Forejo
Forejo esas planto, o mixuro di planti, kultivita por lua vejetala parti (folii, stipiti, eventuale radiko, exkluzite frukti e grani) qua uzesas sive en fresha stando sive konservita, ordinare pos sikigado, por nutrar bestii domestika, exemple bovi, kunikli, porki, edc. Ol povas produktesar sive en farmeyi, sive en industrii.
Forejala industrio produktis cirkume 873 milion tuni di foreji en 2011. Kelka kompozanti de foreji, exemple maizo, ank uzesas por homala nutrivo.
