2 Pallas
La asteroido Pallas (simbolo: .svg){kind=small}
) esas un de la maxim granda en la asteroido-zono. Pro ke ol esas la duesma asteroida deskovrita, ol havas nomo 2 Pallas.
Ol esis deskovrata da Heinrich Wilhelm Matthias Olbers ye 28 di marto 1802. Il esis mediko ed amatora astronomo en Bremen. Pallas esis la duesma asteroida deskovrita, pos Ceres qua esis trovita en 1801 da Giuseppe Piazzi. Olbers, esforcante vidar Ceres, remarkis altra vicina objekto, qua esis Pallas. La diametro di ca asteroido esas 544 km; la orbito esas multe inklinata de la ekliptiko, en qua la orbiti di la altra planeti situesas, ed ecentrika, do vizitar ol per kosmosondilo esus desfacila.