Cygnus
| CYGNUS | |
|---|---|
 | |
| Cekakan | Cyg |
| Genitif | Cygni |
| Asensio rekta | 20.62 |
| Deklinasi | 42.03 |
| Area | 804 derajad pesagi (#16th) |
| Lintang utama | 9 |
| Lintang Bayer/Flamsteed | 84 |
| Lintang mawa planèt | 57 |
| Lintang padhang | 4 |
| Lintang cedhak | 1 |
| Lintang paling padhang | Deneb (α Cyg) (1.25m) |
| Lintang paling cedhak | 61 Cyg ( tc) |
| Obyèk Messier | 2 |
| Udan météor | October Cygnids Kappa Cygnids |
| Rasi lintang sing wewatesan | Cepheus Draco Lyra Vulpecula Pegasus Lacerta |
| Katon antara lintang 90° lan −40°. Katon paling cetha ing wektu 21.00 jroning sasi September. ' | |
Cygnus (/[unsupported input]ˈsɪɡnəs/) inggih punika salah satunggaling jinis rasi lintang ingkang mapan wonten ing belahan langit sisih lor, caket kaliyan galaksi Bimasekti. Cygnus inggih saking basa Yunani kanggé angsa. Cygnus inggih punika salah satunggal rasi lintang ingkang dipundhaptar déning astronom Yunani, Ptolemy ing abad kaping kalih, lan rasi lintang punika ugi kalebet salah satunggal saking 88 rasi lintang modhérn ingkang dipundhapter déning International Astronomical Union. Rasi lintang punika katingal kados gulu ingkang dawa saking manuk kanthi sewiwi ingkang mbikak amba.
Lintang-lintang
[besut | besut sumber]Rasi lintang Cygnus gadhah laladan ingkang ambanipun kirang langkung 804 drajat persegi lan ngewrat enem lintang ingkang dipunmangertosi minangka planit-planit. Rasi lintang punika mapan wonten ing garis lintang antawisipun 90° lan-40° lan ingkang saé piyambak dipuntingali ing wekdal jam 9 dalu ing salebeting sasi September.
Cygnus ngewrat asterisme ingkang pokok, garis ping ing sisih lor maujud saking lintang ingkang padhang piyambak ing rasi lintang punika.
Lintang ingkang padhang piyambak wonten ing Cygnys inggih punika alpha Cygni utawi Deneb (buntutipun), ingkang ugi kalebet sangalas lintang ingkang padhang piyambak ing langit.[1] Deneb inggih punika super raksasa kanthi cahya biru ngantos pethak ingkang minangka tandha buntutipun angsa lan salah satunggaling lintang ing segitiga summer, sesarengan kaliyan alpha Aquilae, Altair lan alpha Lyrae, Vega. Gamma Cgni utawi Sadr [2](dadanipun) mapan wontne ing punjering garis ping ing lor lan dipunkiteri déning nebula ingkang ngaco, inggih punika IC 1318, ingkang ugi dipunmangertosi minangka Gamma Cygni region. Lintang punika ngewrat super raksasa jene ngantos pethak. Delta Cygni ingkang ugi dipunmangertosi minang Rukh ing basa Pèrsi, utawi Urakhga ing basa Akkadia inggih lintang ingkang gadhah magnitudo tiga sasampunipun roc. Lintang punika kalebet lintang rangkep tiga ingkang tebihipun kirang langkung 170 taun cahya.
Cygnus taksih kalebet kulawarga rasi lintang Hercules, sesarengan kaliyan rasi lintang Hercules, Sagitta, Aquila, Lyra, Vulpecula, Hydra, Sextans, Crater, Corvus, Ophiuchus, Serpens, Scutum, Centaurus, Lupus, Corona Australis, Ara, Triangulum Australe lan Crux. Déné rasi lintang ingkang wonten ing sakitering Cygnus inggih punika rasi lintang Cepheus, Draco, Lyra, Vulpecula, Pegasus lan Lacerta.[3]