Hesia

Hesia esas Germaniana stato qua jacas sude de lando. Esas vicino di Rhenlando-Palatenio, Bavaria, Turingia, Nordrheno-Vestfalia, Badenia-Wurtemberg e Infra-Saxonia.

Hessen Chefurbo Wiesbaden Maxim granda urbo Frankfurt am Main Surfaco 21 100 km² Habitanti Denseso di habitantaro 6 045 425 (2013) 290 hab./km² Guberniestro Volker Bouffier (CDU) Horala zono UTC 1 TNP (yaro) € 235.68 miliardi (2013) Reto www.hessen.de

Bazala fakti pri Hesse.

Historio

La regiono di Hesia ja habitesis de Paleolitiko. Danko a favorebla klimato, populi ja vivis ibe cirkum 50,000 yari ante num, dum lasta glacial epoko.

Segun funera restaji trovita en Glauberg, Kelti vivis en la regiono cirkum 500 yari aK. Romani havis militala bazo en Dorlar, ed en Wetzlar existis Romana urbeto. Probable Romani abandonis l'urbeto cirkum la yaro 9, pos devastanta batalio en la foresto di Teutoburg.

Dum mez-epoko la regiono apartenis a la Franki, qui havis un Gau (provinco) en la regiono. En la 12ma yarcento la regiono apartenis a Turingia. Pos milito en la 13ma yarcento ol divenis parto di Santa Romana Imperio.

Geografio

Wasserkuppe, la maxim alta monto di Rhön-montaro.

La precipua fluvii di la regiono esas Fulda ed Eder an la nordo, Lahn an la centro dil stato, e Main e Rheno an la sudo. La maxim alta monto dil stato esas Wasserkuppe, kun 950 matri di altitudo, en Rhön-monti.

La maxim multa habitanti di Hesia vivas sude de la regiono. Lua maxim gand urbi esas Frankfurt am Main, Wiesbaden, Kassel, Darmstadt, Offenbach, Hanau, Gießen, Wetzlar e Limburg an der Lahn en la metropolala regiono di Frankfurt-Rheno, Fulda an l'esto, e Kassel e Marburg an la nordo.

Ekonomio

Frankfurt am Main.

Hesia havas un ek la maxim granda e maxim richa ekonomii de Germania. Hesia, se nedependanta, havus la 38ma maxim granda ekonomio del mondo. Kemiala e farmaciala industrii, exemple Sanofi-Aventis, Merck KGaA, Heraeus, Messer Griesheim e Degussa, esas la precipua de la stato. En la mekanika sektoro remarkesas la fabrikerio di Opel en Rüsselsheim.

Frankfurt am Main esas importanta financala centro. La sideyi di Europana Centrala Banko e di Deutsche Bundesbank jacas ibe.

Kulturo

En 2013 67% de la habitantaro di Hesia esis kristani, di qui 40% esis protestanta e 25% katolika. Sen religio esis 26%, e 4% esis mohamedani.