LSD
LSD, o LSD-25 esas abreviuro di lisergik-acido dietilamido* (Germane: Lysergsäure-diethylamid), potenta halucinigiva drogo qua intensigas emoci, pensadi e sensala percepti. En granda dozi, ol stimulas halucini vidala ed audala. Olua kemiala formulo esas C20H25N3O. Ol sintezesis unesmafoye en 1938, da Suisa ciencisto Albert Hofmann, de substanco konocata kom ergotino, qua extraktesas de sekal-ergoto. Hofmann deskovris lua propraji psikodelika* en 1943, ed en 1947, laboratorio Sandoz komencis vendar ol, sub komercala nomo Delysid. Dum la yari 1950a, on pensis ke LSD povus uzesar por kontrolar la mento, e kom kemial armo, pro to facesis sekreta probi kun militisti e studenti. Lua uzo amuzala da yunaro dum la yari 1960a stimulis lua proskripto. Ol nun uzesas kun intenci amuzala o spiritala, ma kelka landi, exemple Suisia, permisis experimenti pri lua uzo kom medikamento.
L'efekti di LSD komencas 30 minuti pos ingesto, e povas durar dum 20 hori.