Mitilene
Mitilene (anc scrit Mytilini) es li cité capital del insul Lesbos quel apartene a Grecia. It es li administrativ, economic e cultural centre del insul Lesbos. Mitilene es un portu-cité in li ost del insul. Mitilene es situat sur li peninsul Amali al Egea Mare. It es li sede del Universitá de Egea Mare.
Li cité have 37.890 (2011) habitantes e un area de 107,46 quadrat-kilometres.
Secun li mitologie li cité porta li nómine de un filia del rey Makar quel es mentionat in li poesie de Homer. In li annu 1918 Mitilene devenit un cité-municipie e li territorie del cité esset agrandat in li annu 1997.