Ibiza
| Ibiza | |
|---|---|
.jpg) | |
| Aquage | Mediterraneo |
| Land | Hispania |
| Area | 571.6 quadrat-kilometres |
| Habitantes | 147,914 (2019) |
| Cité capital | Ibiza (Cité) |
| Maxim altore | Sa Talaia (475 metres) |
 | |
Ibiza o oficialmen Eivissa es un insul in li westal Mediterraneo quel apartene a Hispania. It es parte del archipelago de Baleares e es in un distantie de 90 kilometres ostal de Hispania.
Li lingues oficial de Ibiza es hispan e catalan.
Ibiza have 147.914 habitantes (2019) e un area de 571,6 quadrat-kilometres. Secun li area it es li triesim max grand insul del Baleares. Li costa de Ibiza have un longore de circa 210 kilometres.
Li insul es collinosi e li max grand altore es li monte Sa Talaia quel have un altore de 475 metres.
Li max grand cité del insul es Ibiza (Cité). Ibiza apartene al autonom region de Baleares.
Administrativ division
[modificar | redacter fonte]Ibiza es dividet in quin municipies. Li quin municipies es:
- Ibiza (Cité)
- Sant Antoni de Portmany
- Sant Joan de Labritja
- Sant Josep de sa Talaia
- Santa Eulària des Riu
Historie
[modificar | redacter fonte]In li annu 123 ante Cristo li Romanes conquestat li insul e nóminat it Eleves. Inter 711 e 1235 pos Cristo Ibiza apartenet al imperie del arabic Maures. Desde 1235 Ibiza esset parte del hispan reyatus. Hodie it es parte del autonom region de Baleares in li Reyatu Hispania.
Hodie Ibiza es un important destination de turisme. 20 percentes del habitantes es extranos. Li biologic varietá e cultura de Ibiza es desde li annu 1999 sur li liste del Heritage Mundal del homanité de UNESCO.