Gunung Slamet
| Gunung Slamet | |
|---|---|
 | |
| Èlevasi | 3,428 metres (11,247 ft) |
| Prominèn | 3,284 metres (10,774 ft) |
| Isolasi | 420 kilometres (260 mi) |
Gunung Slamet iku gunung geni sing dumunung ing Pulo Jawa, Indonésia.[1] Gunung Slamet dhuwuré 3,432 mèter.[2] Gunung iki dunungé ing tapel wates Kabupatèn Banyumas, Purbalingga, Brebes lan Pemalang, Provinsi Jawa Tengah.[3] Ing gunung iki ana panggonan kanggo plesiran, jenengé Baturadèn.[4] Akèh-akèhé saka Kutha Purwokerto kanggo minuju menyang Baturadèn.[5] Gunung Slamet ya iku gunung kang dadi tujuan ékspedisi para pendaki.[4] Para pendaki iku ora mung saka Purwokerto waé nanging uga saka Kutha-kutha liyané.[4] Gunung iki duwé kawasan alas Dipterokarp Bukit, alas Dipterokarp ndhuwur, alas Montane, lan Alas Ericaceous utawa alas gunung. Aktivitas pungkasan ya iku nalika sasi Mèi 2009 lan nganti Juni isih ngetoké lava pijar.[3]
Jalur Pendakian
[besut | besut sumber]
Jalur pendakian standar ya iku saka Bambangan, Désa Kutabawa, Kacamatan Karangreja, Purbalingga.[1] Jalur populer liyané ya iku saka Baturradèn.[5] Pendakian Gunung Slamet lumayan angél amarga mèh ana ing sedawané dalan rute pendakian ora ana tuk, yèn ana iku mung combéran.[2] Mula saka iku pendaki disaranaké supaya gawa ombénan dhéwé yèn arep ndaki.[4] Faktor liya kang sok dadi masalah ya iku kabut.[4] Kabut ana ing Gunung Slamet gampang teka lan ora tetep tekané lan kabuté uga kandél.[4] Yèn liwat jalur bambangan, masalah banyu ngombé ora dadi masalah lah rada gampang.[2] Ana ing pos v utawa ana ing pos Samhyang rangkah ana kali cilik kang panggone ana ing sakngisoré pos v.[2] Saliyané rute bambangan, uga ana rute pendakian saka Dukuhliwung.[2] Saka pos 1 nganti tekan pos 5 ya iku pucuk mbutuhaké wektu antarané 8jam lan ana tuk ing pos 2 lan 3.[2] Utawané uga bisa ndaki saka obyek wisata padusan banyu anget Guci, rute pendakian saka guci iki jalur terjal lan ora rata.[3] Nanging sesawangan ana ing sakdawané dalan iki luwih istimewa dibandingaké karo rute liyané.[3] Sesawangan alam ing rute guci iki isih alami lan isih asli.[3] Rute iki bisa diwiwiti saka kutha Tegal banjur ngidul tumuju kutha Slawi, liwat Lebaksiu, Yomani lan lumebu ana ing dataran dhuwur Tuwel.[1]
Deleng uga
[besut | besut sumber]Cathetan suku
[besut | besut sumber]- ↑ a b c www.mediaindonesia.com Archived 2011-05-25 at the Wayback Machine. (Dipuntingali tanggal 28 Mèi 2011)
- ↑ a b c d e f banyumasnews.com Archived 2010-12-02 at the Wayback Machine. (Dipuntingali tanggal 28 Mèi 2011)
- ↑ a b c d e berita.liputan6.com (Dipuntingali tanggal 28 Mèi 2011)
- ↑ a b c d e f www.indospiritual.com Archived 2011-06-29 at the Wayback Machine. (Dipuntingali tanggal 28 Mèi 2011)
- ↑ a b regional.kompas.com (Dipuntingali tanggal 28 Mèi 2011)