Azumino
Azumino (安曇野市 Azumino-shi) esas urbo situita en centrala Nagano-prefektio, en la regiono Chūbu di Japonia.
Ye 1ma oktobro 2016, la urbo havis evaluita habitantaro 95.308 e populo-denseso 287 personi po km2. Olua tota areo esis 331,78 km2.
Nomo
[redaktar | redaktar fonto]Azumino esas kombinuro de du vorti, "Azumi" e "no". "Azumi" devenas del Azumi-populo, qui supozeble movis a la "no" (planajo) dum anciena tempi. La Azumi-populo originale habitis norda Kyushu, ed esis famoza pro sua habileso pri peskado e navigado. "La Azumi-populo" esas tradukebla kom "la populo qua habitas sur la maro." La motivo pro quo la marala populo migris a ta montoza regiono esas misterio.
Historio
[redaktar | redaktar fonto]La areo di hodiala Azumino esis parto dil anciena Provinco Shinano. L'areo esis parto de la Matsumoto-Domeno dum la Edo-periodo. La moderna urbo Azumino establisesis ye 1ma oktobro 2005 per kombino dil urbo Akashina, la urbi Hotaka e Toyoshina, e vilaji Horigane e Misato.
Geografio
[redaktar | redaktar fonto]Azumino situesas en la Azumino-Platajo ye la norda endo* di la Matsumoto-Baseno, inter du monto-kateni weste ed este. La monto-kateno an la westala frontiero konocesas kom la Norda Alpi (Hida-Monti) ed esas populara che promeneri de omna parti di Japonia. Sude esas la urbo Matsumoto, duesma maxim granda urbo di Nagano-prefektio. Norde jacas la urbo Ōmachi, e norde de Ōmachi esas la vilajo Hakuba. Hakuba esis la loko di multa ski-eventi dum la Vintro-Olimpiala Ludi di 1998. Monto Jōnen ye 2857 metri esas la max alta en la urbo.