Fríverslunarsamtök Evrópu

Löndin sem eru aðilar að Fríverslunarsamtökum Evrópu Merki EFTA.
Aðildarríki	Ísland Liechtenstein Noregur Sviss
Höfuðstöðvar	Genf
Leiðtogar  - Framkvæmdastjóri	Henri Gétaz Sviss
Flatarmál  - Alls	529.600 km²
Fólksfjöldi  - Samtals (2012)  - Þéttleiki	13.389.956 100.6/km²
VLF  - Samtals (2011)  - VLF á mann	$623,5 milljarðar $44.828
Stofnun  - EFTA-sáttmálinn	3. maí 1960 4. janúar 1960
Gjaldmiðlar aðildarríkja	Íslensk króna (ISK) Norsk króna (NOK) Svissneskur franki (CHF)
Tímabelti	UTC 0/ 1

Fríverslunarsamtök Evrópu (EFTA) eru alþjóðasamtök fjögurra ríkja. Meðlimir eru Ísland, Liechtenstein, Sviss og Noregur. Samtökin voru stofnuð þann 3. maí árið 1960 þegar Stokkhólmssamningurinn svonefndi var undirritaður í Stokkhólmi. Tilgangur samtakanna var og er að stuðla að frjálsri verslun milli landanna en auk þess að vera ákveðið mótvægi við hið nýlega stofnaða Evrópubandalag. Öll ríkin eiga aðild að EES nema Sviss en þar í landi var inngöngu hafnað með þjóðaratkvæðagreiðslu. Höfuðstöðvar samtakanna eru í Genf í Sviss.

Saga

Sjö ríki komu að stofnun samtakanna árið 1960. Finnland gekk í EFTA árið 1961 og Ísland árið 1970. Danmörk og Stóra-Bretland sögðu sig úr EFTA til þess að ganga í Evrópubandalagið árið 1973. Portúgal fylgdi í humátt árið 1986. Austurríki, Finnland og Svíþjóð gengu í Evrópusambandið árið 1995 og sögðu sig því úr EFTA.

Land	Stofnaðili	Innganga	Úrsögn
Austurríki	Já		1995
Danmörk	Já		1973
Finnland	Nei	1961	1995
Ísland	Nei	1970
Liechtenstein	Nei	1991
Noregur	Já
Portugal	Já		1986
Stóra-Bretland	Já		1973
Sviss	Já
Svíþjóð	Já		1995

Ísland og EFTA

Ísland gekk í EFTA þann 5. mars 1970. Fyrsti fastafulltrúi fyrir hönd landsins var Einar Benediktsson.

Tengill

• Heimasíða EFTA
• Heimasíða íslenska utanríkisráðuneytisins um EES-samninginn
• Umfjöllun um EFTA, á heimasíðu Evrópusamtakanna
• Morgunblaðsfrétt: Ísland í EFTA í gær, 6.mars 1970

  Þessi stjórnmálagrein er stubbur. Þú getur hjálpað til með því að bæta við greinina.