Puotigal
| Puotigiis Ripoblik República Portuguesa | |||
| |||
| A Portuguesa | |||
| |||
| Jinaral Infamieshan | |||
| Kiapital: | Lizban | ||
| Ofishal langwij: | Puotigiis | ||
| Adminischrieshan | |||
| Govament: | Yuniteri semi-prezidenshal ripoblik | ||
| • Prezident: | Aníbal Cavaco Silva | ||
| • Praim Minista: | António Costa | ||
| Ieria: | 92 391 km² | ||
| Papilieshan: | 10 562 178 | ||
| Densiti: | 114,3 | ||
| Adaels sitn | |||
| Koransi: | |||
| Kaalin kuod: | 351 | ||
| ISO 3166 kuod: | 620 / PRT / PT | ||
| Intanet TLD: | .pt | ||
Puotigal de ina di Aibiirian Peninsiula ina di soutwes a Yuurop. Di kiapital a Puotigal niem Lizban. Ide di muos wes dah di wuola di mienlan konchridem ina Yuurop ah ab baada pah di Atlantik Uoshan a di wes ah sout, ah Spien a di naat ah iis. Di Atlantik aachipelago a di Iezuorz ah Madiera a paat a Puotigal tu.
Di lan, we tide niem Puotigal, eh-sekl uoliip sens di prii-istarik taim. Frah prii-istarik kolcha, kantak wid di Finiishandem, di Ruomandem, di Joermanik inviejandem, di pachiz a di Vandal ah Alandem, di Muzlim Muorish inviejan a Ispania, di 8t senchri wid di kangka a di Kristian-Joermanik kindomdem, an deh enop a akiupai muos a di Aibiirian Peninsiula. Ina di 1100z, wen di Kristian "Reconquista" ena-gwaan, Puotigal eh-komiin laka se a wah indipendant konchri. Lieta, ina 1249, Puotigal tek aalmuos di wuola di baada we dem ab tide wen deh kangka i frah di Muordem. Ina di 15t ah 16t senchri, fi Puotigal gluobal empaya eh-ingkluud terichri ina Afrika, Ieja, ah Sout Amoerka. Puotigal eh wan a di wol mieja, ikanamik, palitikal, ah milichri powa. Ina di 17t senchri di Puotigiis Restarieshan Waar wid Spien, hen fidem "Aibiirian Yuunian" (1580-1640). Di 1755 Lizban oertkwiek, ina di 19t senchri, kanflik wid di French ah Panishdem, ah di laas a deh bes terichri, Brazil, eh-kaaz uoliip a prablem fi Puotigal. Foerdamuo, Puotigal eh-giwe fideh laas terichri, we niem Makau (Puotigiis: Macau), tu di Chainidem ina 1999.
Puotigal a wah divelop nieshan wid wah ai Yuuman Divelopment Index ah a di 14t muos piisful, di 13t muos gluobalaiz nieshan, an a di 19t ayis kualiti a laif ina di wol. I aalso ab di luoys GDP ina di Wes a Yuurop. Puotigal a memba a di Yuropiyan Yuunian, foundin memba a di Latn Yuunian, di Aaganizieshan a Ibero-Amoerkan Stiets, di Aaganizieshan fi Ikanamik Kaaparieshan ah Divelopment, Naat Atlantik Chriiti, Komiuniti a Konchri we Chat Puotigiis (Puotigiis: Comunidade dos Países de Língua Portuguesa), ah Yuurozuon.
.svg)