Pedro Álvares Cabral
Pedro Álvares Cabral | ||
![]() | ||
Profesiono: | deskovristo | |
Lando: | Portugal | |
Naskodato: | 1466, 1467 | |
Nasko-loko: | Belmonte, Portugal | |
Mortodato: | 1519 | |
Morto-loko: | Santarém, Portugal | |
Pedro Álvares Cabral (1467 o 1468 til 1520 o 1526) esis Portugalana nobelo, navigisto ed exploristo. On konsideresas olu kom la deskovrinto di Brazilia ye 22 di aprilo 1500.
Cabral naskis en l'urbo di Belmonte, Beira Baixa, Portugal. Ilu esis filiulo di Fernão Cabral e Isabel de Gouveia de Queirós. Ilu mariajis Isabel de Castro. Posible il havis bona konocajo di navigado e granda experienco kom maristo. Pro lo rejulo Manuel 1ma konsideris ilu kompetenta por prolongigar la verko di Vasco da Gama.
Voyajo
[redaktar | redaktar fonto]Cabral recevis la komando di 13 navi e 1500 homi. Ye 9 di marto 1500 l’expedicionala floto di dek-e-tri navi, di qua Pedro Cabral esis la komandanto, departis de Lisboa. La skopo esis voyajar ad India por komercar pri spici ed establisar komercala relati en India. Li iris per nova voyo, cirkum la sudo di Afrika, savita pro la voyajo di Vasco da Gama, qua retrovenabis a Portugal de India en 1499.
Pos departar de Kabo Verda, la floto navigis en la suda Atlantiko sud-weste, fore de Afrika, pro navigala tekniko. Ye 22 di aprilo un monto esis videbla (ol recevis la nomo Monte Pascoal) e li atingis nekonocata lando, quan li exploris til 2 di mayo. Cabral deklaris ke la lando esas posedajo di Portugal, e nomizis ol l’Insulo di la Vera Kruco (Ilha de Vera Cruz). Il ne savis ke il esas ye la marobordo di Sud-Amerika, e la posedajo plu tarde divenis Brazilia. En eventoza expediciono (dum qua plura navi perdesis), Cabral atingis India ye 13 di septembro ube il negociis komercala aferi, e fine arivis en Portugal en somero di 1501. La rezultanta interesi di Portugal pri Sud-Amerika, e pri estala komerco, esis duriva.