2021
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
2021 (MMXXI per Romala algarismi) esas la 21ma yaro di la 3ma yarmilo e di la 21ma yarcento, e la 2ma yaro di la yari 2020a. Segun Gregoriala kalendario, ca yaro komencis ye venerdio. Katolik-eklezio proklamis 2021 la yaro di Santa Iosefus.
Pro la pandemio di COVID-19, l'Olimpiala Ludi, qua eventus en Tokyo dum la yaro 2020, ajornesis por eventar de la 23ma di julio til la 8ma di agosto ca yaro. Anke la Paralimpiala Ludi di 2020, qui eventus de la 25ma di agosto til la 6ma di septembro 2020 ajornabis, e fakte eventis erste de la 24ma di agosto til la 5ma di septembro 2021. Altra eventi ajornita en 2020, exemple legifala elekti en Hong Kong, ank eventis ca yaro.
La pandemio di COVID-19
[redaktar | redaktar fonto]Ye la 2ma di januaro, la mutaco VOC-202012/01 de la viruso COVID-19, deskovrita unesmafoye en l'Unionita Rejio, ja deskovrabis en 33 altra landi en tota mondo, inkluzite Pakistan, Sud-Korea, Suisia, Taiwan, Norvegia, Japonia, India, Kanada, Dania, Francia, Germania, Islando e Popul-Republiko Chinia.[1] Ca mutaco esas plu kontagioza kam l'originala viruso, tamen on deskovris ke la vacini qui komencis uzesar dum la fino di 2020 ank esas efikiva kontre ol. Usa, Israel, Popul-Republiko Chinia ed altra landi komencabis vacinizar lia habitanti en decembro 2020. Ye la 12ma di februaro 2021, entote 216 170 000 homi, o 0,94% ek tota habitantaro mondala, ja vacinizabis per 10 diferanta vacini. Tamen, la procento di vacinizo varias segun la quanto di habitanti di singla lando, exemple: til la 12ma di februaro Unionita Araba Emirii vacinizabis 50,9% ek lua habitantaro, Israel vacinizabis 42,55%, e Bolivia, Equador, Egiptia ed altri vacinizabis min kam 0,01% ek lua habitantaro.
Ye la 17ma di aprilo, la morto-statistiko pro COVID-19 superiras 3 milion personi en tota mondo.[2] Ye la 29ma di aprilo, la quanto di personi kontaminita dal koronaviruso superiris 150 milioni en tota mondo.[3]
L'unesma vacini kontre COVID-19 komencis developesar ja en 2020, ed en decembro ca yaro l'unesma dozi ja aplikabis en Usa, Rusia ed en altra landi. Un yaro pose, en decembro 2021, 239 274 656 personi, o 72,1% de la habitantaro di Usa, ja recevabis la du dozi di vacini.[4] En tota mondo, 56,1% del individui ja recevabis adminime 1 dozo di vacino kontre COVID-19 en decembro, 8,51 miliardi dozi ja uzabis, e 36,5 milion individui esis vacinizita omnadie.[5] De la komenco di la pandemio til la 14ma di decembro 2021, 271 232 200 individui infektesis per COVID-19, di qui 5 331 866 mortis.[6] En novembro deskovresis nova mutaco dil viruso, qua baptesis kom omicron. L'unesma kazi deskovresis en Sudafrika, e rapide deskovresis ke ol esas plu kontagiiva kam antea mutaci.[7] En Germania, pro l'expanso di la mutaco omicron, riadoptesis plu intensa restrikti, exemple kancelar la celebri por la Nov-Yaro en publika loki, e la devo pri uzo di maskili en butiki ed en publika transporti.[8]
Klimato ed ambiento
[redaktar | redaktar fonto]Segun artiklo publikigita ye la 25ma di januaro da jurnalo The Cryosphere, Tero perdabis 28 bilioni di tuni di glacio de 1994 til 2017, e to augmentis marala nivelo per 34,6 ±3,1 milimetri.[9] Ye la 7ma di aprilo, Usan agenterio NOAA (National Oceanic and Atmospheric Administration) informis ke la koncentri di karbobioxo che atmosfero esis plu alta kam irgatempe de la pasinta 3,6 milion yari, to esas, de Plioceno, kande marala nivelo esis 24 milimetri plu alta kam nun. Segun la sama raporto, la mezavalora temperaturo di la planeto esas 4°C plu alta kam la mezavalora temperaturi di la planeto ante Industriala Revoluciono.[10]
Ye la 14ma di julio komencis serio di violentoza inundadi en Europa, nome en Germania, Luxemburgia, Belgia, Nederlando ed anke Suisia, pos rekordo di pluvego. Adminime 70 personi mortis, di qui 58 en Germania. Ye la 15ma di julio, 200 mil habitanti di Liège mustis evakuesar, nam existis risko pri rupto di digo che rivero Maas.[11] Proxim Limburg, Maas atingis lua maxim alta nivelo en plu kam 100 yari. Entote, plu kam 200 personi mortis pro l'inundadi.
Ye la 21ma di julio en Popul-Republiko Chinia eventis la maxim intensa pluvegi en 60-yara historio. Segun la nacionala meteorologiala servado Chiniana, che urbo Zhengzhou falis 617,7 milimetri di pluvo en 24 hori. La pluvegi efektigis inundadi qui produktis adminime 12 morti en la urbo, ed en la provinco Henan plu kam 10 mil personi mustis evakuesar de lia domi.[12] Ank existas risko pri rupto dil aquofalo Yihetan, ye la sama regiono.[12] Che stato Maharashtra, en India, la pluvegi komencis ye la 22ma di julio, e divenis la maxim intensa pluvego en 40 yari.[13] Til la 28ma di julio li produktis 251 morti e cirkume 100 plusa homi desaparinta.
Altralatere, che biomo* Pantanal, en Brazilia, segun previdado da meteorologiisti, la sikeso dum la vintro di 2021 (junio til septembro) esos plu intensa kam en 2020, lor la maxim intensa sikeso en 47-yara historio. On kredas ke fairi povos produktar plua destrukturo kam l'antea yaro.[14] La maxim granda sikeso en preske 1 yarcento en multa stati de sud-estala e centro-westala regioni minacis la produktado di elektro en Brazilia,[15][16] nam preske 2/3 del elektro produktata en la lando havas hidroelektrala origino.
Alta temperaturi en julio ed agosto efektigis granda incendii en sudal Europa, nome en Portugal, Hispania, Norda Macedonia e Grekia, ed ank en Turkia.[17] Segun Turka guvernerio, l'incendii en forestala proxim Mediteraneo esas la maxim mala de la historio di la lando.[18] En Grekia, la regioni maxim afektata esas Atika, Olimpia, Mesenia, e l'insulo Euboea, ube fairego minacas lokala monakeyo.[19]
En Brazilia, pluvegi komencinta ye la 7ma di decembro frapis diversa municipi en la nordo dil stato Minas Gerais e sudo dil stato Bahia. Multa municipi dekretis urjanteso-situaciono pro la granda quanto di personi qui perdis lia domi, e pro destrukto di chosei, izolinta diversa loki.[20] En Minas Gerais, la pluvegi komencis en oktobro, e til la 12ma di decembro 5 personi mortis, 1979 personi perdis komplete lia domi e plusa 9 565 personi ne povis retroirar a lia domi.[21] En Bahia, segun statistiki publikigita ye la 30ma di decembro ja esis 25 morti, 517 plusa homi vundita, 163 urbi afektita, di qui 151 esis en urjanta situaciono. Adminime 643 068 personi afektesis da inundadi, di qui 91 806 mustis abandonar lia domi, e 37 035 personi perdis komplete lia habiteyi.[22]
Ye la 2ma di marto 2023, Usana jurnalo Science publikigis artiklo montranta ke incendii en boreala foresti - qui ordinare reprezentas 10% del emiso globala di CO2 - reprezentis 23% de globala emisi di ca polutanto en 2021. To esis la maxim alta chifro depos la yaro 2000.[23]
Eventi
[redaktar | redaktar fonto]1ma semestro
[redaktar | redaktar fonto]- 1ma di januaro - Pakto kreanta l'Areo di Libera Komerco de Kontinental Afrika efikeskas.[24]
- 4ma di januaro - Britaniana judiciisto impedas l'extrado di Julian Assange ad Usa, samatempe kam Mexikia ofras politikal azilo a lu.[25]
- 6ma di januaro - En Usana stato Georgia eventas la duesma votado por elektar du senatani. La du reprezenteri de Demokrata partiso, Raphael Warnock e Jon Ossoff, vinkas l'elekto ibe.[26]
- 6ma di januaro - Turbo di simpatieri di Usana prezidanto Donald Trump invadas l'edifico dil Kongreso Usana probante impedar sesiono qua konfirmus la vinko di Joe Biden kom prezidanto. Dum la konflikto inter manifestanti e la polico, muliero pafesas e pose mortas che hospitalo. Vitri de fenestri di la kongreso krevesas dal invaderi.[27]
- 9ma di januaro - Aviono Boeing 737 de kompanio Sriwijaya Air transportanta 62 personi desaparas de radaro quar minuti pos departar del aeroportuo di Jakarta.[28]
- 10ma di januaro - Forta vintrala tempesto en Japonia produktas adminime 8 morti e 240 plusa homi vundita.[29]
- 11ma di januaro - Deputati de Demokrata partiso duesmafoye prizentas akuzo-proceso kontre Donald Trump, cafoye pro incito a revolto.[30] L'akuzo aprobesas dal deputati ye la 13ma di januaro, per 232 yes-voti kontre 197 no-voti e 4 absentesi.
- 15ma di januaro - La quanto di mortinti pro COVID-19 en tota mondo superiras 2 milion personi.
- 17ma di januaro - En Sao Paulo, Brazilia, komencas vacinizo kontre COVID-19, uzanta vacino developita tra koopero kun Popul-Republiko Chinia.
- 20ma di januaro - Joe Biden divenas prezidanto di Usa.
- 21ma di januaro - En Usa, la quanto di mortinti pro COVID-19 superiras la quanto di Usana soldati mortinta dum la duesma mondomilito.[31]
- 1ma di februaro - Stato-stroko en Myanmar revokas Aung San Suu Kyi e restauras militarala diktaktoreso.[32]
- 4ma di februaro - Usana prezidanto Joe Biden anuncas suspendo di vendo di armi a Saudi-Arabia ed Unionita Araba Emirii uzata dum l'interna milito di Yemen.
- 7ma di februaro - En India, glaciero ruptas che Himalaya ed efektigas terglitado ed inundado, qua destruktas aquobarilo e produktas adminime 3 morti e plu kam 150 plusa homi desaparinta.[33]
- 7ma di februaro - En Equador eventas l'unesma votado dum prezidantal elekti. Andrés Arauz e Gillermo Lasso konkurencos duesmafoye ye la 11ma di aprilo.
- 9ma di februaro - Kosmoprobilo Hope, del Unionita Araba Emirii, sucese eniras l'orbito di Marso.[34]
- 18ma di februaro - En Marso, robotala vehilo Perseverance de NASA tervenas che kratero Jezero, pos 7-monata voyajo. Un ek la skopi di la misiono - qua anke uzas robotala helikoptero Ingenuity - esas deskovrar se ulatempe Marso havis vivanta enti.[35]
- 22ma di februaro - La morto-statistiko pro COVID-19 en Usa superiras 500 mil personi.
- 25ma di februaro - La morto-statistiko pro COVID-19 en tota mondo superiras 2,5 milion personi.
- 26ma di februaro - Usana prezidanto Joe Biden lansas aeral atako kontre Siriana milici suportita da Iran.[36]
- 26ma di februaro - Abubakar Vagayev divenas championo dil ACA en kategorio ad 77 kg.
- 6ma di marto - Papo Franciskus renkontras la grand-ayatolo Ali al-Sistani en Najaf, Irak. Unesmafoye en la historio ula papo renkontras ula ayatolo.
- 23ma di marto - Transportonavo Ever Given acidentale blokusas kanalo di Suez dum 6 dii, til la 29ma di marto. L'obstrukto dil kanalo afektas tota komerco mondala.[37]
- 4ma di aprilo - Ciklono Seroja frapas l'insulo Timor, e produktas adminime 167 morti en Indonezia e plusa 42 morti en Estal Timor.[38]
- 11ma di aprilo - Eventas la duesma prezidantala votado en Equador, e Guillermo Lasso vinkas Andrés Arauz per 52,36% ek la valida voti.
- 28ma di aprilo - Adminime 55 personi mortas e plu kam 50 mil plusa homi diplasesis en la maxim serioza frontierala konflikto di central Azia, inter Kirgizistan e Tajikistan.[39]
- 29ma di aprilo - Popul-Republiko Chinia lansas l'unesma modulo di lua kosmostaciono Tiangong che Terala orbito.
- 30ma di aprilo - En Meron, Israel, adminime 45 personi mortas dum amas-fugado eventinta dum la celebro Lag BaOmer. To esas la maxim mortigiva civila dizastro en la historio di la lando[40].
- 8ma di mayo - Povoza explozi exter skolo por puerini en Kabul, Afganistan, produktas adminime 50 morti e plura plusa homi vundita.[41]
- 11ma di mayo - Israel bombardas Gaza per aeral ataki, pos ke fuzei lansita da Hamas frapas Israelana teritorio. L'ataki da Hamas komencis pos ke Israelani komencis diplasar Palestinani de Est-Ierusalem.
- 31ma di mayo - Eventas parlamental elekti en Somalilando.
- 2ma di junio - Eventas prezidantal elekto en Israel, ed Isaac Herzog vinkas.
- 9ma di junio - Uhnaagiyn Hürelsüh elektesas prezidanto di Mongolia en elekto eventinta ca dio.
- 11ma di junio til la 11ma di julio - Eventas futbalo-championkonkurso UEFA Euro 2020 inter 24 nacionala futbalo-esquadi Europana. En la lasta partio, Italia vinkas Anglia per 3x2 en konkurso di maxima puniso.
- 24ma di junio - Rezidala edifico krulas en Miami, Florida e produktas adminime 46 morti.[42][43]
- 28ma di junio - Milito di Tigray: rebeli siejas Mekele, chef-urbo di Tigray, poke pos ke Etiopiana guvernerio deklaris pafo-ceso.
- 29ma di junio - Ca dio, la quanto di personi vacinizita kontre COVID-19 en tota mondo superiris 3 miliardi.[44]
2ma semestro
[redaktar | redaktar fonto]- 7ma di julio - Jovenel Moïse, prezidanto di Haiti, asasinesas en ilua domo.[45]
- 11ma di julio - Mili di Kubani, la maxim multa ek li yuni, partoprenas protesto en San Antonio de los Baños pro l'indijo di medikamenti e nutrivi, rezultinta del epidemio di COVID-19.
- 12ma di julio - Eventas tumulti en Sudafrika pos l'aresto dil ex-prezidanto Jacob Zuma.
- 16ma di julio - Muslim Magomedov divenis championo dil ACA en kategorio ad 93 kg.
- 19ma di julio - Privata kompanio Blue Origin, fondita da Jeff Bezos, probas sucese lua fuzeo riuzebla.
- 21ma di julio - L'Internaciona Olimpiala Komitato anuncas Brisbane kom sideyo dil Olimpiala Ludi dil yaro 2032.[46]
- De la 23ma di julio til la 8ma di agosto - L'Olimpiala Ludi qui eventus en Tokyo de la 24ma di julio til la 9ma di agosto 2020 eventas dum ca periodo.
- 28ma di julio - Ter-tremo kun forteso 8.2 che skalo di Richter frapas la litoro di Alaska.[47]
- 28ma di julio - Granda incendii en Turkia produktas 8 morti.[48]
- 4ma di agosto - La quanto di kazi di COVID-19 konfirmata en tota mondo superiras 200 milioni.
- 5ma di agosto - Che regiono Tigray, rebeli siejas Lalibela, loko deklarita Patrimonio di la Homaro da UNESKO.
- 14ma di agosto - Ter-tremo kun forteso 7.2 segun la skalo di Richter frapas Haiti e produktas adminime 1300 morti, e 5700 plusa homi vundita.[49][50]
- 14ma di agosto - En Afganistan, Talibani siejas Gardez, Asadabad, Maymana, Mihtarlam, Nili, Sharana e Mazar-i-Sharif; la guvernerio di la lando anuncas formaco di transito-guvernerio.
- de la 24ma di agosto til la 5ma di septembro - Eventas en Tokyo la 16ma Paralimpiala Ludi.
- 26ma di agosto - Suocidanta atako per bombo-homi che aeroportuo di Kabul, Afganistan, produktas adminime 183 morti, di qui 170 civili Afganistanana e 13 Usana militisti.[51][52]
- 5ma di septembro - En Guinea, prezidanto Alpha Condé revokesas per stato-stroko ed arestesas.
- 7ma di septembro - Salvador divenas l'unesma lando en la mondo qua aceptas bitcoin kom valuto.
- 15ma di septembro - Pakto surnomizita "AUKUS", kreesis inter Usa, Unionita Rejio ed Australia, por kontreagar l'influo di Popul-Republiko Chinia. Ol posibligos Australia krear lua unesma nukleara submara navo.
- 26ma di septembro - Eventas parlamentala elekti en Germania, e Social-Demokrati vinkas konservema koalisuro CDU/CSU, qua suportis kancelerino Angela Merkel.[53][54]
- 4ma di oktobro - Fumio Kishida divenas la 100ma chefministro di Japonia.
- 6ma di oktobro - Mondal Organizuro pri Saneso aprobas l'unesma vacino kontre malario.[55]
- 9ma di oktobro - Pos esar akuzita pri korupto, kancelero Sebastian Kurz de Austria renuncas.[56]
- 15ma di oktobro - Italian areala kompanio Alitalia cesas existar pos 75 yari. Ol sucedesas da nova statala kompanio Italia Trasporto Aereo.
- 25ma di oktobro - En Sudan, militisti kaptas povo per stato-stroko. Chefministro Abdalla Hamdok arestesas. Prezidanto Abdel Fattah al-Burhan anuncas urjanteso-situaciono e dissolvas la guvernerio.[57]
- 1ma di novembro - La quanto di mortinti en tota mondo pro COVID-19 superiras 5 milion individui.[58]
- 25ma di novembro - Unionita Rejio divenas la 4ma lando qua superiras 10 milion individui infektita da COVID-19, dop Usa, India e Brazilia.
- 30ma di novembro - Barbados divenas republiko, ye la 55ma aniversario di lua nedependo.[59]
- 6ma di decembro - Usa anuncas boikoto a Vintrala Olimpiala Ludi, qui eventos en Beijing en 2022, pro problemi pri homala yuri en Popul-Republiko Chinia.
- 12ma di decembro - Eventas plebicito pri la nedependo di Franca teritorio Nova-Kaledonia, kun la partopreno di 43,9% de la personi qui darfis votar. La nedependo rejektesis per 98,49% ek la voti. Separatisti boikotis la plebicito.[60]
- 16ma til la 17ma di decembro - Tifono Rai frapas Filipini e produktas adminime 375 morti, adminime 500 plusa homi vundita, e granda destruktado.[61]
- 19ma di decembro - Eventas legifal elekti en Hong Kong, qui mustis eventar ye la 6ma di septembro 2020, ma ajornesis pro la pandemio di COVID-19.
- 19ma di decembro - Eventas la duesma votado por prezidanto en Chili. Gabriel Boric, kandidato de sinistra, vinkas per 55,87% de la valida voti, kontre 44,13% por José Antonio Kast, de extrema dextra.[62]
- 25ma di decembro - NASA, e kosmala agenterii Europana (ESA) e Kanadana, e l'inquesto-instituto Space Telescope Science Institute lansas Kosmala Teleskopo James Webb, por sucedar Kosmala Teleskopo Hubble.[63]
Naski
[redaktar | redaktar fonto]Morti
[redaktar | redaktar fonto]- 1ma di januaro - Elmira Minita Gordon, generala guvernisto di Belize (n. 1930)[64]
- 2ma di januaro - Modibo Keita, 8ma chefa ministro di Mali (n. 1942)[65]
.jpg)
- 4ma di januaro - Martinus Justinus Godefriedus Veltman, Nederlandana fizikisto, Nobel-laureato (n. 1931)[66]
- 5ma di januaro - Cornelis George Boeree, Nederlandan-Usana psikologiisto, kreinto di Lingua Franca Nova (n. 1952)
- 14ma di januaro - Günter Anton, Germana Idisto (n. 1929)
- 16ma di januaro - Phil Spector, Usana muzikal entraprezisto e kondamnito por hom-ocido (n. 1939)
- 23ma di januaro - Larry King, Usana televiziono-prizentisto (n. 1933)[67]
- 24ma di januaro - Gunnel Lindblom, Sueda aktorino (n. 1931)
- 28ma di januaro - Paul J. Crutzen, Nederlandana ciencisto, Nobel-laureato (n. 1933)[68]
- 2ma di februaro - Edward Babiuch, chefministro di Polonia (n. 1927)
- 5ma di februaro - Christopher Plummer, Kanadan aktoro (n. 1929)[69]
_IMGP8025.jpg)
- 9ma di februaro - Chick Corea, Usana jazo-muzikisto (n. 1941)[70]
- 10ma di februaro - Thomas Gamkrelidze, Gruziana linguisto (n. 1929)[71]
- 14ma di februaro - Carlos Saúl Menem, ex-prezidanto di Arjentinia (n. 1930)
- 16ma di februaro - Gustavo Noboa, ex-prezidanto di Equador (n. 1937)[72]
- 26ma di februaro - Michael Somare, chefministro di Papua-Nova-Guinea (n. 1936)
- 17ma di marto - John Pombe Magufuli, prezidanto di Tanzania (n. 1959)
- 22ma di marto - Petr Brdička, Chekoslovakiana hokeisto (n. 1947)
- 23ma di marto - George Segal, Usana cinem-aktoro (n. 1934)[73]
- 28ma di marto - Didier Ratsiraka, prezidanto di Madagaskar (n. 1936)
- 29ma di marto - Bashkim Fino, chefministro di Albania (n. 1962)
_(2).jpg)
- 31ma di marto - Kamal Ganzouri, chefministro di Egiptia (n. 1933)
- 1ma di aprilo - Isamu Akasaki, Japoniana fizikisto, Nobel-laureato (n. 1929)[74]
- 4ma di aprilo - Robert Mundell, Kanadan ekonomikisto, Nobel-laureato (n. 1932)[75]
- 14ma di aprilo - Yıldırım Akbulut, chefministro di Turkia (n. 1935)[76]
- 18ma di aprilo - Richard Schmid, Usana piktisto (n. 1934)
- 28ma di aprilo - Federico Salas, chefa ministro di Peru (n. 1950)
- 4ma di mayo - Simon Achidi Achu, chefministro di Kamerun (n. 1934)[77]
- 6ma di mayo - Humberto Maturana, Chiliana ciencisto (n. 1928)
- 8ma di mayo - Lee Han-dong, chefministro di Sud-Korea (n. 1934)[78]
- 21ma di mayo - Tahir Salahov, Sovietiana-Azerbaijana piktisto (n. 1928)[79]
_(4).jpg)
- 27ma di mayo - Poul Schlüter, chefministro di Dania (n. 1929)[80]
- 3ma di junio - Anerood Jugnauth, prezidanto e chefministro di Maurico (n. 1930)[81]
- 6ma di junio - Ei-ichi Negishi, Japoniana kemiisto, Nobel-laureato (n. 1935)
- 14ma di junio - Enrique Bolaños, prezidanto di Nikaragua (n. 1928)
- 17ma di junio - Kenneth Kaunda, prezidanto di Zambia (n. 1924)
- 24ma di junio - Benigno Aquino III, prezidanto di Filipini (n. 1960)
.jpg)
- 24ma di junio - Trần Thiện Khiêm, chefministro di Sud-Vietnam (n. 1925)
- 26ma di junio - Mir Hazar Khan Khoso, chefministro di Pakistan (n. 1929)
- 30ma di junio - Bonfoh Abass, provizora prezidanto di Togo (n. 1948)
- 6ma di julio - Patrick John, chefministro di Dominika (n. 1938)
- 7ma di julio - Jovenel Moïse, prezidanto di Haiti[45] (n. 1968)
- 7ma di julio - Carlos Reutemann, Arjentinian automobilisto e politikisto (n. 1942)
- 14ma di julio - Mamnoon Hussain, prezidanto di Pakistan (n. 1940)[82]
- 19ma di julio - Arturo Armando Molina, prezidanto di Salvador (n. 1927)[83]
- 21ma di julio - Claude Bonin-Pissarro, Franca piktisto (n. 1921)
- 23ma di julio - Steven Weinberg, Usana fizikisto, Nobel-laureato (n. 1933)[84]
- 25ma di julio - Otelo Saraiva de Carvalho, Portugalana politikisto e militisto (n. 1936)[85]
- 26ma di julio - Albert Bandura, Kanadan-Usana psikologo (n. 1925)
- 3ma di agosto - Arthur Dion Hanna, generala guvernisto di Bahama (n. 1928)
- 5ma di agosto - Yevhen Marchuk, chefministro di Ukraina (n. 1941)[86]
- 9ma di agosto - Lester Bryant Bird, chefministro di Antigua e Barbuda (n. 1938)[87]
- 14ma di agosto - Carlos Correia, chefministro di Guinea-Bisau (n. 1933)[88]
- 15ma di agosto - Gerd Müller, Germana futbalisto (n. 1945)[89]
- 15ma di agosto - Abdelhamid Brahimi, chefministro di Aljeria (n. 1936)
- 24ma di agosto - Hissène Habré, chefa ministro e prezidanto di Chad (n. 1942)[90]
- 24ma di agosto - Charlie Watts, Angla muzikisto (The Rolling Stones) (n. 1941)
- 25ma di agosto - Mohsin Ahmad al-Aini, chefa ministro di Yemen (n. 1932)
- 27ma di agosto - Edmond Henri Fischer, Suis-Usana biokemiisto, Nobel-laureato (n. 1920)[91]
- 29ma di agosto - Ed Asner, Usan aktoro (n. 1929)[92]
- 29ma di agosto - Lee "Scratch" Perry, Jamaikana muzikala produktisto e kantisto (n. 1936)
- 29ma di agosto - Jacques Rogge, Belga seglobatelisto, prezidanto dil Internaciona Olimpiala Komitato (n. 1942)
- 5ma di septembro - Jiří Hainý, Chekoslovakiana hokeisto (n. 1927)
- 6ma di septembro - Jean-Paul Belmondo, Franc aktoro (n. 1933)[93]
- 6ma di septembro - Michael Kenneth Williams, Usan aktoro, dansito e film-produktisto (n. 1966)
- 10ma di septembro - Charles Konan Banny, chefa ministro di Ivora Rivo (n. 1942)[94]
- 10ma di septembro - Jorge Sampaio, prezidanto di Portugal (n. 1939)[95]
- 16ma di septembro - Casimir Oyé-Mba, chefa ministro di Gabon (n. 1942)
- 16ma di septembro - Silas Atopare, generala guvernisto di Papua-Nova-Guinea (n. 1951)[96]
.jpeg)
- 17ma di septembro - Abdelaziz Bouteflika, prezidanto di Aljeria (n. 1937)[97]
- 16ma di septembro - Clive Sinclair, Britanian entraprezisto ed inventinto di mikrokomputatoro* ZX80 (n. 1940)
- 9ma di oktobro - Abolhassan Banisadr, prezidanto di Iran (n. 1933)[98]
- 14ma di oktobro - Lee Wan-koo, chefministro di Sud-Korea (n. 1950)[99]
- 20ma di oktobro - Mihaly Csikszentmihalyi, Hungara-Usana psikologiisto (n. 1934)
- 26ma di oktobro - Roh Tae-woo, prezidanto di Sud-Korea (n. 1932)[100]
- 29ma di oktobro - Clément Mouamba, chefa ministro di Republiko Kongo (n. 1943)[101]
- 31ma di oktobro - Catherine Tizard, generala guvernisto di Nova-Zelando (n. 1931)
- 5ma di novembro - Marília Mendonça, Braziliana kantistino (n. 1995)[102]
- 6ma di novembro - Cissé Mariam Kaïdama Sidibé, chefministro di Mali (n. 1948)[103]
- 11ma di novembro - Frederik Willem de Klerk, prezidanto di Sudafrika (n. 1936)[104]
- 22ma di novembro - Kim Friele, Norvegiana skrptisto, politikisto e HBTI-aktivisto (n. 1935)
- 23ma di novembro - Chun Doo-hwan, diktatoro di Sud-Korea (n. 1931)[105]
- 23ma di novembro - James Fitz-Allen Mitchell, chefministro di Santa Vincent e Grenadini (n. 1931)[106]
- 28ma di novembro - Norodom Ranariddh, chefministro di Kambodja (n. 1944)[107]
- 29ma di novembro - Kinza Clodumar, prezidanto di Nauru (n. 1945)[108]
- 3ma di decembro - Lamine Diack, Senegalana entraprezisto ed atleto, prezidanto di la Federuro Internaciona pri Atletismo (n. 1933)[109]
- 6ma di decembro - Kåre Willoch, chefministro di Norvegia (n. 1928)[110]
- 7ma di decembro - Mustafa Ben Halim, chefministro di Libia (n. 1921)[111]
- 8ma di decembro - Robbie Shakespeare, Jamaikana muzikisto (Sly & Robbie) (n. 1953)
- 9ma di decembro - Otar Patsatsia, chefministro di Gruzia (n. 1929)
.jpg)
- 10ma di decembro - Michael Nesmith, Usana kantisto e muzikisto (The Monkees) (n. 1942)
- 11ma di decembro - Anne Rice, Usana skriptisto (n. 1941)
- 12ma di decembro - Paulias Matane, generala guvernisto di Papua-Nova-Guina (n. 1931)
- 15ma di decembro - Fayez al-Tarawneh, chefministro di Jordania (n. 1949)
- 19ma di decembro - Robert Howard Grubbs, Usana kemiisto, Nobel-laureato (n. 1942)[112]
- 21ma di decembro - Carlyle Glean, generala guvernisto di Grenada (n. 1932)
- 23ma di decembro - Joan Didion, Usana skriptisto e jurnalisto (n. 1934)
- 25ma di decembro - Wayne Thiebaud, Usana piktisto (n. 1920)[113]
_(headshot).jpg)
- 26ma di decembro - Desmond Tutu, Anglikana episkopo Sudafrikana, Nobel-premiizito pri paco (n. 1931)[114]
- 26ma di decembro - Karolos Papoulias, prezidanto di Grekia (n. 1929)[115]
- 31ma di decembro - Betty White, Usan aktorino e komediistino (n. 1922)
Nobel-premiiziti
[redaktar | redaktar fonto]- Fiziko: Syukuro Manabe, Klaus Hasselmann, Giorgio Parisi[116]
- Kemio: Benjamin List, David William Cross MacMillan[117]
- Fiziologio o Medicino: David Julius, Ardem Patapoutian[118]
- Literaturo: Abdulrazak Gurnah[119]
- Paco: Maria Ressa, Dmitry Muratov[120]
- Ekonomiko: David Card, Joshua Angrist e Guido Imbens[121]
Referi
[redaktar | redaktar fonto]- ↑ More contagious COVID-19 strain identified in 3 states and 33 countries: What to know - Publikigita da USA Today. URL vidita ye 2ma di januaro 2021. Idiomo: Angla.
- ↑ Covid-19 deaths pass three million worldwide - Publikigita da BBC News. Dato di publikigo: 17ma di aprilo 2021.
- ↑ Worldwide COVID-19 cases pass 150 million - Publikigita da Medical Press. Dato di publikigo: 30ma di aprilo 2021. Idiomo: Angla.
- ↑ COVID-19 Vaccinations in the United States - Publikigita da Centers for Disease Control and Prevention - CDC. URL vidita ye 14ma di decembro 2021. Idiomo: Angla.
- ↑ Coronavirus (COVID-19) Vaccinations - Publikigita da Our World in Data. URL vidita ye 14ma di decembro 2021. Idiomo: Angla.
- ↑ COVID-19 Live Updater - Publikigita da WorldOmeter. URL vidita ye 14ma di decembro 2021.
- ↑ Update on Omicron - Publikigita da World Health Organization. Dato di publikigo: 28ma di novembro 2021.
- ↑ Germany toughens Covid restrictions as Omicron variant takes hold - Publikigita da The Guardian. Dato di publikigo: 27ma di decembro 2021. Idiomo: Angla.
- ↑ Autoro: Thomas Slater, Isobel R. Lawrence, Inès Otosaka, Andrew Shepherd, Noel Gourmelen, Livia Jakob, Paul Tepes, Lin Gilbert, Peter Nienow. Review article: Earth's ice imbalance Dato di publikigo: 25ma di januaro 2021. Pagino/pagini: 233-246.
- ↑ Despite pandemic shutdowns, carbon dioxide and methane surged in 2020 - Publikigita da National Oceanographic and Atmospheric Administration. Dato di publikigo: 7ma di aprilo 2021. Idiomo: Angla.
- ↑ Floods in Germany and Other Parts of Western Europe Leave at Least 40 Dead - Publikigita da The New York Times. Dato di publikigo: 15 July 2021. URL vidita ye 15ma di julio 2021. Idiomo: Angla.
- ↑ 12,0 12,1 Maior chuva em 60 anos prende passageiros em metrô e mata 12, na China - Publikigita da UOL. URL vidita ye 21ma di julio 2021.
- ↑ 40-Year Record For Maharashtra Rain, At Least 36 Dead - Autoro: Gupta, Saurabh. Publikigita da NDTV. Dato di publikigo: 23ma di julio 2021. URL vidita ye 28ma di julio 2021.
- ↑ PANTANAL VIVE NOVA SECA, CHAMAS JÁ CONSOMEM O BIOMA E QUEIMADAS PODERÃO SUPERAR AS DE 2020 - Publikigita da Dinâmicas Sul-Sur. URL vidita ye 21ma di julio 2021. Idiomo: Portugalana.
- ↑ Brazil warns of energy crisis with record drought - Publikigita da Al-Jazeera. Dato di publikigo: 1ma di septembro 2021. Idiomo: Angla.
- ↑ Brazil’s Drought Pressures Power Grid, Boosting Case for Renewables—and Fossil Fuels - Publikigita da The Wall Street Journal. Dato di publikigo: 11ma di oktobro 2021.
- ↑ Incêndios ameaçam termelétrica na Turquia e assolam a Grécia - Autoro: AFP. Publikigita da UOL. Dato di publikigo: 5ma di agosto 2021.
- ↑ Turkish wildfires are worst ever, Erdogan says, as power plant breached - Publikigita da Reuters. Dato di publikigo: 4ma di agosto 2021. URL vidita ye 5ma di agosto 2021.
- ↑ Greece fires: 150 houses destroyed by wildfires as monks refuse to leave stricken island - Dato di publikigo: 5ma di agosto 2021. Idiomo: Angla.
- ↑ Cidades do sul da Bahia registram alagamentos pelo 4° dia seguido; algumas localidades estão sem energia elétrica - Publikigita da G1. Dato di publikigo: 11ma di decembro 2021. Idiomo: Portugalana.
- ↑ Chuvas em MG deixaram quase 10 mil desalojados desde outubro - Publikigita da Folha de S.Paulo. Dato di publikigo: 13ma di decembro 2021.
- ↑ Bahia tem 25 mortes e 151 cidades em situação de emergência após chuvas - Publikigita da UOL. Dato di publikigo: 30ma di decembro 2021. Idiomo: Portugalana.
- ↑ Record-high CO2 emissions from boreal fires in 2021 - Autoro: Bo Zheng, Philippe Cials, ed altri. Publikigita da Science. Dato di publikigo: 2ma di marto 2023. Pag.: 912-917 Idiomo: Angla.
- ↑ Summary of the key decisions and declarations of the 31st African Union Summit - Publikigita da African Union. Dato di publikigo: 6ma di julio 2018. URL vidita ye 17ma di septembro 2019.
- ↑ UK judge blocks Julian Assange extradition - Publikigita da DW. Dato di publikigo: 4ma di januaro 2021. Idiomo: Angla.
- ↑ Democratas vencem na Geórgia e serão maioria no Senado dos EUA - Publikigita da UOL. Dato di publikigo: 6ma di januaro 2021. Idiomo: Portugalana.
- ↑ Congresso é invadido por ato pró-Trump em sessão que confirmaria Biden - Publikigita da UOL. Dato di publikigo: 6ma di januaro 2021.
- ↑ Sriwijaya Air Boeing 737 passenger plane feared to have crashed in Indonesia - Publikigita da BBC. Dato di publikigo: 9ma di januaro 2021. Idiomo: Angla.
- ↑ Fuerte tormenta invernal dejó al menos 8 muertos y 240 heridos en Japón - Autoro: Europa Press. Publikigita da EL NACIONAL. Dato di publikigo: 10ma di januaro 2021. Idiomo: Hispana.
- ↑ Los demócratas lanzan otro ‘impeachment’ contra Trump por incitar a la insurrección - Publikigita da La Vanguardia. Dato di publikigo: 11ma di januaro 2021. Idiomo: Hispana.
- ↑ Comparing death tolls from COVID-19 to past wars is fraught - Publikigita da Grand Forks Herald. Dato di publikigo: 7ma di februaro 2021. Idiomo: Angla.
- ↑ Military takes control of Myanmar; Suu Kyi reported detained - Publikigita da ABC. URL vidita ye 1ma di februaro 2021.
- ↑ Rompimento de geleira no Himalaia deixa mortos na Índia - Publikigita da UOL. Dato di publikigo: 7ma di februaro 2021. Idiomo: Portugalana.
- ↑ Emirates Mars Mission: Hope spacecraft enters orbit - Publikigita da BBC News. Dato di publikigo: 9 February 2021. URL vidita ye 9ma di februaro 2021.
- ↑ ‘Perseverance’, maior missão a Marte da história, pousa no planeta vermelho e marca sucesso da NASA - Publikigita da El País. Dato di publikigo: 18ma di februaro 2021. Idiomo: Portugalana.
- ↑ Biden: Strikes in Syria sent warning to Iran to ‘be careful’ - Publikigita da Associated Press. Dato di publikigo: 26ma di februaro 2021.
- ↑ Navio carregado de contêineres bloqueia o canal de Suez depois de encalhar devido ao mau tempo - Publikigita da El País. Dato di publikigo: 24ma di marto 2021. Idiomo: Portugalana.
- ↑ Korban tewas siklon tropis Seroja jadi 167 orang - Publikigita da Anadolu Agency. URL vidita ye 4ma di aprilo 2021. Idiomo: Indoneziana.
- ↑ Death toll rises to 55 from Kyrgyz-Tajik border clashes - Autoro: Bahtiyar Abdülkerimov. Publikigita da www.aa.com.tr. Dato di publikigo: 5ma di mayo 2021. URL vidita ye May 9ma di mayo 2021.
- ↑ Tzvi, Joffre:Israel works to identify 45 killed in Lag Ba'omer Mount Meron stampede Nomo di la publikigo: The Jerusalem Post. Dato di publikigo: 30ma di aprilo 2021. Idiomo: Angla.
- ↑ Bombing Outside Afghan School Kills at Least 50, With Girls as Targets - Publikigita da The New York Times. Dato di publikigo: 8ma di mayo 2021. URL vidita ye 9ma di mayo 2021. Idiomo: Angla.
- ↑ Surfside Condo Collapse: At Least 1 Dead, 99 Unaccounted For; 55 Units Involved In Catastrophe - Publikigita da 4 CBS Miami. Dato di publikigo: 24ma di junio 2021. URL vidita ye 7ma di julio 2021. Idiomo: Angla.
- ↑ Número de mortos em desabamento de prédio na Flórida chega a 46 - Autoro: IstoÉ. Dato di publikigo: 7ma di julio 2021. Idiomo: {[pt.}}
- ↑ World passes three billion vaccine mark in race to contain Covid - Publikigita da France 24. Dato di publikigo: 29ma di junio 2021.
- ↑ 45,0 45,1 Assassinos do presidente haitiano eram mercenários 'profissionais', afirma embaixador nos EUA - Autoro: AFP. Publikigita da UOL. Dato di publikigo: 7ma di julio 2021. Idiomo: Portugalana.
- ↑ IOC elects Brisbane 2032 as Olympic and Paralympic host - Olympic News - Publikigita da International Olympic Committee. Dato di publikigo: 21ma di julio 2021. Idiomo: Angla.
- ↑ Alaskan coast 8.2 magnitude earthquake was the strongest one in decades, official says - Publikigita da CNN. Dato di publikigo: 29ma di julio 2021. URL vidita ye 30ma di julio 2021. Idiomo: Angla.
- ↑ Turkey wildfires: Eight dead as blazes sweep through tourist resorts
- ↑ Novo tremor atinge o Haiti após terremoto que deixou centenas de mortos - Publikigita da Folha de S.Paulo. Dato di publikigo: 14ma di agosto 2021. Idiomo: Portugalana.
- ↑ Haïti déplore un bilan dramatique de 1.300 morts après un puissant séisme - Publikigita da 24 Matins. Dato di publikigo: 16ma di agosto 2021. Idiomo: Franca.
- ↑ Kabul airport attack: What do we know? - Publikigita da BBC News. Dato di publikigo: 27ma di agosto 2021. Idiomo: Angla.
- ↑ Officials: Explosion at Kabul airport appears to be a suicide attack - Autoro: Kylie Atwood, Jim Sciutto, Barbara Starr. Publikigita da CNN. Dato di publikigo: 26ma di agosto 2021. Idiomo: Angla.
- ↑ German election results show Angela Merkel's party losing ground. But the far-right lost more. - Autoro: Andelman, David. Publikigita da NBC News. Dato di publikigo: 27ma di septembro 2021.
- ↑ Uncertain start to post-Merkel era after close German vote - Autoro: Moulson, Geir. Publikigita da Associated Press. Dato di publikigo: 26ma di septembro 2021.
- ↑ WHO endorses use of world's first malaria vaccine in Africa - Publikigita da The Guardian. Dato di publikigo: 6ma di oktobro 2021.
- ↑ Austrian Chancellor Sebastian Kurz resigns amid corruption allegations - Publikigita da Axios. URL vidita ye 9ma di oktobro 2021.
- ↑ Sudan's military takes power in coup, arrests prime minister - Publikigita da AP. Dato di publikigo: 25ma di oktobro 2021. URL vidita ye 25ma di oktobro 2021.
- ↑ The world has recorded 5 million COVID-19 deaths, but the real toll is likely more than double that - Dato di publikigo: 1ma di novembro 2021.
- ↑ Barbados announces plan to remove Queen Elizabeth as head of state next year - Publikigita da USA TODAY. Idiomo: Angla.
- ↑ El no a la independencia arrasa en Nueva Caledonia tras el boicot separatista al referéndum - Publikigita da El País. Dato di publikigo: 12ma di decembro 2021. Idiomo: Hispana.
- ↑ Philippines Super Typhoon Rai death toll surges - Publikigita da BBC. Dato di publikigo: 20ma di decembro 2021. Idiomo: Angla.
- ↑ Elecciones Chile 2021: Boric logra un contundente triunfo sobre Kast y es el presidente electo del país - Publikigita da BBC News. Dato di publikigo: 19ma di decembro 2021. Idiomo: Hispana.
- ↑ The Launch - Webb/NASA - Publikigita da NASA. URL vidita ye 22ma di decembro 2021.
- ↑ Dame Elmira Minita Gordon, trailblazing educator and first Governor-General, dead at 90 - Publikigita da BreakingBelizeNews.com. Dato di publikigo: 2ma di januaro 2021.
- ↑ Ex-Malian PM Modibo Keïta dies at 78 - Publikigita da Africa News.
- ↑ From University of Michigan: John D. MacArthur Professor Emeritus Martinus Veltman (1931-2021)
- ↑ Larry King Dead at 87 - Autoro: Daniel Kreps, RyanReed. Publikigita da Rolling Stone. Dato di publikigo: 23ma di januaro 2021. Idiomo: Angla.
- ↑ Max Planck Institute for Chemistry mourns the loss of Nobel Laureate Paul Crutzen - Publikigita da idw-online.de. Dato di publikigo: 29ma di januaro 2021.
- ↑ Christopher Plummer, Legendary ‘Sound of Music’ Star, Dies at 91
- ↑ Chick Corea, Jazz Pianist Who Expanded the Possibilities of the Genre, Dead at 79 - Publikigita da Rolling Stone. Dato di publikigo: 11ma di februaro 2021. Idiomo: Angla.
- ↑ გარდაიცვალა ენათმეცნიერი თამაზ გამყრელიძე - Publikigita da netgazeti. Dato di publikigo: 10ma di februaro 2021. Idiomo: Armeniana.
- ↑ Gustavo Noboa Bejarano, expresidente de Ecuador, falleció a los 83 años - Dato di publikigo: 16ma di februaro 2021. Idiomo: Hispana.
- ↑ George Segal, Leading Man of Lighthearted Comedies, Dies at 87 - Publikigita da The Hollywood Reporter. Dato di publikigo: 24ma di marto 2021. Idiomo: Angla.
- ↑ Nobel-Winning Sciencist Isamu Akasaki Dies at 92
- ↑ The Zeus Of Economics Has Died -
- ↑ Former PM, prominent Turkish politician Akbulut passes away at age of 86
- ↑ Décès de l'ancien premier ministre camerounais Simon Achidi Achu - Publikigita da VOA.
- ↑ Former PM Lee Han-dong dies at 87
- ↑ Скончался выдающийся художник, мэтр изобразительного искусства Таир Салахов - Publikigita da Trend.Az. Dato di publikigo: 21 May 2021.
- ↑ Poul Schluter, Danish Premier Who Introduced Krone Peg, Dies
- ↑ MAURITIUS FORMER PRIME MINISTER SIR ANEROOD JUGNAUTH DIES AGED 91 - Publikigita da Africa Global Village. Dato di publikigo: 3ma di junio 2021. Idiomo: Angla.
- ↑ Former president Mamnoon Hussain passes away in Karachi -
- ↑ Fallece expresidente salvadoreño Arturo Armando Molina, a los 93 años - Dato di publikigo: 19ma di julio 2021. Idiomo: Hispana.
- ↑ Nobel laureate Steven Weinberg passes away
- ↑ Morreu o capitão de Abril Otelo Saraiva de Carvalho - Dato di publikigo: 25ma di julio 2021. Idiomo: Portugalana.
- ↑ Помер колишній прем’єр-міністр України Євген Марчук - Idiomo: Ukrainana.
- ↑ Second PM of Antigua and Barbuda, Sir Lester Bird dies at 83 (Angla)
- ↑ Carlos Correia: Morreu o ex-PM guineense e dirigente do PAIGC Portugalana
- ↑ Bayern Munich & Germany legend Gerd Muller dies aged 75
- ↑ Chad's former president Hissène Habré dies at 79 - Publikigita da France 24. Dato di publikigo: 24ma di agosto 2021. Idiomo: Angla.
- ↑ Nobel Laureate Edmond H. Fischer 1920 - 2021 - Dato di publikigo: 29 August 2021.
- ↑ Ed Asner, Emmy-Winning 'Lou Grant' and 'Mary Tyler Moore Show' Star, Dies at 91 - Autoro: Carmel Dagan Natale, Carmel Natale, Richard Natale. Dato di publikigo: 29ma di agosto 2021.
- ↑ Mort de Jean-Paul Belmondo, le Magnifique du cinéma français - Publikigita da leparisien.fr. Dato di publikigo: 6ma di septembro 2021.
- ↑ Former I. Coast PM dies of coronavirus - Publikigita da Modern Ghana.
- ↑ Jorge Sampaio, who showed extent of Portuguese presidential powers, dies at 81 - Autoro: Reuters. Publikigita da www.reuters.com. Dato di publikigo: 10ma di septembro 2021.
- ↑ Former G-G passes on - Publikigita da Post Courier. Dato di publikigo: 22ma di septembro 2021.
- ↑ Algeria's former President Bouteflika dies at 84 - Publikigita da Reuters. Dato di publikigo: 18ma di septembro 2021.
- ↑ Former Iranian President Bani-Sadr dies in Paris - Publikigita da Reuters. Dato di publikigo: 9ma di oktobro 2021. URL vidita ye 9ma di oktobro 2021.
- ↑ Former Prime Minister Lee Wan-koo dies at 71
- ↑ South Korea's former president Roh Tae-woo dies at 88 - hospital - Publikigita da REUTERS. Dato di publikigo: 26ma di oktobro 2021. Idiomo: Angla.
- ↑ Congo-Brazzaville: l'ancien Premier ministre Clément Mouamba est mort (Franca)
- ↑ Marília Mendonça morre em queda de avião em Minas Gerais - Publikigita da G1. Dato di publikigo: 5ma di novembro 2021. URL vidita ye 5ma di novembro 2021. Idiomo: Portugalana.
- ↑ Mali: décès de l’ex-Premier ministre Cissé Mariam Kaïdama Sidibé - Idiomo: Franca.
- ↑ BREAKING | Former president FW de Klerk, 85, has died - Autoro: Pieter du Toit. Publikigita da News24. Dato di publikigo: 11ma di novembro 2021. Idiomo: Angla.
- ↑ Último ditador sul-coreano Chun Doo-hwan morre aos 90 anos - Publikigita da UOL. Dato di publikigo: 23ma di novembro 2021. Idiomo: Portugalana.
- ↑ Sir James Mitchell, 90, dies in Bequia
- ↑ Former Cambodian prime minister Prince Norodom Ranariddh has died - information minister
- ↑ Nauru pays tribute to former president Kinza Clodumar
- ↑ Convicted ex-head of world athletics Lamine Diack dies at 88
- ↑ Kåre Willoch har gått bort, 93 år gammel - Publikigita da www.vg.no.
- ↑ وفاة رئيس وزراء ليبيا الأسبق.. مصطفى بن حليم يطوي فصلا من التاريخ - Publikigita da العين الإخبارية. Dato di publikigo: 7ma di decembro 2021.
- ↑ Caltech Mourns the Loss of Nobel Laureate Robert H. Grubbs
- ↑ Wayne Thiebaud, Playful Painter of the Everyday, Dies at 101 - Publikigita da The New York Times. Dato di publikigo: 26ma di decembro 2021. Idiomo: Angla.
- ↑ South Africa's Archbishop Desmond Tutu dies at 90 - Publikigita da BBC News. Dato di publikigo: 26ma di decembro 2021. Idiomo: Angla.
- ↑ Απεβίωσε ο Κάρολος Παπούλιας Greka
- ↑ The Nobel Prize in Physics 2021 - Publikigita da The Nobel Prize. URL vidita ye 5ma di oktobro 2021.
- ↑ The Nobel Prize in Chemistry 2021 - Publikigita da The Nobel Prize. URL vidita ye 6ma di oktobro 2021.
- ↑ The Nobel Prize in Physiology or Medicine 2021 - Publikigita da The Nobel Prize. URL vidita ye 4ma di oktobro 2021.
- ↑ The Nobel Prize in Literature 2021 - Publikigita da The Nobel Prize. URL vidita ye 7ma di oktobro 2021.
- ↑ The Nobel Peace Prize 2021 - Publikigita da The Nobel Prize. URL vidita ye 8ma di oktobro 2021.
- ↑ The Sveriges Riksbank Prize in Economic Sciences in Memory of Alfred Nobel 2021 - Publikigita da The Nobel Prize. URL vidita ye 11ma di oktobro 2021.