Alexander Gode
| Alexander Gode | |
|---|---|
| Land | Unit States de America |
| Nascentie | 30im de octobre in Bremen (Germania) |
| Morte | 10im de august 1970 in Mount Kilco, New-York (USA) |
| Ocupation | Linguist e traductor |
| Successes | |
| Creator de Interlingua | |
| Quande | 1951 |
Alexander Gottfried Friedrich Gode-von Aesch o curt Alexander Gode esset un american-german linguist e traductor. Il creat li planlingue Interlingua.
Alexander Gode nascet li 30im de octobre 1906 in Bremen (Germania) e morit li 10im de august 1970 in Mount Kilco in li state New-York de USA.
Biografie
[modificar | redacter fonte]Li patre de Gode esset german e li matre sviss. Li familie habitat in li proximitá de Bern (Svissia). Gode studiat in Paris (Francia) e Vienna (Austria). Pos su studie il emigrat al USA e in li annu 1927 il devenit un american cive. Il instructet german e romanic lingues al universitá de Chicago e al Columbia University.
Il redactet e traductet mult articules.
Alexander Gode esset duvez maritat, su unesim marita Johanna morit ante il. Su duesim marita Alison supervivet le. Alexander Gode havet du infantes.
Il morit pro cáncere de pancreas.
Gode e Interlingua
[modificar | redacter fonte]Desde 1933 Gode laborat por li International Auxiliary Language Association (IALA), quel labora desde 1939 al developament de un nov mundal lingue. Il devenit director del IALA in li annu 1946 e publicat li lingue Interlingua in li annu 1951.
Gode e Interlingue (Occidental)
[modificar | redacter fonte]Ironicmen Alexander Gode esset hostil al idé de un lingue mundal. Il anc negat Interlingue quam tro schematic e esset un adversario del unition inter Interlingua e Interlingue (Occidental) pro su hostilitá al idé de un lingue mundal. In li conflicte intra li IALA con professor André Martinet Gode usat quam argument que Martinet esset inclinat al Interlingue de Edgar de Wahl. Gode preferet li usada de ancian latin paroles de su Interlingua.