Ekonomio di Grekia
| Ekonomio di Grekia | ||
|---|---|---|
| Pekunio | Euro | |
| Internaciona organizuri | MOK, Europana Uniono, OKED, BSEC | |
| Statistiki [1] | ||
| Totala nacionala produkturo (TNP) | US$ 314 427 milioni (2021) | |
| Rango TNP | 55ma[2] maxim granda | |
| Kresko di TNP | 8,43% (2021) | |
| TNP po persono | US$ US$ 29 500 | |
| TNP segun sektoro | agrokultivo 4,1%, industrio 16,9%, servadi 79% | |
| Inflaciono | 1,22% (2021) | |
| Habitantaro sub la povreso-lineo | 17,9% (2018) | |
| Laboro-povo | 4 619 000 (2021) | |
| Laboro-povo segun okupado | agrokultivo 12,6%, industrio 15%, servadi 72,4% (2015) | |
| Chomeso | 14,8% (2021) | |
| Komercala parteneri [1] | ||
| Exportaci (US$) | 87 521 milioni (2021) | |
| Precipua parteneri | Italia 10%, Germania 7%, Turkia 5%, Chipro 5%, Bulgaria 5% (2019) | |
| Importaci (US$) | 103 532 milioni (2021) | |
| Precipua parteneri | Germania 11%, Popul-Republiko Chinia 9%, Italia 8%, Irak 7%, Rusia 6%, Nederlando 5% (2019) | |
| Publika financi [1] | ||
| Extera debo | 506,6 miliardi (2016) | |
| Revenuo totala (US$) | 97,99 miliardi (2017) | |
| Spenso totala (US$) | 96,35 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Grekia esas developita lando, e la bazo di lua ekonomio esas servadi (cirkume 80%) ed industrio (16%), kontre ke agrokultivo reprezentis cirkume 4% de la TNP en 2017.[1]. La lando havis la 55ma maxim granda ekonomio de la mondo.[1] Lua maxim multa internaciona komerco (exportaci e importaci) eventas kun altra landi del Europana Uniono. Lua TNP po persono esas 2/3 de mezavaloro dil altra membri di EU.[1]
Turismo reprezentas 15% de Greka TNP, e la publika sektoro preske 40%. La lando exportacas nutrivi, tabako, kemiala e metala produkturi, produkturi ek petrolo, stofi, e vestaro. En 2013, la lando esis la maxim granda exterlanda kolokanto en Albania, la 3ma maxim granda exterlanda kolokanto en Bulgaria, un ek la 3 maxim granda kolokanti en Rumania e Serbia, e la maxim granda komercala konsorto ed exterlanda kolokanto en Norda Makedonia.[3]
Inter 2000 e 2004 Greka ekonomio kreskis mezavalore 4% omnayare pro granda publika spenso kun l'organizo dil Olimpiala Ludi en Athina. La lando recevis ekonomiala helpo de UE, qua reprezentas cirkume 3,3% de lua TNP. Publika debo, inflaciono e chomeso superiras la mezavaloro de l'altra membri di UE.[1]
Pos 2009 la lando subisabas grava problemi pro l'internaciona ekonomiala krizo. En 2010 lua TNP diminutis per 4,5%.[1] De 2009 til 2016 ol diminutis 46%, e de 2010 til 2016 la TNP per persono diminutis 51,4%.
Referi
[redaktar | redaktar fonto]- ↑ 1,0 1,1 1,2 1,3 1,4 1,5 - The World Factbook - Publikigita da CIA. URL vidita ye 8ma di aprilo 2023.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Autoro: Mustafa Aydin, Kostas Ifantis. Turkish-Greek Relations: The Security Dilemma in the Aegean Publikigita da Taylor & Francis. Dato di publikigo: 28ma di februaro 2004. Pagino/pagini: 266–267. URL vidita ye 27ma di mayo 2013. Idiomo: Angla.
Segun on povas lektar en la texto: second largest investor of foreign capital in Albania, and the third largest foreign investor in Bulgaria. Greece is the most important trading partner of the Former Yugoslav Republic of Macedonia.