Mariner 10
Mariner 10 esis l'unesma kosmosondilo qua vizitis Merkuro.
Ol lansesis ye la 3ma di novembro 1973, ed ye la 29ma di marto 1974 ol atingis maxim proximeso a la planeto, ye disto 703 km. Atingar orbito cirkum Merkuro esis neposibla pro olua proximeso a la Suno; ol pasis la planeto trifoye, intertempe flugante cirkum la Suno; la lasta paso esis ye la 16ma di marto 1975. To esis l'unesma foyo di utiligo di la gravitado di planeti por chanjar flugovoyo.
Dum la preterpaso ye marto 1974 (l'unesma de la tri pasi), Mariner 10 prenis fotografuri qui montris ke la surfaco di Merkuro esas quale la Luno; instrumenti montris ke surfacala temperaturi esas minime -183C e maxime 187C, e ke ol havas febla magnetala feldo.