Spjall:Umhverfisfræði

Vitlausir tenglar

Samsvarar umhverfisfræði ekki frekar "environmental studies" (sem er fræðigrein sem rannsakar samspil manns og náttúru) þar sem "environmental sciences" samsvarar frekar orðinu "umhverfisvísindi" Logiston (spjall) 22. október 2024 kl. 22:23 (UTC)

Umhverfis- og auðlindafræði = environmental studies; umhverfisfræði = environmental science? --Akigka (spjall) 22. október 2024 kl. 23:10 (UTC)

Altsvo, fræði og vísindi eru samheiti á íslensku. Oft er endingin -fræði notuð í heiti einstakra vísindagreina (sbr. eðlisfræði, líffræði, sálfræði, læknisfræði), en -vísindi í safnheitum (sbr. hugvísindi, félagsvísindi, heilbrigðisvísindi, lífvísindi). Akigka (spjall) 22. október 2024 kl. 23:12 (UTC)

Þetta er samt ekki algilt. Til dæmis er oft talað um málvísindi fremur en málfræði í merkingunni linguistics af því málfræði getur líka átt við grammar. Svo fræði/vísindi getur líka verið aðferð til að greina sig frá annarri merkingu sama orðs. --Akigka (spjall) 22. október 2024 kl. 23:15 (UTC)

Er þetta gisk eða staðhæfing? Mín þýðing á umhverfisvísindum og umhverfisfræði kemur úr enskri-íslenskri orðabók. Það er líka frekar þversagnakennt að halda því fram að tvö viðskeyti (-fræði og -vísindi) séu samheiti og síðan útskýra muninn á þeim. Logiston (spjall) 23. október 2024 kl. 00:24 (UTC)

gott og vel. hvaða orðabók? og hvernig rímar það við sambærilegar kennslugreinar í hí, hr og lbhí? orð geta verið samheiti (haft sömu merkingu) þótt þau séu notuð í ólíku samhengi, var það sem ég átti við. Akigka (spjall) 23. október 2024 kl. 01:01 (UTC)

Ég vildi bara benda á að það er ekkert óvenjulegt við að þýða environmental science sem umhverfisfræði, en það gæti samt verið rétt hjá þér að umhverfisvísindi sé hin viðtekna þýðing meðal vísindafólks á þessu sviði (það virðist ekki alveg samræmi í orðanotkun: sjá t.d. [1], [2], [3]). Akigka (spjall) 23. október 2024 kl. 09:19 (UTC)

Kemur frá enskri-íslenskri orðabók eftir Sverri Hólmarsson, Christopher Sanders og John Tucker, endurskoðuð 2009. Rímar ekkert sérstaklega við háskólanna enda er það ekki endilega markmið Wikipediu.

Námsbrautir eins og umhverfis- og auðlindafræði í HÍ samsvara engri einni fræðigrein í sjálfu sér (enda er því lýst sem þverfræðilegu námi, þ.e. bókstaflega samansett af mörgum fræðigreinum). Logiston (spjall) 23. október 2024 kl. 20:54 (UTC)

Það er satt, enda nefnist það environment and natural resources á ensku. en:Environmental studies-greinin virðist samt eiga sér mjög fáar samsvarandi greinar á öðrum málum (andstætt en:environmental science) svo hugsanlega er þessi aðgreining síður mikilvæg í öðrum löndum en Bandaríkjunum. Það er til líf- og umhverfisvísindastofnun við HÍ, en líka doktorsnám í umhverfisfræði. Mætti kannski spyrja eitthvað fagfólk. Orðabókin eftir þá félaga er dálítið komin til ára sinna, þótt hún hafi verið endurskoðuð (en það sama gæti raunar gilt um færsluna í Íðorðabókinni). Akigka (spjall) 23. október 2024 kl. 21:43 (UTC)