Inflation

Inflation es un término e fenomen de economie e it significa li general increscement de precies. Per li inflation merces, productes e servicies deveni plu custosi. On posse comprar min por li sam quantia de pecunie. On anc parla pri li devaloration del moné.

Li contrarie del inflation es li deflation. On nomina un tre grand e rapid inflation anc hiper-inflation.

Secun modern economic teories inflation es li resultate del relation inter oferta e demande. Tre grand e rapid inflation es explicat per un tro grand increscament del quantitá de pecunie in un economie. Per inflation posse evenir un scarsité de merces pro que li consumentes acumular les.

Inflation o mem hiper-inflation es secun li opinion de economistes nociv por un economie. Sparniar pecunie deveni min atrativ, ma it favora li consumption e far debites.