Tokelau

Tokelau, olim Union Islands, esas teritorio dependanta de Nova-Zelando che Pacifiko. Ol konsistas ek arkipelago kun tri tropikal atoli (Atafu, Nukunonu e Fakaofo) kun tota surfaco di 10 km². Ol ne havas fixa chef-urbo, pro ol varias omnayare inter l'atoli.

Tokelau Maxim granda urbo Atafu Oficala linguo Tokelauana, Angla Surfaco 10 km² Habitanti Denseso di habitantaro 1 499 (2016) 115 hab./km² Guberniestro Ross Ardern Horala zono UTC 13 TNP (yaro) 10 milioni (2017)

Segun la demografiala kontado di 2016, cirkume 45% de lua habitantaro naskis exter l'arkipelago, la maxim multa en Nova-Zelando.

Bazala fakti pri Tokelau.

Historio

Admiralo John Byron deskovris l'atolo Atafu ye la 21ma di julio 1765. En 1948, l'insuli divenis Nov-Zelandana teritorio.

Geografio

Atolo Fakaofo.

La teritorio konsistas ek tri koralia atoli jacanta duime la disto inter Havayi e Nova-Zelando. Altra atolo, Swains, malgre apartenar al arkipelago Tokelau, administresas kom parto dil Usana Samoa depos 1925. De Atafo norde til Fakaofo sude, la disto esas min kam 200 km. L'atoli distas cirkume 500 km norde de Samoa.

La suli dil atoli esas poke fertila. Li havas 38 nativa speci di planti, 150 di insekti e 10 speci di krabi. Granda parto de lua nativa vejetantaro remplasesis per plantacerii di kokoso. La maxim alta punto dil arkipelago jacas 5 metri super la marala nivelo.

Ekonomio

Tokelau havas la min granda ekonomio de la mondo. Lua TNP po persono esas aproxime 6.275 dolari. L'energio produktata en l'arkipelago havas 100% sunala origino.

L'ekonomio dependas preske komplete de Nova-Zelando. Peskado esas lua precipua ekonomial agado.