Gaza-strio
Gaza-strio (en l'Arabiana: Kita` Gaza - قطاع غزة, en la Hebrea: Retzu'at 'Aza - רצועת עזה ), tale nomesas segun l'urbo Gaza sud-weste de Israel. Gaza-strio kun Cisjordania esas parto di Palestina, olime nomizite Palestinana teritorii. La regiono konquestesis da Israel en 1967 dum la Sis-dia milito e kom konsequantajo di la paco-konkordo transdonesis a la Palestinan Autoritato qua depos 1994 guvernas la regiono, precipue habitata da Palestinani.
Gaza-strio havas surfaco de cirkume 360 km² e havas frontiero kun Israel, Egiptia e la Mediteraneo. Olua maxim important urbi esas Gaza, Rafa, Abasan, Kan Yunis e Dayr al Bala. La litoro longesas cirkume 40 km, la frontiero kun Egiptia cirkume 12 km e la frontiero kun Israel longesas cirkume 59 km.