Phacochero african
Le phacochero african[1] (nomine scientific: Phacochoerus africanus, 1788), alteremente note como phacocero commun[2], es uno de duo species de phacocheros, le alie essente P. aethiopicus. Illo es un mammifero artiodactyle pertinente al subfamilia suin in le plus grande familia del suides, dunque parente del porcos europee, ma endemic del savannas de Africa subsaharian.
Le phacochero ha devenite multo celebre in le cultura Occidental super toto post le famose pellicula de animation Le Rege Leon, ubi le sympathic Pumbaa (que in lingua swahili vole dicer «fatue, stulte») es un phacochero qui, in copula cum su amico suricato Timon, funge como genitor adoptive del leon protagonista, remanite orphano.