Gawai Dayak
| Hari Gawai | |
|---|---|
 | |
| Nama resmi | Hari Gawai Dayak |
| Pia mega dikumbai | Andu Gawai (Jaku Bidayuh Bukar-Sadong), Ondu Gawea (Jaku Bidayuh Jagoi) |
| Diintu | Sarawak, Kalimantan Barat |
| Bansa | Pengerami adat bansa |
| Pengerami | Gawai Dayak |
| Berengkah | 31 Mei |
| Tembu | 2 Jun |
| Haribulan | 1 Jun |
| Frekuensi | Ninting taun |
Hari Gawai Dayak nya pengerami ninting taun ti diintu raban bansa Dayak di Sarawak, Malaysia enggau Kalimantan Barat, Indonesia. Ba Sarawak, pengerami tu diintu kena 1 Jun enggau 2 Jun lalu ba Kalimantan Barat, pengerami tu diintu ninting 20 Mei. Pengerami tu nyadi hari besai di Sarawak lalu nyadi pengerami pengarap enggau rama ke diaku kenyau ari taun 1957 suba.
Hari Gawai Dayak tu siti konsep ti dibai pengeluar radio, Tan Kingsley enggau Owen Liang ari komuniti Dayak. Perintah Koloni British enggai ngaku Hari Dayak nyentuk ngagai taun 1962. Sida semina ngumbai Hari Dayak nya "Hari Sarawak" ti ngaul semua rayat Sarawak nyadi hari nasional, enda ngira ari ni penatai bansa.
Kena 1 Jun 1963, Datuk Michael Buma peranak asal menua Betong udah ngatur pengerami Hari Gawai Dayak keterubah ba rumah iya di Siol Kandis, Kuching.[1] Kena 25 September 1964, Hari Sarawak digazet nyadi hari besai dikena madahka penumbuh Federasyen Malaysia. Hari besai tu keterubah diintu kena 1 Jun 1965 lalu nyadi kelai penyerakup, peneka enggau pengarap komuniti Dayak. Pengerami tu diintu nyadi hari meri terima kasih ngagai asil ti mayuh sereta maya merambu musim nanam baru.
Penerang
[edit | edit bunsu]- ↑ When Will the Gawai End? The Borneo Post, diambi maya 8 Julai 2024