Arica
| Arica | ||
| ||
| Kelk imaji pri Arica. | ||
|
| |
| Standardo | Blazono | |
| Lando: |  Chili
| |
| Regiono: | Arica e Parinacota | |
Informo:
| ||
| Fondita ye: | 25ma di aprilo 1541 | |
| Latitudo: | 18°28'43" S | |
| Longitudo: | 70°18'19" W | |
| Altitudo: | 2 m | |
| Surfaco: | 4 799,4 km² | |
| Habitanti: | 221 364 (2017) | |
| Denseso di habitantaro: | 51,5 hab./km² | |
| Disto de Santiago: | 2069[1] km | |
| Horala zono: | UTC-4 | |
| Urbestro: | Gerardo Espíndola Rojas (PL) | |
Mapo:
| ||
| ||
Oficala retosituo:
| ||
| www.municipalidaddearica.cl/ | ||
San Marcos de Arica, konocata simple kom Arica, esas urbo en Chili, e chef-urbo di regiono Arica e Parinacota. Segun statistiki de 2017, ol havis 221 364 habitanti. Lua tota surfaco esas 4.799,4 km².
Jacanta norde de la lando, ol distas 2069 kilometri norde de Santiago, ma nur 18 kilometri sude de la frontiero kun Peru. Ol funcionas kom libera portuo por Bolivia, e ligesas a Tacna en Peru ed a La Paz en Bolivia per ferovoyi internaciona.
Turisti surnomizis ol "urbo dil eterna printempo", pro sua agreabla vetero. Depos la 8ma di oktobro 2007, ol divenis chef-urbo di la regiono Arica e Parinacota. Ol esas sideyo dil Universitato di Tarapacá, qua kreesis en 1981 per fuzo dil Universitato di Chili, e l'Universitato Katolika di la Nordo (Universidat Católica del Norte).
Geografio
[redaktar | redaktar fonto]
Diferanta de multa litorala urbi di Chili, ma simile a multa litorala urbi de la sudo di Peru, Arica konstruktesis sur plana regiono qua posibligis l'expanso urbala. Lua mezavalora altitudo esas 2 metri sur marala nivelo. Fluvio San Jose, qua nur debushas an l'oceano dum somero, trairas la urbo. Dum pluvoz epoki ol transportas multa sedimenti, ed olua aqui esas obskura. Sude del urbo jacas kolino ek sedimentala roki, nomizita Hispane Morro de Arica. Cikondanta ol jacas 13 quarteri.
La klimato dil urbo esas arida subtropikala (BWhn segun la klimatala klasifikuro da Köppen), tamen ol rare havas extrema temperaturi dum la tota yaro. La mezavalora temperaturo en julio ed agosto (vintro) esas 16°C, kontre ke la mezavalora temperaturo en februaro - la maxim varma monato de la somero - esas 22,8°C.
La mezavalora pluvo-quanto yarala esas nur 2,3 mm, tamen l'atmosferala humideso esas alta, simila ad equatorala foresti, pro la proximeso di la litoro.
Referi
[redaktar | redaktar fonto].jpg)