Wn/shn/လွင်ႈၶဵင်ႈၶႅင် ၵၢၼ်ၽွင်း ၶႄႇ-ၾီလိပ်ႈပိၼ်း ယႂ်ႇသုင်မႃး
ဝၼ်းသုၵ်း၊ မေႇ 10၊ 2024
.svg)
_02.jpg)
ယွၼ်ႉဝႃႈ သေႃႇသူၼ်းၶၢဝ်ႇ ဢၼ်ဢမ်ႇၸိုဝ်ႈဢမ်ႇၸႂ်ႈၼႆသေ ၶွင်ႇသီႇၵၢၼ်ႁူမ်ႇလူမ်ႈၸိုင်ႈမိူင်း ၾီလိပ်ႈပိၼ်း လႆႈတုၵ်းယွၼ်း တႃႇလိုပ်ႈ ၽွင်းတၢင် မိူင်းၶႄႇ ဢွၵ်ႇတီႈၼႂ်းမိူင်းၼႆသေ၊ ၽၢႆႇၶႄႇၵေႃႈ တိုၵ်းသူၼ်း ၾီလိပ်ႈပိၼ်း ႁႂ်ႈၵိုတ်းလွင်ႈႁႃလိူင်ႈ ဝႃႈၼႆယဝ်ႉ။
ၽွင်းမိူဝ်ႈ လွင်ႈသိူၵ်ႈသမ်ႇ မိူင်းသွင်မိူင်းၼႆႉ ယွၼ်ႉပိူဝ်ႈ လိူင်ႈပၢင်ႇလၢႆႇၸၢၼ်းၶႄႇ လႄႈ မီးလွင်ႈတိူဝ်းႁၢႆႉၸႃႉမႃးၼၼ်ႉ တွၼ်ႈတႃႇယွၼ်ႇယွမ်းလႆႈ လွင်ႈၶဵင်ႈၶႅင်ၼႆသေ ဢၼ်ပဵၼ်ၾၢႆႇသဵင် ဢၼ်ၸွမ်သိူၵ်းလူင်တပ်ႉၼမ်ႉ ၾီလိပ်ႈပိၼ်း ၵပ်းၽူၼ်း ဢုပ်ႇဢူဝ်းငူပ်ႉငိၼၼ်ႉ လႆႈဢွၵ်ႇမႃးတၢင်းၼွၵ်ႈလႄႈ ၽၢႆႇၾီလိပ်ႈပိၼ်းၶဝ် ဢမ်ႇႁၢၼ်ႉၸႂ်ၸွမ်းသေ ၸင်ႇဝႃႈပဵၼ်လွင်ႈတွပ်ႇတႅၼ်းၼႆသေ လႆႈတုၵ်းယွၼ်း ႁႂ်းလိုပ်ႈ ၽွင်းတၢင် မိူင်းၶႄႇ ဢွၵ်ႇတီႈၼႂ်းမိူင်းၼင်ႇၼႆယဝ်ႉ။
Eduardo Ano ဢၼ်ပဵၼ် ၽူႈပၼ်တၢင်းၶႆႈၸႂ် ၵၢၼ်ႁူမ်ႇလူမ်ႈၸိုင်ႈမိူင်း ၾီလိပ်ႈပိၼ်း ပိုၼ်ဢွၵ်ႇ ၶေႃႈပိုၼ်ၽၢဝ်ႇသေ တုၵ်းယွၼ်းဝႃႈ ဢမ်မီးလွင်ႈသၢၼ်ၶတ်းႁၢဝ်ႈႁႅင်းၼိူဝ် လွင်ႈႁဵတ်းသၢင်ႈ လုမ်းၽွင်းတၢင်ၶႄႇသေ ၶႂၢင်းပၼ် ႁႂ်ႈႁဵတ်းယူႇၸိူင်ႉၼႆၼႆႉ ဢမ်ႇထုၵ်ႇလီပဵၼ် ဝႃႈၼႆယဝ်ႉ။ ၵဵဝ်ႇၵပ်းလွင်ႈၼႆႉသေ ၸဝ်ႈၸွမ်ၸိုင်ႈ ၾီလိပ်ႈပိၼ်း Ferdinand Marcos Jr. လႄႈ ထၢၼ်ၽွင်းလူင် ၵၢၼ်ၼွၵ်ႈမိူင်းတႄႉ ဢမ်ႇပႆႇပၼ်ၵႂၢမ်းမၢႆသင်ၼင်ႇၵဝ်ႇ။
တီႈၽၢႆႇၼွၵ်ႈ လုမ်းၽွင်းတၢင်ဢွၼ်ႇ ၶႄႇ ဢၼ်မီးတီႈ ဝဵင်းလူင်မၼီႇလႃႇၼၼ်ႉ ႁၢၼ်ႉတေႃႇထိုင်ယၢမ်းလဵဝ်တႄႉ ဢမ်ႇပႆႇႁၼ် သၢႆငၢႆ လွင်ႈလၢၵ်ႇလၢႆးသင်ၼင်ႇၵဝ်ႇ။ တီႈ ဝဵင်းလူင်မၼီႇလႃႇၼႆႉ ႁူမ်ႈဝႃႈမီး လုမ်းၽွင်းတၢင် ၶႄႇ သေတႃႉ ၸိူဝ်းပဵၼ်ၵၢၼ်ငၢၼ်း လုမ်းၽွင်းတၢင်ဢွၼ်ႇၼၼ်ႉ ၶိုၼ်းၵႂႃႇပိုတ်ႈ ဢွင်ႈလုမ်းထႅင်ႈတီႈၼိုင်ႈသေ ႁဵတ်းသၢင်ႈဝႆႉယူႇ။ ၽူႈမီးသုၼ်ႇလၢတ်ႈ ထၢၼ်ၽွင်းလူင် ၵၢၼ်ၼွၵ်ႈမိူင်းၶႄႇ လၢတ်ႈၵႂႃႇတီႈ ပၢင်ၸႅင်ႈၶၢဝ်ႇဝႃႈတႄႉ ၾီလိပ်ႈပိၼ်းၼႆႉ လူဝ်ႇၵိုတ်း လွင်ႈႁႃလိူင်ႈသေ ႁႂ်ႈၽွင်းတၢင်မိူင်းၶႄႇၶဝ် လႆႈသိုပ်ႇႁၢပ်ႇၵၢၼ်ၶဝ်ၵႂႃႇ ဝႃႇၼႆယဝ်ႉ။
ငိူၼ်ႈငဝ်ႈတိုၼ်း
- Karen Lema. "Philippines calls for expelling Chinese diplomats as South China Sea row escalates" — Reuters, May 10, 2024
- Reuters. "Philippines calls for expelling Chinese diplomats as South China Sea row escalates" — VOA News, May 10, 2024
- Nhk. "Philippines calls for expelling Chinese diplomats as South China Sea row escalates" — NHK, May 10, 2024
- Associated Press. "Top Philippine security official demands Chinese diplomats' expulsion as territorial row escalates" — The Washington Post, May 10, 2024
