Basic Instinct
| Basic Instinct (1992) | |
|---|---|
 | |
| Disutradarani | Paul Verhoeven |
| Diprodhuseri | Mario Kassar dan Alan Marshall |
| Ditulis déning | Joe Eszterhas |
| Dibintangi | Sharon Stone, Michael Douglas, George Dzundza, Jeanne |
| Dimusiki | Jerry Goldsmith |
| Sinématografi | Jan de Bont |
| Dibesut déning | Frank J. Urioste |
| Dibabar déning | TriStar Pictures |
Tanggal metu | 20 Maret 1992 |
Suwéné | 105 menit |
| Nagara |  Amérika Sarékat |
| Basa | Bahasa Inggris |
| Rantaman | $49,000,000 |
| Kalarisan | $352,927,224 |
Basic Instinct yaiku filem thriller detektif sing dibumboni kanthi unsur misteri, klasik, lan érotisme. Filem garapané sutradara Paul Verhoeven iki diparagakaké déning Sharon Stone, Michael Douglas, George Dzundza, lan Jeanne. Awit dibabar ing taun 1992, filem iki dadi salah sawijné filem sing paling kontroversial nganti taun 1993. Kepara ing wiwitan taun 2000 ésih rame dadi pawicaran jalaran nalika kuwi Sharon Stone bener-bener lagi misuwur, ditambah sakperangan potongan adhégan sing kagolong panas.[1][2][3][4]
Ingkang maragani
[besut | besut sumber]Latar wuri
[besut | besut sumber]Basic Instinct dadi kontroversial antarané taun 1992 nganti taun 1993, kapara nganti wiwitan dasawarsa 2000-an ésih ramé dadi parembugan. Iku ora liya saka anané paraga wanita, Sharon Stone, salah sawijiné paraga sing wektu kuwi lagi misuwur, kanthi bayaran sing dhuwur banget. Mula lumrah yèn wong-wong utawa juru warta tansah meruhi samubarang sing lagi dilakokké déning Stone. Film Basic Instinct bener-bener gawè sènsasi wektu kuwi. Meh kabèh stasiyun télévisi lan kalawarta panglipur sadonya nedhakaké pawartané, ngrembug, maido, nanging ya ana sing ngacungi jempol.[5]
Salah sijiné sing paling diéling-éling para pamirsa filem iki yaiku adhéngan nalika Sharon Stone ana ing ruwang interogasi ngadhepi para pulisi. Ing pérangan iki, dhèwèké lungguh tanpa nganggo cawet. Ndeleng kaya ngono kuwi, para pulisi ujug-ujug plonga-plongo antara pracaya utawa ora, sinambi ngeleg idu. Adhégan iki pungkasané asring didadèkké parodi, ing filem biyoskup, utawa humor panggung, karikatur, adicara télévisi, lan liya-liyané. Adhégan liyané kang ngundang kontroversi yaiku kadadéan nalika Sharon Stone matèni kurbané nganggo piranti mecah es. Sawisé nglakoni cumbana, wong lanangeédisiksa sakmatiné kanthi kejem. Sajatiné, adhéégan-adhégan mau ndadèkké filem kuwi saya diéling-éling.
Kaya déné filem-filem kontroversi liyané, Basic Instinct uga ngetokké versi liya yaiku rated, sing isiné adhégan panas lan rudapeksa sing gawé gègèr. Sing kapindho unrated, luwih nggegirisi lan luwih panas tinimbang saka rated. Sapérang adegan sing wis dipedhot ing versi rated dikatonké ing versi iki. Film iki dimot paket DVD sarta ditambahi nganggo adhégan sing ora katon ing filem.[6]
Ringkesan
[besut | besut sumber]Wiwitané saka Katherine Tramel (Sharon Stone) sing didarani matèni pacangé, sawijiné pengusaha lan mantan penyanyi rock. Detektif Nick Curran (Michael Douglas), njaluk katrangan marang Katrin lan nggolèk sisik melik bab dhèwèké. Amarga pawakané Catherine sing merak ati, Nick banjur dhemen marang dhèwèké. Antarané nalar lan nepsu bentrok ing atine Nick, sawatara kurban-kurban terus nambah.
Deleng uga
[besut | besut sumber]Pranala njaba
[besut | besut sumber]- ↑ "Indosiar, diakses 16 Feb 2015". Diarsip saka sing asli ing 24 September 2015. Dibukak ing 26 April 2017.
- ↑ Leistedt, Samuel J.; Linkowski, Paul (January 2014). "Psychopathy and the Cinema: Fact or Fiction?". Journal of Forensic Sciences. American Academy of Forensic Sciences. 59 (1): 167–174. doi:10.1111/1556-4029.12359. PMID 24329037. Dibukak ing January 17, 2014.
- ↑ "Dr. Fredricks Cinema Therapy Blog-Narcissistic personality disorder". Dr. Randi Fredricks, Ph.D. Diarsip saka sing asli ing 2013-09-15. Dibukak ing 2014-04-18.
- ↑ "A Conversation with Sharon Stone" from the Basic Instinct: Ultimate Edition DVD (Lions Gate Home Entertainment, 2006).
- ↑ Daun Hijau, diakses 16 Feb 2015
- ↑ Silverant, diakses 16 Feb 2015
 | Artikel filem iki minangka artikel rintisan. Kowé bisa ngéwangi Wikipédia ngembangaké. |