khas.[2] Ing sjroning Basa Inggris karan Sooty-headed Bulbul, wondéné jeneng ngèlmiahé ya iku Pycnonotus aurigaster.[2] Manuk thilang bisa didakake kéwan ingon-ingon kang lucu lan nggemesake.[3] Yèn diengu knit apik apa manèh yèn saka anakan, manuk thilang bakal dadi lulut lan cumbu.[3] Manuk thilang kagolong kéwan kang mituhu karo kang nduwé.[3]
Ciri-ciri
[besut | besut sumber]Manuk kang ukurané sedeng, dawa awak saka cucuk nganti pucuk buntut kira-kira 20 cm.[2] Pérangan duwor awaké (geger, buntut) warnané coklat klawu, ngisoré (gulu, dhadha, weteng) putih klawu.[2] Pérangan ndas wernané ireng.[2] Lan wulu kang nutupi bokong wernané kuning. Cucuk lan sikil wernané ireng.[2]
Habitat
[besut | besut sumber]Habitaté manuk kutilang ana ing panggonan kang padang, kaya ta pinggir dalan, kebon, glagahan, lan alas.[4] Manuk tilang uga kerep tinemu urip kanthi bébas ing taman-taman kutha.[4] Karakter manuk thilang ya iku biyasa urip nggrombol, bisa iku pas golèk pakan utawa pas gelut, karo jinisé dhéwé utawa jinis liyané. Manuk thilang kerep mabur sambi ngocèh.[4] Manuk thilang seneng banyu, kanggo ados utawa kanggo ngombé.[4] Amerga kerep ngombé mangka manuk thilang kagolong manuk kang kerep ngisèng.[4] Susuh manuk thilang dhapuré kaya cawan wondéné bahané saka godhong lan suket, Manuk thilang racaké ngendog nganti 2-3 iji, wernané endogé rodok jambon ana bintik-bintiké klawu.[4] Manuk iki gawé susuh ing saben taun kajaba wulan November.[4] Kanggo mbédakaké antarané manuk thilang lanang lan wédok ana pira-pira cara kang bisa dienggo kaya ta, yèn suwarané banter mangka iku bisa dipastékaké manuk thilang iku jinisé lanang.[5]
Manuk thilang kuduné bisa didadèkaké manuk lomba kanggo kategori manuk ngocèh. Saut-sautan suwara kang dikasélaké banter banget lan duwé variasi suwara kang apik yèn diolah kanti trep. Manuk thilang kagolong manuk kang pinter. Dèwèké bisa dilatih pira-pira suwara manuk liya. Yèn diajari saben dina sajeroning itungan minggon bakal bisa niru apa kang diajaraké. Nanging éman banget, amarga manuk thilang isih dianggep manuk kang kelasé isih endèk tumprapé para pangingu manuk. Bab iki mungkin disebapaké endèké préstasi manuk iki.[3]
Cathetan sikil
[besut | besut sumber]- ↑ BirdLife International (2012). "Pycnonotus aurigaster". IUCN Red List of Threatened Species. Version 2008. International Union for Conservation of Nature. Dibukak ing 25 September 2012.
{{cite web}}: CS1 maint: uses authors parameter (link) - ↑ a b c d e f g [1], Kanduh 8/10/2012.
- ↑ a b c d [2], Kaunduh 8/10/12.
- ↑ a b c d e f g [3], Kaunduh 09/10/12.
- ↑ [4], Kaunduh 9/10/12.